我都知道唔少會員覺得啲新會員出現合時別有用意, 所以我都選擇依家先分享對英京嘅睇法; 原本我都係同英京買開隨身聽, 覺得果位sales幾吹得同比啲價幾靚, 後期話唔買野都歡迎我上去坐添, 英京地方ok大又多野擺出黎試聽咪keep住同佢買攞, 樓主出post後我問下佢咩事, 佢就話"單野我搞出黎, 條友試左好多副我問下佢要咩聲底姐, 佢就玻璃心, 當佢幫我宣傳攞我可以點姐?" ;不過我考驗多佢幾次就開始現形;我當初一廂情願同佢熟左可以比較放膽叫佢開啲貴啲果一類耳機dap我玩下, 都同時收集啲樣本第時upgrade有個底; 我唔係果啲一次要試你三四個耳機dap嘅人黎, 後期每次上去試都係針對式搵特定嘅1個model試, 亦唔超過1hrs, 一來我都唔好意思, 二來想日後好相見, 而果位sales見我後期幾次上去冇買野淨試表現已經同以前大相逕庭, 開始出現"點阿大師兄","見係你先比你玩下乍, 小!" 同 "今日真係唔得閒招呼你阿, 你夜啲或閒日黎啦"嘅字眼; 咁商家本質都係商家, 開頭見你同佢買多幾次野咪禮貌上同你嗲兩句扮friend先攞, 佢判斷你已經係冇消費力你又搵佢試野咪現形攞, 但我其實唔稀罕呢啲扮friend;而我自己呢排就成日去旺角各耳機店打躉, 全部都唔買野, 但呢啲店嘅店員都唔係sales口吻, 你問佢邊款邊款耳機dap點點點仲會直言不諱, 得閒仲可以同佢地吹足成日;講到最後我只想簡單表達下, 呢間舖係地方大多版試現貨多, 價格"應該?"都ok,啱心水就交易, 唔好期待佢地要好聲好氣當你賓客 , 因為根本有無數權貴會繼續幫佢買野, 少我呢啲幾十幾百個低消費力嘅佢地唔care;另外都想提翻嘅係, 單純講試野環境, 同區j記一定舒服過佢, 單純講靚價, 亦未到佢; 要講嘅係咁多, 以下開放比英京打手
補充內容 (2020-7-31 21:11):
(7月31日想編輯, 論壇系統話超出編輯時限, 不可以修改, 只可以補充) |
[複製鏈接]
發表於 2020-7-13 15:56
