Onkyo TX-RZ840 至強戲院級認証體驗會(會後討論)

小瑟

岩岩食埋飯回到家, 今日活動大家又比左個好開心的下午小瑟勒, 今日活動真係要多謝Desmond全力為大家選來一眾章節, 有動有靜, 希望大家都會過得開心啦!

以一部 $8880 的AV AMP來講, 自己推哂 9隻喇叭, 再 PER-OUT SB比AMP去做個7.2.4, 咁大既地方, 小瑟覺得真係非常唔錯了. 當然仲有改善既地方, 不過以價論機, 已經好唔錯, 加上冇上代咁熱, 遲下又可以玩埋IMAX, 部機玩3-4年應該都冇問題. 唔知大家又點睇呢???? 不妨比下意見, 大家討論一下呢~

AskaLung@FB

我想問下係咪一定只可以PER-OUT SB，可吾可以PER-OUT 去前置都可以出到7.1.4？

小瑟

AskaLung@FB 發表於 2019-5-25 21:33
我想問下係咪一定只可以PER-OUT SB，可吾可以PER-OUT 去前置都可以出到7.1.4？

840 11個CHANNEL都可以 PRE-OUT出來POWER AMP架!!!

opdes

AskaLung@FB 發表於 2019-5-25 21:33
我想問下係咪一定只可以PER-OUT SB，可吾可以PER-OUT 去前置都可以出到7.1.4？

前置要用後級，直接插FL/FR嘅Preout就得了 只係要玩晒11聲道時，SB一定要用後級來推，其實用普通amp都得，因為SB要求唔高

小瑟

opdes 發表於 2019-5-25 21:46
前置要用後級，直接插FL/FR嘅Preout就得了 只係要玩晒11聲道時，SB一定要用後級來推，其實用普 ...

全對~~~

Jazzgd1

一開波講冇imax 有點失望，同696果埸比較，冇咁胡，低頻好D，今次人多，未必中到好應位置，今次算直推見真章，以我感覺，盡左D，音量過大有點失真同有D尖聲，反而上次696前置交比另一個amp理想好多，不過做到咁大槍聲都算唔錯，咁大地方只用書架，class ab ，反而一般家用一定夠用，最後，完場摸個機頂，唔算熱。總括來說，
840同696比較，840加上次個2ch amp set 5.2.4亦一定好好多，而地方大概，加4ch 後級推前二加sb 玩7.1.4更開心。
Ps 送果隻dtsx 碟好正??

AskaLung@FB

opdes 發表於 2019-5-25 21:46
前置要用後級，直接插FL/FR嘅Preout就得了 只係要玩晒11聲道時，SB一定要用後級來推，其實用普 ...

唔該晒師兄嘅回答，我就係咁嘅意思

issachar

今次係第一次上星光行 Onkyo 同 Pioneer 既毒氣室, 大王話 Desmond 花左不少心機時間0係呢間毒氣室入面... 最近仲將所有器材上架 (睇返片原來上次 696 體驗會又真係未有架喎) , 務求令到呢間毒氣室毒上加毒....

而呢次 RZ840 (0係現場講左 804... 好 SEVEN ) 體驗會火力全開, 行足 11.2 channel... 除左一隻大地震 MKIV 12 吋之外, 全部用哂 Mission 既喇叭...

冇見大王一排, 風采依然~~~    幽默抵死既主持風格, 加埋 Desmond 詳盡深入既產品介紹, 又軟又硬...  令整個體驗會資訊與娛樂並重
印象中今次係第二/三次現場睇 Desmond 做產品示範... 除左一向詳細既介紹, 對版友既疑問清楚解答之外, 仲會有自己既心得... 真係非常專業!

另外大王再提到唔希望家庭影院變成祗係發燒友既玩意... 希望多 D 人玩, 實在語重心長....

進入正題首先竟然係播星球大戰 The Phantom Menace 既 DVD 版... DTS 0係 RZ840 既表現十分出色!!! 賽車一段一開始 D 引擊爆發動果一下唔單止係打心口, 係成個人都 feel 到引擊既震動!
同時亦感受到一間設置做得好既毒氣室真係完全另一個層次! 中段播放既一段 Atmos demo, 一隻太空船飛過, 聲音由中置去左邊再去天空喇叭... 而且連貫性係極好!!
之後就由 Desmond 私人珍藏 Anne-Sophie Mutter Live perofermance!!! 弦聲爽脆唔需要多講....果重快係 RZ840 都跟到冇問題....  
之後 John Wick 既片段, 片來片去, 子彈橫飛呢 D 唔講喇, 正囉 OK?

而我最開心緊係大王拎隻 Ready Player One 出黎啦!!! 真係 Yes 左出黎呀 幾個重要位, 包括架油車炒車, d coin 兜口兜面飛埋黎, 直升機同埋 King Kong.. 呢 D 比較多天空聲道既位, 我都十分留意... 而 RZ840 係完全令我滿意!

體驗會就黎到呢度... 彩蛋就緊係要有嫁啦.... 有版友問咁 RZ840 0係 2 channels 既表演係點? Desmond 就立即揀左 d flac file 黎示範一下.... 我以為 Mission QX 睇戲咁生動, 應該去唔到果種音樂感!? 點知唔係!! QX 既動態, 0係 2 channel 上表現都出聲, 我個人覺得佢調聲係似美國喇叭多 D......

ANYWAY.... QX 都咁0岩聽... ZX 出既時候唔知點算??? 我同大王睇黎已經相相中毒囉.....

opdes

issachar 發表於 2019-5-26 07:40
今次係第一次上星光行 Onkyo 同 Pioneer 既毒氣室, 大王話 Desmond 花左不少心機時間0係呢間毒氣室入面...  ...

其實試音房嘅器材架係由 POMA 其他同事精心安排，為咗同 76 夾呢場體驗會，POMA 好多同事都一齊幫手，只係 Desmond 出面而已

matt88p

多謝76嘅安排, 講返琴日個試聽會我反而覺得最正係一開始大家講下自己, 傾下偈嗰度.
絕對支持大王呢種方式, 其實咁樣更加可以了解大家多啲.
聲音我自己唔討論太多, 但我個人就覺得上次696比較好

最後最好笑嘅係, 現場有人宣稱好想要小瑟條嘢( 調音棍)