預告新搞作。。。 Oyaide 黑蛇令小弟著迷, 今日一不做二不休, 訂了其 Across 3000 喇叭線, 實行將其分拆整helix喇叭線 |
擂台陣 (四) : Neotech 四對 helix copper foil / 棉漆線同室操戈 最左: 28 awg金銀/棉漆/Cardas, 最上: 28 awg金銀/ copper foil/KLEI 最右:28 awg UPOCC silver/棉漆/ETI copper, 最下: UPOCC copper 20 awg方芯銅/copper foil/Onix 試音CD: 四季 第五; Carol Kidd Over the Rainbow ; Bossini The Silken Ladder; 絲竹管弦 鴨子拌嘴 老婆梗係以為我傻咗, 每首歌連續聽四次 四季: 以方芯銅最有暗勁, silver gold copper foil 的小提琴出得最滑, 拉奏最活, 同 silver gold 棉漆差不多。 Carol Kidd : silver gold 棉漆的body最大, 人聲較後, 有點唔自然。 silver gold copper foil 結他body 最sharp, 人聲傾前一D。 silver/copper foil 人聲前d, 結他富impact;方芯銅結他聲前D, 人聲最吸引。 The Silken Ladder : 這序曲的特點是演奏樂器群互相呼應, 兼有好多錄音雜訊例如吹氣聲, 『唔』 一聲及揭樂譜聲。 方芯銅同silver copper foil 一樣, 群奏有texture, 堂音豐富。 silver gold/copper foil 能量感少d, 但其對比較大, 揭樂譜聲大d ; 而silver gold 棉漆的image會較其他線大d, 無咁肉緊。 鴨子拌嘴: 這純敲擊音樂妙處是鐘, 查查等夠唔夠響同餘韻, 佢有幾下好細聲的演出, 好考分析同層次。 這次以方芯銅最過癮, 餘韻最豐富。 但silver copper foil 的images最sharp,尾音 都 好得。 silver gold copper foil 嘅空間感最大, 只是body較slim。 silver gold 棉漆的動態左右樂器互響令人留下印象, 沒有肥大感。 終於搞掂這次擂台陣 , 滿足咗小弟整唔同線材之癮。 這四對線各有所長,值得保留。 有如古代皇帝擁有好多佳麗,目不暇給 。 近日遊覽網上, 發現好多年前已有人整過類似helix的線, 大家不妨參考一下: https://www.tnt-audio.com/clinica/diyce2.html 下一步小弟準備搞搞之前嘅 Duelund silver oil cotton helix線, 同埋 helix 電線 |
擂台陣 (三) Neotech UPOCC 26 awg silver/gold 電池線 (1877 頭) VS UPOCC 28 awg silver/gold helix 銅箔 (KLE頭) VS UPOCC 28 awg silver/gold helix 棉漆 (Cardas 頭) 試音CD : 這次擂台陣真係easy job . 聽比試cd, 大致彼此音質接近, 都是通清, 高頻標青低頻較slim。 但最大的分別是厚薄聲之別: 以 helix 棉漆Cardas 頭最厚聲及有body; helix KLE 居中, 電池線最薄聲。 蔡琴的 月光小夜曲 helix 棉漆鋼琴最有body 及 impact。電池線好似空間感較闊, 餘韻長dd。 人聲三線都好focused。 Knock Three Times 的演奏伴奏豐富, 三線都一樣表現。Carmen 則 以電池線最薄聲, helix 棉漆Cardas 的小提琴群奏最有力量。 貝多芬第九現場錄音第四movement, 可以試出分析力(觀眾嘅咳聲等): 其中一下 咳聲好隱晦下, 唔係有好多線出得清楚, 這也是小弟用作考線分析力的標準。 今次對三對線而言只是easy job , 好似遮住八月十五月光的雲被撥開咁。 這movement 有低音大提琴, 以 Cardas 頭的 最厚聲低頻最潛。 至於音場則以電池線最闊最通透。 全部都是Neotech UPOCC silver gold 線, 音質幾乎一樣, 皆走通清及高分析力。 如要小弟去定斷, 當然揀Cardas 頭helix。 這對線的body較厚, 低音較沉較全面: 可能與RCA頭及 helix 的 Neotech UPOCC 棉漆線有關. 下一次擂台會係全部helix 銅箔/棉漆線對壘, 究竟鹿死誰手? |
