[少量劇透]《廉政風雲 煙幕》︰疲弱的首部曲

粗人敵卡

《廉政風雲煙幕》乃由《無間道》三部曲系列導演及編劇麥兆輝兼任編劇以及執導。之前麥兆輝連同莊文強合作的電影《竊聽風雲》系列水準叫做有保證，以為今次廉政風雲會是一齣精彩萬分的電影，可是出來的成品令人失望。麥兆輝團隊等人還打算為廉政風雲拍三部曲，實在令我擔心其後續集水準。

電影講述證人張家輝於貪污指證案與第一被告突然失蹤，ICAC主任劉青雲要於七日內法庭重新審訊之前，於澳洲尋回張家輝及搜集更多證據指證貪污案其他被告入獄。預告提到張家輝乃相當耐人尋味及突然，然而電影中交待張家輝失蹤相當兒戲，居然於酒店room service來到就來一個「人間蒸發」，而失蹤最大責任在於ICAC陳家樂等兩人監管不力，而這個錯失是可以避免的…這個戲劇性開頭令電影可觀性大大降低。

由於電影查案人員是ICAC並非警方重案組，所以電影火爆動作場面相當少。當然這算是合理，如果彷似Z風暴ICAC人員手拿槍械與罪犯駁火有點不合情理。文戲拍得有點沉悶，劉青雲、林嘉欣等ICAC人員搜尋到新證據，就帶人回去審問，只有配樂為文戲添上緊張氣氛。貪污案其中一位被告袁詠儀及辯護律師吳岱融淪為過場人物，而劉青雲用非常手段向袁詠儀套料，她的證供對電影後段作用不太大。最可惜的是吳岱融沒甚發揮，只有一幕他被揭發幫助第一被告棄保潛逃，他的角色就退場了。袁詠儀吳岱融兩位角色設定草率，面目模糊。

林嘉欣於電影飾演劉青雲的妻子，被安排去澳洲說服張家輝回港作供。林嘉欣與張家輝的對手戲因為劇本問題，演出乏力。原本張家輝有一段提及自己因為女兒身故而離婚，我以為麥兆輝想藉著張家輝的故事與電影中劉青雲夫婦感情破裂作一個對照，深化電影中有點多餘的感情線，但是電影後段的plot twist將張家輝的故事推翻，令到林嘉欣與劉青雲的支線劇情變得猶如雞肋一樣。張家輝的證人角色到了電影後段來一個大反轉，而這個反轉是極為兒嬉。這個反轉乃建立於張家輝與劉青雲的關係上，而劇情交待相當牽強，又過於巧合，電影塑造的懸疑氣氛一下子被這個反轉徹底破壞。結局貪污案的幕後黑手被拘捕，離譜得以林嘉欣劉青雲對白交待，兩人突然和好如初令人摸不著頭腦。而最後張家輝的下場…我對大陸電檢實在很反感，又來一個壞人會有報應。當然廉政風雲聲稱會拍三部曲，可能張家輝於之後續集會再度出場，而今集所謂幕後黑手並非終極boss。然而這樣疲弱的開首，如何吸引觀眾之後入場觀看續集？

stanleytse1129

睇咗………………sorry ，我唔太識欣賞呢套，2/3時間整套戲嘅氣氛都太靜，全無高低起伏，非常悶！！

正宗球迷

部片岩岩睇完,個尾睇唔到有乜野要再拍喎, 當獨立故事再開?咁咪變左古天樂堆風暴?

靚靚真係客串,同方中信差唔多出鏡時間, 張家輝冇乜好發揮, 就算個尾玩呢招,由於已經爛左, 唔覺得佢仲出現係好出奇.

小瑟

又玩多部曲？？？

JeanJSaw

乜胃口都無晒

Giogio

開場好似好勁 不斷倒數日子 又話打大老虎又話死人冧樓
以為下場黎料啦 等下等下 等到散場都冇料到 跟手就話K屎完左
觀眾個個木口木面行返出黎

jc2ssych

竊聽三部，分別講警察監守自盜、地主會和丁權。三項主題都好本土，好鮮明。

廉政題材牌面照計更地道喇掛，點知相反。

alleelarry

《竊聽風雲》去到第三集已組麻麻地，不過每一個故事都係獨立，再拍唔拍落去又無咩所謂！

昨天看完，本來也打算寫一篇的，名為風雲「四」起：《廉政風雲 煙幕》；不如就係呢到接落去討論啦！

- 劉影帝唔知得罪左邊個，唔係婚外情，就同老婆發生溝通問題……
- 劉影帝四度以主角登場，所以就是：風雲「四」起
- 故事其實好簡單，下一步會點大家都好容易估，伏筆講完之後因為要交代又會再提下，咩點解買兩套雪裝，真係多左
- 前三套風雲都係編同導都係最強組合：麥兆輝+莊文強，但呢套雖然都有麥兆輝，我估都係掛名比較多
- 亦因為上一點，兩位主力編劇似乎有意無意之間，加左「竊聽」系列既橋段入去，睇到尾真係幾似《竊2》既走向

MDLP

開頭個故仔發到鬼咁大到
套戲就嚟完
去到張家輝自揭身份
就已經收唔到科
搞到要安排堆砌邊個阿同邊幾個
原來有早就相識關
之後無呢頭有人出嚟自動投案
邊個支無端端死咗
走個人出嚟原本係幕後大佬....
草草邪不勝正不得好死完場