"歌手關淑怡(Shirley)現為環球唱片旗下藝人,今日凌晨忽然在社交網宣布決定退出事業,以多篇英文留言表明離去,言語間多次指自己相當失望,見識到行業最醜陋的一面,自己更是從未有獲得過尊重!早在上月,Shirley曾在社交網宣洩不滿,指不再相信唱片公司:「了結自己,一了百了!」情況令人擔心!直到今日凌晨,Shirley在社交網不斷發文留言,表示經過深思熟慮後,決定退出事業:「我唔會責怪誰,亦唔想毀掉自己名聲,我與唱片公司已完成合約,多年來對音樂事業相當認真!」她續指自己係被迫作出此決定,自己在沒有選擇下退出,佢強調:「我不是一件貨品,每次做音樂都全心全意去做!我係一個人!唔係扯線公仔,唔係受害者,問心無愧,有自己獨立思想!」佢又透露有人做錯從不道歉,對藝人未有互相尊重等指控。Shirley最後一個留言引用自己舊作《地盡頭》寫下玄奧之詞:「在世界各地的盡頭找到我。。地盡量頭再嚟見!SK」未知佢口中嘅盡頭是指甚麼。" |
本帖最後由 ken.12344321 於 2019-8-15 23:37 編輯 只有人生可有知己聽到前奏係可以繼續聽到落去, 但最後都係覺得聽原本嗰首就可以喇, 而唔係聽廣東話JAZZ, 水溝油, 可能真係有人做到, 但係呢首做唔到, 反而只係令人有種雷同於聽到嗰啲將慢歌變Disco歌嘅歌嘅感覺 (), 而其他嗰啲聽到半秒已經冇繼續聽, 有啲係Hifi味催眠嘅 (難得有情人, 梵音, 假的戀愛), 有啲係突破到唔敢聽, 費事連原本嗰首都影響埋 (一切也願意), 有啲係嘈得太惡心 (夜迷宮), 有啲係好似聽得落, 但係聽到半秒後都係費事連原本嗰首都影響埋或者係原本嗰首我都唔多覺得好聽 (Dela), 其實環球知唔知關淑怡嘅樂迷係聽開咩歌 -- 係聽開關淑怡啲歌, 係聽開關淑怡啲歌啲編曲, 我至少只係要番告別戀曲 (), 如果有失戀演奏家 (), 夜迷宮 ()都好, 嘅等級已經好高興, 雖然嗰啲歌係外國音樂人編曲, 但係我一直都好相信香港音樂人一定可以做到外國音樂人嘅質素, 或者更加好, 如果話係香港音樂人做唔到, 就只係舊時嘅編曲已經係過時, 係落伍, 即使當時嗰啲歌係一種有新意而每一首都係唔會同另一首歌有半分撞歌感覺嘅歌都好, 都唔係香港音樂人做唔到, 而係佢哋不屑去做, 即使佢哋啲編曲係隻隻慢歌都係差唔多編曲, 隻隻快歌都係差唔多編曲, 但呢啲就係香港音樂人絞盡腦汁諗出嚟覺得係今日應該要有嘅聲音。 或者係其實冇人有諗過有興趣買呢隻碟嘅人係咩人, 聽咩歌, 或者係根本冇人諗過呢隻碟有合理數量嘅人買, 如果係咁, 我就唔知隻碟出嚟做咩。 可能有好多人覺得呢啲係關淑怡今日要有嘅聲音, 即使佢哋一直都係聽以前啲關淑怡嘅歌, 所以我嘅感受裡面嘅聽開關淑怡啲歌而聽唔落呢啲歌嘅其實只有我。 |
坦白講,佢以前啲唱法、編曲,整件事都已經好經典,要再造除非編曲唱法好顛覆,否則好難超越。 依十首歌裡面,尤其係〈假的戀愛〉、〈繾綣星光下〉,基本上係一碰即死。 不如整張Ex All Time Favourites 2仲有啲可能爆出嚟。 |
參與人數 1 | 威望 +10 | 金錢 +10 | 收起 理由 |
---|---|---|---|
andychow2046 | + 10 | + 10 | 絕對認同 |
本帖最後由 andychow2046 於 2019-8-10 01:00 編輯 聽晒成隻碟 係少咗驚喜 不過我收貨嘅 始終唱片公司都要計數呢啲歌最穩陣 賺咗錢 先可以出新歌就最安全 我覺得值得支持嘅 始終冇出碟咁耐 比佢熱下身先 大家俾多啲包容佢啦 |
全部聽咗兩次 有啲失望 相信大部份佢嘅歌迷 係喜歡她的實驗性 但今次每首歌曲演繹手法實在變化不大 跟當年相差不多 咁重唱一次嘅目的係為咩呢? 同埋以關淑怡嘅能力 以前嘅佢係好有創造性及驚喜無限 好可能係因為牙漏風問題影響 已經不能作出高難度/迷幻的演繹? 雖然金曲仍然係好聽 但感覺今次太保守了 諗緊買唔買作為紀念 |
佢係唔係特登lur住咁唱?新風格?就好似以前佢玩氣聲一樣? |
Sorry, 真係唔想聽翻唱歌,仲翻唱自己,最好的已經在初代版本 |
我有舊的,作美好回憶就夠 |
icq00000 發表於 2019-8-5 22:04 同意師兄所言。宜家只想佢快d 出復刻夜迷宮黑膠,我仲爭呢隻呀 |