擂台陣 (二) Neotech 廠UPOCC silver 線/Furutech 頭 Vs Neotech 26 awg UPOCC silver/ VH Audio OCC copper/Silver Bullet 電池線 VS Neotech UPOCC 28 awg silver helix 棉漆/ ETI copper 頭 試音 : 蕭斯達高維契 第十第二 movement: Neotech 廠silver 的 image較其餘兩線up front d, 聲音較厚, 開首的幾下木琴偏向中間。 整體UPOCC silver/OCC copper 同 silver helix 棉漆的表現好相似, 低頻厚實d (控制力好d), 木琴偏右d, 音場兩者都較後, 形成images sharp d。 Sylvia: 三對線的分別唔大, 人聲有氣有力,現場感一樣, 背後觀眾的咳聲雜聲一樣咁多。 鬼太鼓: UPOCC 廠線的低頻有少少boom, 播出場面大, 但無其餘兩對同門線咁動聽: 它們鼓聲較實, 收放好d, 右後面蕭聲較sharp較focused,一齊演奏的氣氛熱鬧同埋餘韻好d。 要提一下接近 尾段有一下吹氣聲以前真係冇留意, 今次比小弟聽到, 顯示這兩對線d分析力真係好。 麥田之歌 : 第四/十八首: 第四首最能試空間感, 三角鈴高頻, 風琴低頻同分析力。 Neotech 廠線今次在這幾方面顯出勁力(因為音色豐厚d); 第十八首開始有一段結他演奏, 跟住有男聲獨唱,(佢開口時的口水聲三對線都出到, 但以Neotech 廠線最大聲 ), 然後背後一齊男女演唱, 演奏樂器多樣, 有風琴, 笛等等。三對線各展其本色, 難定輸贏。小弟則嫌Neotech 廠線音場窄咗d。人聲則以silver/OCC copper嗰對電池線最肉緊(向來是其強項 ), 而背景則silver helix 最靜,結他聲柔得嚟更有彈跳同餘韻。 比較完畢, 結論是各有專長。 不過, 小弟都係心儀silver 電池線及helix線。 helix 線版主都係建議用 Neotech UPOCC silver嘅。 Neotech 廠散線加埋Furutech 頭貴好多, 以本少利大為原則, 後二者抵玩好多。 小弟手頭仲有UPOCC silver 線 , 再整多對又如何? |
擂台陣 (一) : Neotech UPOCC 20 awg 方芯銅 (twisted pair)電池線 VS Neotech 20 awg 方芯銅 helix 銅箔 試音CD : The Beatles : Yesterday, Yellow Submarine & Let it be 電池線無論在空間感, 分隔度及 fousing 方面不及其helix兄弟。 helix Neotech 播Let it be 的鋼琴更有body, 人聲背後的和唱及"cha cha" 會後多d。整體上 電池線d聲較"行", 有些少躁。 聖桑骷顱之舞 : 兩者分別居然輕微, 可謂打成平手。 唯一可說的是臨尾的大爆棚helix 線會線條清DD。 沖天炮: 聽完這曲可以收工: 電池線出得平板, 鼓聲欠缺impact, 樂器較擠擁。 helix線的鼓的定位更佳, 更有動感。 電池線可以退休 |
本帖最後由 Alman 於 2019-3-23 13:46 編輯 明日擂台戰, 今晚先來個介紹: 早前買了個古河碳纖wall plate, 剛才把它換上去GG前級之AC filter, 略為試聽, 似乎音色柔和及線條浮凸了些少,不能說有好大改變, 但最有印象的是播鬼太鼓,原來 背後d鼓手係不停咁叫, 之前好似冇咁明顯。 點都好, 就當這wall plate 為擂台助興啦。 未換前 古河 言歸正傳, 今次擂台陣主要分兩部分: 第一部分是把同樣線材來個切磋, 咁就可以判定是否helix佔優;第二是將銅箔/棉漆helix 線一齊比比, 看看誰領風騷 第一部分的線包括: Neotech UPOCC 20 awg 正負極方芯銅電池線 Vs 同是24 awg UPOCC方芯銅helix 銅箔 Neotech 廠UPOCC silver 散線/古河頭 Vs UPOCC 28 awg silver helix 銅箔/ETI頭 Vs UPOCC silver/VH Audio OCC/Silver Bullet頭 電池線(這對線乃擂台躉來也) Neotech UPOCC silver/gold /helix 銅箔/KLE copper 頭 Vs Neotech UPOCC silver/gold /helix 棉漆/ Cardas頭 Vs Neotech UPOCC silver/gold/1877 頭電池線 第二部分就係將嗰幾對以上提及的helix 銅箔或棉漆線來個肉搏 依家去搵周公, 瞓夠先。。。。。 |
這兩日偷偷試聽Neotech silver helix 新線, 所得的印象同之前 Neotech silver/gold 幾對一樣, 尤其係空間感及separation 方面明顯咗好多。 似乎與用floating ground 及銅箔/棉漆線有關。 唔得, 今個星期六要嚟個擂台陣, 各位請stay tuned啦 這對Neotech silver helix 梗係要同這對 同廠Silver 線來個見面切磋也 右邊為 Neotech 廠散線UPOCC silver: |