迪士尼·彼思最愛系列回歸 - 反斗奇兵 4

SonSon

迪士尼·彼思最愛系列回歸！
胡迪、巴斯率領新舊朋友陪你展開刺激好玩的嶄新歷險
《反斗奇兵4》
TOY STORY 4
上映日期：7月11日

《反斗奇兵》又返嚟啦！

在《反斗奇兵3》，當玩具主人安仔把所有玩具轉送給小女孩寶妮時，大家都以為《反斗奇兵》系列會隨之告一段落，沒想到彼思創作大軍竟構思到又一個精彩故事意念，決意把這個自1995年二十多年來陪伴無數人成長、彼思最受歡迎的動畫系列延續下去，繼續為觀眾帶來無限驚喜和感動！

今次大家最喜愛的一眾玩具角色如胡迪、巴斯光年、翠絲、三眼仔、薯蛋頭、彈弓狗都會全數回歸，更有全新角色加盟，包括帶出故事新發展的小叉「Forky」，還有久違了的牧羊女寶貝 Bo Beep以全新形象再度出現，新舊角色大堆頭陣容，一齊展開一段刺激好玩的嶄新歷險！

早前聲演胡迪的湯漢斯 (Tom Hanks) 在Instagram上載為《反斗奇兵4》進行配音的相片，留言「胡迪最後一節配音，最後一句對白」，表示為《反斗奇兵》的完結感到心情激動；聲演巴斯光年的添艾倫 (Tim Allen) 同樣表示配最後一場戲時，感動到哽咽說不出話來，透露《反斗奇兵4》的結局比第3集更催淚，令全球影迷對這部動畫倍加期待！何況今次還有奇洛李維斯 (Keanu Reeves) 加盟聲演全新角色勁爆公爵(Duke Caboom)，必睇度又再急升！

【故事大綱】寶妮帶著一眾玩具穿州過省展開家庭旅行，格格不入的新玩具「小叉」乘機走佬，胡迪立即展開追蹤，巴斯光年亦率領一眾玩具出手相助，由此踏上一段意想不到的全新歷險！

《反斗奇兵》系列威水史
•        1995年，首集《反斗奇兵》上映，是電影史上第一部全電腦動畫長片；成為當年最高票房電影，並榮獲奧斯卡三項大獎提名。
•        1999年，《反斗奇兵2》上映，成為史上第一部由創作、製作至放映全數碼化的電影；更是首部票房超越第一集的續集動畫電影；在美國、英國和日本均打破開畫周末票房紀錄，成為當年最賣座動畫；榮獲金球獎最佳電影（喜劇或音樂組別），以及格林美獎最佳電影歌曲。
•        2010年，《反斗奇兵3》上映，榮獲奧斯卡最佳動畫，以及最佳電影歌曲，同時贏得金球獎和英國BAFTA最佳動畫大獎；是彼思第二部獲提名奧斯卡最佳電影的動畫；亦成為彼思史上最賣座動畫第二名；在香港更以8千9百萬的票房紀錄成為最賣座的動畫。

小瑟

唔知點解, 今集好似冇咩動力去睇咁既??? 你地呢>???

kl122002

小瑟 發表於 2019-5-31 21:13
唔知點解, 今集好似冇咩動力去睇咁既??? 你地呢>???

依然有動力.

事實我覺第2集時已是一個很好的收結. 第3集時我覺是一個重新起點, 說的是大家的未來, 怎樣由新變舊再變成熟
這個..已是說故事給大人聽的時代了, 不能再抱著第1集時的冒險視野.
第4集說的是原主角Woody ,  也是為了給他一個交代?

horace_tsang

粵配會不會再次青雲+Dicky

SonSon

睇trailer第4集重心去咗胡迪度, 巴斯好似變咗配角

gashapon

小瑟 發表於 2019-5-31 21:13
唔知點解, 今集好似冇咩動力去睇咁既??? 你地呢>???

我自己認為第3集d玩具搵到新的屋企的結局已經好完美了, 所以講真今集麻麻地想睇. 有少少似睇了7集SAW, 故事終於完o左, 新作講10年之後, 雖然都是SAW但感覺已經是兩回事...

正宗球迷

horace_tsang 發表於 2019-6-2 13:49
粵配會不會再次青雲+Dicky

賣左廣告,仲係dicky拍青雲. 謝安琪做羊女.

上次車王唔知點解冇搵阿葛做哨牙麥.

光與曝光

有冇師兄知道幾時開售7月6日優先場??

SonSon

光與曝光 發表於 2019-6-18 07:54
有冇師兄知道幾時開售7月6日優先場??

未公佈場次

alleelarry

小瑟 發表於 2019-5-31 21:13
唔知點解, 今集好似冇咩動力去睇咁既??? 你地呢>???

又是另一個未上畫已經有100%的動畫，點都有保證，睇係一定會睇，只在乎快定慢！