有興趣想試 |
eph200 發表於 2020-2-27 00:33 小弟有凌晨自己飲住啤酒試!😁 |
希望 brother試機時 係用 sacd 歌, 仲要換 平衡發燒線, 用埋耳牛去聽 就更加好.. 最後係 凌晨時份, 靜晒先走 去同其他 DAP AB 比... |
hphp 發表於 2020-2-26 19:10 你指卡式帶? |
ew014042 發表於 2020-2-26 04:35 Thanks for the review. Off topic: 個插放介面咁靚,原裝跟來,定安裝某些 Player 可用? |
終於有時間可以寫番個評測。。。 首先多謝Post76借出試玩咗大約兩個星期。 有三樣野想同大家分享: 1.機身大細同系統 第一次拎出嚟煲既時候,見到個機身既大細就好似Fiio M9或者近期Sony推出既A105系列,無論喺屋企又好,或者出街搭住車聽,只要用一隻手已經可以捉緊成部機,成個操控都非常就手!另外,部機除咗使用Android 8.0之外,亦擁有部分國産機都缺少既Google Service,安裝一啲串流App就唔洗下載APK咁麻煩!但始終CPU唔係勁既關係,有時候會遇到Lag機既情況,而且觸控屏幕既感應都有啲差,想用手寫搵都有啲困難。 2.聲音表現 對於平時用M11 Pro既我試呢部機,感覺兩者既個性有啲分別,Hiby R5比我既感覺係成個調音都比較暖聲,但又未至於話矇,低頻會慢啲同出啲,但正正因為咁而有少少失去人聲既清晰度,但樂器既分析力比到我有一種驚喜,音場方面就比M11 Pro窄啲,而且多訊息既時候亦有少少亂。 3.使用藍牙問題 用咗兩日時間試過出街連接Cambridge Audio既Melomania 1,同喺屋企連接Rose既RS201播放,連續穩定度就有少少失望,喺選用aptx連接下,聲音不斷有斷斷續續既情況出現,經過觀塘站更加係聽唔到咁滯。。。希望廠方可以fix下呢個問題。 |
terry1407 發表於 2020-1-13 10:17 大家如果都有興趣的話,只需要係呢個帖回覆留名話比我地知,順便又講下你想點試玩法咁啦, 我地會之後PM你有關交收 |
本帖最後由 kennethlo74 於 2020-1-13 13:03 編輯 關於呢部 Hiby R5 其實係佢出之前都聽過唔少報導 對佢都頗為留意,難得有機會可以玩,都真係玩左一段日子 所以出返個小 Review,希望對各位師兄們係考慮 Hiby R5 上有幫助 小弟覺得,整合黎講, Hiby R5 可以講有 3 個小驚喜 1 ) 個子的骰 推力勁強 我諗呢個係好多用家第一印象 事關 小弟耳機係三鐵,插手機聽就唔係點推得郁既 但插落 Hiby R5,我只係將音量調到去 40 - 50 / 100 已經夠 黑人問號 ???? 但佢真係好袖珍個下唔係講笑,絕對係有驚喜 規格參巧 : 564mW+564mW@32Ohms(4.4mm 平衡耳機推力 ) 2 ) 性價比 望返個個市價都係二三千呢個價位,入門級 同好多國產磚一樣,有 4.4mm 平衡輸出 用既晶片係 CS43198 x 2 , 少少似 索尼個邊偏暖聲底 之前有 D 國產磚都 sell 自己細細部平靚正 但通常試聽兩分鐘就放低左,呢部小弟覺得係各方面平衡之作, 幾好,一改對細機冇好野既印象,有驚喜 3 ) 機動性 第三個驚喜當然一定要講帶佢出街既便攜程度, 利申 小弟 用緊兩部手機,其實尿袋都唔想帶出街, 重丫麻,但自從有左佢之後就基本每次出街都會帶埋 就算拎出街一日都唔會增加你出行既重量負荷, 真心實現左 高汁聽歌 everywhere 睇返重量係 160g,真心,有驚喜。 如果話改善空間,我諗係會想佢螢幕邊框可以細少少, 同埋觸控方面可以靈敏 D 就更好啦 ~ |
本帖最後由 terry1407 於 2020-1-13 10:32 編輯 其實係咪淨可以在此報名? |