攪攪新意思： Helix 電源線 + Helix RCA 線

Alman

幾吋長的線有關係嗎？ 答案是 YES！

近來中了helix毒日深， 每加一條helix線（aggregate effect）， 聲音有所改進， 真係不亦樂乎。 這兩日不斷諗GG前級內信號輸出的 hook up wires也來helix會係點....? 坐言起行， 請大家看相先

Alman

等小弟分享下helix GG 前級導線的效果

第一首音樂是播Feelings： 總共要聽兩次！ 因為在尾段好似聽到一下輕微的『丁』 聲， 不能確定所以要重聽。嘩， 這一下丁聲竟然比helix 導線擠出嚟， 好嘢！播High performance Carmen, 其中一下三角鈴原來被連續打了兩次！唱The Beatles 的 Let it Be： 開頭的背後和唱非常明顯， 好似企前咗咁！沖天炮的鼓： 一下下的冬冬聲除有力外， 仲好有輪廓， 並聽多咗嘢！聖桑骷顱之舞： 低頻更加沉實， 層次空間感更好， 主音小提琴的餘響更清晰！

總而言之， hellix GG前級導線的效果立竿見影， 尤以低頻及分析力最有所提升。 稍後搞埋輸入果邊先得

後補：

今晚再聽， 真係無言： 所聽的每首音樂歌曲都有新演繹。 蕭斯達高維奇的第十， 每組／件樂器定位層次好過以前， 絕不含糊。 聽完後打開GG前級敲定如何helix 輸入導線， 已有眉目， 鐵定今個周末helix 之， 但會新嘗試， 就是Duelund 油棉銀線helix 以銀線。。。。

Alman

Helix 上腦， 欲罷不能。。。。

腦海中不斷helix， 今日給小弟想到兩樣東西： helix harmonix 數碼線 同埋 modify helix 電源線。

前者購於十幾廿年前， 當時值四千元。 佢一直不見天日， 只因被 Neotech 數碼線騎著， 高音爭老tech少少。 其構造是兩條銅線而非一般的一芯一網， 正是被劏（helix）好材料

而modify helix電線的諗法係把兩／三條 14 awg Neotech  UPOCC 單枝銅獨立分別helix 一條12 awg Romex， 這樣更可同之前的 helix 線比較。

Alman

johnnykut 發表於 2018-8-25 00:41
上次跟Alman兄既綿繩滲油整法，做左對淘寶純銀紫銅rca線
本來買定jensen準備做多1對比較較果，點知1攤就攤 ...

正呀！ 請快快post 上來

Alman

劏蛇仔， 取其肉， 為helix作出貢獻。。。。

今次要試下銀線helix GG前級輸入導線。 原本的正極已用了兩條26 awg Duelund 棉油銀線（共23 awg）。 負極的要粗過佢的銀線原來所剩不多， 幾條幼的加埋也不夠用， 唯有打 Silver balance 信號線主意： 這對線購自Parts Connexion， 23 awg silver solid core X 2 一條， 接去 Xhadow 頭， 分析力不錯， 只是偏向暗及soft。 這樣聲底當然不敵其餘嘅線， 要坐冷凳。 被貢獻也是合理

劏開後發覺它是傳統整法： 正負twisted， 加埋一條尼龍及金屬線做導線引走noise。 當年要約8 美金一尺。 取得四條線後， 以兩條helix （20 awg）輸入線正極。 搞掂後開機， 發覺一聲道無聲兼噪音很大。。。。檢查了一輪， 元兇是剛helix的輸出線負極鬆咗 。 fix 完開機， 播了幾首常聽音樂。

聲效同未換前差不多； 但可能未煲， 聲音好似欠缺力度， 冇乜神氣， 真係唔慣， 毫無之前helix Neotech 16 awg 的驚喜， 有立刻換返 原来的 Duelund 20 awg 油棉銅線（同樣 20 awg）的衝動。 畢竟人老了， 邊有咁好精力？ 不如再煲下先算。 但係心中已盤算不如同樣換上 Neotech 16 awg 仲好， 唔好貪圖銀了。 今次的經驗未能作實， 但helix 線的awg 真係越大越好？ 銅好過銀？ 請各位代為求證

Alman

想了一晚， 記起仲有一節 Duelund 2.0 油絲銀foil線剩低， 用它取代20 awg copper 或 Neotech 16 awg UPOCC還原 應更有功效。。。。。

完成開聲， 返來啦 ， 令人興奮的聲音返黎啦！ 保留未換銀helix 線之前的聲效之餘， 更多了一浸空氣， 密度更高。 無換錯 。   今次XX痕的經驗是幼線銀helix未必好， 而helix 有其限制， 就係用圓線OK， foil 則難以做helix 。 不過， 對於 Duelund 20 awg 油棉線則要另行想看， 搵佢嚟helix 可能非常好。

Alman

獨立Helix 電線

今次用三條 Neotech 14 awg UPOCC 單枝銅分別helix 12 awg 單枝 Romex 。 地線則一條過。 頭尾紮埋接去古河及Onix 頭， 稍後比較之前同樣用三支Neotech 14 awg嘅線但非獨立helix便知有否分別。

Alman

leojai 發表於 2018-9-26 17:01
有創意，等報告。

Leo 兄：

新helix 線每晚插火牛煲。 周末可以正式試音了。  這一兩晚抽空駁amp聽了約一小時， 感覺聲音鬆容， 細節清晰DD， 到時一比便知龍蛇

Alman

三芯獨立helix線試音報告  

各位見到隻手指公應該知道是何許材料也

這個星期日夜插火牛煲佢， 今日正式同之前同樣三芯但單helix的Neotech 線比較（用於amp）， 播放小弟耳熟能詳的音樂包括Feelings， Beatles 的 Yellow Submarine， 蕭斯達高維奇第十， High Performance Carmen， 聖桑骷顱之舞， 沖天炮等。 三helix 線最煞食之處是低頻深沉飽滿， 相對單helix的是偏瘦； 另外是它的豐富餘韻令空間感更強， 背後演奏更清晰及突出。 Feelings 人聲的震音更犀利； 蕭斯達高維奇第十演奏更有層次； 沖天炮的鑼聲尾音更響更長。 今次嘗試可說成功

手上仲有幾條線要改， 睇落係咁獨立helix冇乜走雞也。

Alman

KKU 發表於 2018-10-1 16:53
正呀，可以更上一層樓！請問Alman兄，那條綠色地線是否只接頭不用接尾？

不是。 水線嚟， 要接兩頭。