Sony ST-HT5000 返歸吸毒簡報

BM369

Post76 真是一處很毒的地方是很清楚! 一直上來都特別小心，只能做已讀不回的 CD-Rom。一次意外參加你地活動甚至借野返歸玩，屬自己的創舉。如非將搬新居，想升級下自己的器材，希望睇 netflix、AppleTV 時效果好一點也未必有今次沖動創舉。自己非發燒友，本只計劃買部平平地國產 4K 電視及加支兩千左右的 soundbar 便算。點知睇下 76 師兄評語就想好啲，睇睇下分享報告又想再好啲，最終升級到買部三皮多的韓牌 4K 電視後，Soundbar 又出事!! 唸住朋友介紹成萬蚊太貴，不會被打動到，況且 soundbar 貴平又有分別咩? 都係個啲無擬出黎的效果，豐擇、百老匯試過太多，來來去去都這樣不濟!!



結果被位老友拉去出席 76 搞的 Sony ST-HT5000 活動，個場幾十人試聽一條什麼 7.1.2 Soundbar，竟然有起感覺上來，當刻是心大心細唔，同自己講幻覺來，其實唔想又中毒失預算；點知毒海深處未算最深，深在竟然話可借返去玩 ~~ omg!! 個老友驚我唔死咁推我入火坑? 幫我報報埋名，死味!?



我不是什麼發燒友，原本對什麼 Atmos、DTS 不太認知，只想有 5.1 Soundbar 已很滿足，但試過 HT5000 才知到什麼叫天空聲，多了兩聲道的天空感覺真如此不一樣。還有，Sony 的重低音果功力依然無減，雖然我不至為低音狂，但試過那種豐厚沉實感覺，很認同低音真能帶出那份戲味，一試難忘，再試就失常，得左!!

(設計對白: 你醒下哪!! 你中晒毒哪些!!)


HDMI 有三入一出，剛好 fit 曬一部碟機、遊戲機、media box 的情況，而且仲話對應到 Sony 藍牙無線喇叭玩分區聽歌，仲有話岩對應串流睇片用的 eARC，正!!  



總括試了兩星期的感覺非常正，試過一定無投訴，而且特別適合環境細細的地方使用，效果必然更明顯；缺點係個價貴了點，如果師兄們地方許可又比我燒，呢個價可能買部入門擴音機 + 套喇叭都足夠，明顯咁睇份量心中。經過親身深入這個 Post76 的毒人谷見識過，決定買好 set 妥支 Soundbar 後要減少上黎遊走，以免中毒再加深!!

unclewill

人生有個真正朋友的確好極

siukeung

畀人毒到就永不翻身