Ss仙女 用左11日壞右邊面耳機 拎上ect整一肚氣

davidnms2385

我隻ss仙女係英京買全新行貨
前幾日右邊高音勁拆 勁細聲 低音無哂
我心知不秒 拿拿聲拎去整
我今日上到ect係個女人招呼我


我：我隻耳機早幾日有d甘甘甘問題

ect員工：得啦我地會檢查

之後佢走左去搵部dap試，大幾半分鐘黎過同我講

ect員工：先生你有無煲隻耳機

我心唸動鐵都要煲？？？

我：我話無

ect員工：甘你平均每日聽幾耐

我：每日3-4個鐘甘，我買左幾日邊有時間煲（我開始火火地）

ect員工：先生我唔係質疑你你冷靜d先

我：甘貴買隻耳機唔洗幾日就壞叫我點冷靜

ect員工：（開始西聲西氣）我拎入去搵部機試你坐下先

甘我四周圍行下試下耳機打算搵隻平平地頂住個?頭先（ect上面都幾多野試）無耐佢出黎話要放低整

ect員工：先生你隻耳機要整入左會先

我心唸甘x煩整隻耳機整又要入會入會同時我問佢

我：有無得一換一（扣反紅日當我7日內日得唔得?)

ect員工：無得一換一因為花左

Ss仙女係好易花，花左你唔免費一換一我ok既

我：甘加錢升級或換一隻得唔得(因為我都打算買隻新既頂住先不如我加錢你換隻比我好過啦）

ect員工：你自己問英京得唔得

我心唸你唔得米唔得唔洗射個波落英京到啊

ect員工：要6-8個星期你等電話啦

我：下甘耐

ect員工：先生你隻耳機可能未煲過,我地要煲煲佢先在檢查多次有問題報返廠

我聽到之後去面勁黑我DLLM 同煲機有咩關係，唔通你煲佢77 49日 高音會唔拆 大聲返 低音返番黎 有玩開耳機都知9成係單元出問題

ect員工：（佢見我塊面勁黑即刻補飛）先生我都知你岩岩買，我地會盡快整最快2星期

我無答直接拎單走人

我唸佢地唔會同我煲2星期之後叫我拎返走

放低隻耳機之後出左旺角打算買左lyra2頂住個?頭先（係ect上面試左.聲我都鐘意）

點知耳機店話得返陳例呢隻...

我打算走人個店員哥哥話在平d賣比我

最後用5-6拆買我知出面有更平2手但係我心身好疲累

但求呢隻無病無痛頂到隻仙女返黎（我預佢兩個月先整到）

最後送上遺照一張

Xd150 加ss仙女 加alo gold 16

NovemHo@FB

ect一直好PK⋯⋯⋯

Thxdtsdd

如果耳機真的有問題, 要煲完先檢查到? 咁廠出新耳機點 check QC? 相反, 如果買家 7X24 連煲耳機 7 日, 代理會唔會話: 先生你咁煲耳機係人為損壞, 保養是唔包的。

davidnms2385

Thxdtsdd 發表於 2019-2-12 16:35
如果耳機真的有問題, 要煲完先檢查到? 咁廠出新耳機點 check QC?  相反, 如果買家 7X24 連煲耳機  ...

我都驚佢會甘講到時話我整壞
動鐵洗鬼煲咩
我煲部xd150係用佢送戈條煲機線無插耳機落去煲
今次真係比佢地激到紮紮跳
可能佢地有特別煲機方法死都得救返
唯有兩星期後打去問下佢地搞成點唉...

good88690

很同情師兄情況, 剛買就壞.
佢問您有冇煲過既問題, 點答都死, 您話煲過, 一陣話您令耳機過於粗勞, 引起金屬疲勞以至不良.
話冇煲, 佢就當您隻機未開聲, 不在狀態.
所以我平時整野, 遇到呢d問題, 我會反問佢, 做過同冇做會有咩影響, 或者話幫人攞黎整, 唔太肯定, 好似有, 好似冇..........

我自己試過買電話, 第二日就有問題, 諗住攞反去換, 點知比人驗屍咁, 對方好艱辛咁終於搵到d唔明顯既痕跡, 就話冇得一換一, 我心諗, 我買果陣都冇用放大鏡睇, 如果果d都係痕跡, 我諗買果時佢開十部比我都唔pass.

就算佢整反好, 果隻都有機會只係維修好既良品, 就算入面換過新單元, 手工都唔知有冇出廠咁好, 您話本身用左一排都冇所謂, 但幾日就咁, 好冇引

希望師兄盡快成功搞掂

davidnms2385

good88690 發表於 2019-2-12 17:21
很同情師兄情況, 剛買就壞.
佢問您有冇煲過既問題, 點答都死, 您話煲過, 一陣話您令耳機過於粗勞, 引起金屬 ...

係啊點答都死
買好哂dap升級線
隻耳機用唔夠兩星期就壞真係好無引
本來想買返隻仙女但係唸唸下遲下有兩對仙女係手就真多舊魚
放返出去又哂我時間
唯有買隻平d頂住先....
買太貴又驚壞....新年流流甘黑仔 成個人灰哂

keigo912

我有朋友年30晚買左對全新綠仙女，諗住全新實冇事，只係折盒係咁易目視同試過下對耳機有聲就走人，點知果晚佢攞出黎再睇清楚時發現甩漆，跟手SEND EMAIL問代理點算，但代理答覆係外觀唔包，雖然甩色係遲早問題，但係全新都有咁既問題就唔駛買全新啦。最後代理都收左我朋友對耳機話問下廠果邊如何處理要等大約兩星期。。估唔到QC會咁差。

davidnms2385

keigo912 發表於 2019-2-12 21:06
我有朋友年30晚買左對全新綠仙女，諗住全新實冇事，只係折盒係咁易目視同試過下對耳機有聲就走人，點知果晚 ...

我都係直接比錢走人開都無開
下次真係要試清楚先好走人

okano14

我早排去整隻AK JH Michelle, 佢又係叫我入資料入部ipad 仔度, 入完個人contact 就入部機的資料,
估計佢係用係mark contact 資料jer, 後尾傾落, 原來登記埋部AK player 可以延長保養, 當然唔執輸...

我果次隻耳機攪左兩星期... 希望師兄隻機都可以快手攪掂

kmr

好多時候都係公關問題，其實音響店有時真係要train 下店員，有一半既其實都係龔既