第一屆【香港影音玩樂展2018】會後有感....

小瑟

終於第一屆香港影音玩樂展都圓滿結束，衷心多謝每一位有來到我哋香港影音玩樂展2018的朋友們， 你們的支持令我們非常感動，亦非常感激每一個參展商的支持，以及多個單位的配合，我地先可順利完成。更加難得的事，我們post76多年來的板友，板主們，兄弟們，義不容辭地全力支持，這三天不分晝夜的為這個展覽做最好的準備， 為節目安排作最週詳的計劃， 能夠完成這件壯舉對於我們來說絕對是一個里程碑。希望今次我們的 展會可以讓大家有一個快樂的週末，我們2019再見。

245141525

就算輸都要贏掌聲

深深體會到，搞一個展覽真係唔簡單，雖然只係幫手，但眼見堆積如山嘅工作，排山倒海嘅問題，對於我呢個零經驗嘅小薯仔嚟講，完全無諗過出嚟嘅結果係點嘅，只係搏命幫手、幫手、幫手⋯⋯

由初頭懶懶閒，到開始有啲嘢做，到開始做唔切，到真係做唔切；心情由輕鬆，到開心，到緊張，到擔心，到驚，到興奮，到鬆一口氣；未試過咁攰，未試過同一時間處理咁多嘢，未試過一日行咁多路，未試過咁多晚夜瞓早起；雖然唔係咩大型展覽，但工作量多到嚇死人，所以，無一班盡心盡力、打不死嘅兄弟姊妹係做唔到嘅！ (你地究竟食咩大？)

要贏到掌聲好難，今次都贏得唔少掌聲，收到嘅評語同反應亦好鼓舞。

自從結婚同生女之後，好耐都未畀人恭喜過，作為小角色，估唔到散場都有幾個人恭喜我，都算係咁啦！多謝有機會同你地一齊奮鬥嘅兄弟姊妹，多謝參展嘅每一個單位，多謝站台嘅每一位專家，多謝每一個入場嘅朋友！

有好多嘢要需要改善，但我已經記低晒，希望出年可以更好。

出年我一定會喺度，希望會見到你、妳、您。

阿定

希望大家滿意 Game76 安排的賽車試玩 同 賽車表演，我地電玩特工Jones三日都有坐陣協助大家玩





同場仲有少量同遊戲有關的產品大家又見唔見到呢，例如自帶手柄按鍵的Andriod機 及 電腦內置到電腦抬

小瑟

仲有好多相可以放呢~~