窮入門，窮新手換了別人看不上眼的……小座地~

terryc

benwongkk 發表於 2018-5-15 09:13
機票咁平自己飛去攞嘛..

買對size 細小的還可以

但我就唔夠膽挑戰了

terryc

koalaau 發表於 2018-5-15 14:02
我用過victor及現用yamaha都係油布邊，但冇問題，唔明點解diatone好多人都話會變硬哂。 ...

我個人覺得係唔同廠用唔同物料

但更覺得似大通迫人換新喇叭囉

terryc

chopinlau 發表於 2018-5-15 15:45
其實揀呢類中古日仔喇叭是否情意結呢？
我都幾鍾意呢啲喇叭，不過無位只能玩小喇叭！ ...

情意結……對小弟來講有30%！

而主要原因係我喜愛日本喇叭個聲底，我覺得佢地係雜食性性質，乜類型音樂都播到，無添加，無收飾！

再加上這類型日本喇叭的單元、分音器、木箱用料同結構，用我購入價來講算係一絕！計spec. 都係比同價位超班，所以我咪一直食陽光同空氣囉

小弟住籠屋，都係剛夠位對小座地

terryc

koalaau 發表於 2018-5-15 20:52
日本中古貨性價比係比歐美器材高，同二手價計，製作超班，不過就唔係人人接受日系較清淡聲底。
（或者掉轉 ...

師兄，我就係聽左英國妹十幾年，越聽越唔對路

又可能係自己聽多左live，知道什麽係“真”聲！所以就換過美國妺，歐洲妹，但原來我都係日本妹最合口胃

terryc

Part 2:

從網上了解左衰聲原因後，我就立即買了set 清潔加軟化油套裝返來……按住教學去做保養同煲練，結果過左好幾個月後，都未見有大改善 而最令我煩擾就係無低頻 一對咁大個低音單元，但出唔到正常應有的低頻量，攪到我連機都無心機開，差啲重退燒添呀

當時我只能行最後一步，就係問金錢幫首領借“喇叭線”來試試！借線的原因係我條audioquest 多芯單支線已經用了25年以上，可能有機會已老化！

因此希望對借來的audioquest 配72V 電池盒的喇叭線會有正面效果～換線後一開聲，無明顯大變化！但煲左四至五隻碟後，就慢慢覺得對喇叭比之前有力左，高頻去得盡左，人聲企前左少少同低頻都有輕微改善！咁我當然keep 住去煲佢同幫個低音單元條邊茶油同做按擵啦

真正發現重大突破，就要去到今年四月……

Part 3待續～

terryc

koalaau 發表於 2018-5-16 13:41
師兄對喇叭其實隔得唔夠開，唔止音場，仲會影響音色平衡度，中頻可能會過份突出。 ...

多謝師兄提點 好彩無出現這類情況

因小弟玩Lo-fi 的得9呎寬 X 16 呎深，住籠屋的我係得咁多了地方玩了

terryc

3g184 發表於 2018-5-16 11:56
泰大！快少少出野
吾好吊大家引！OK?

好耐無見，3g 師兄

terryc

Part 3:

自從用了條72V 線後，諗住可以越煲越好

煲左一個月後，雖然條喇叭邊得到軟化濟幫助下彈性回復左好多，但都未到正常的軟硬度！

就這樣，小弟又再遇到樽頸位  當時係煲到個中高頻開楊左，但底頻量都係好弱雞，感覺同八吋單元差不多

我又突然醒起，借條72V線的主人換左條taralabs the one喇叭線後，就話效果好好，才放棄條72V！不過the one 太貴了，自己連二手都買唔起，唯有買條平價版(二手)駁多一鑊

Model: PH-8N (2.5米長)

換線後一開聲，好容易聽到同之前個分别！聽了幾首歌後已確定三頻有比之前條線有更明顯改善，而最大提升就係整體個能量感，低頻量增加左及更有彈性  聽多幾隻碟後，就完全肯定無入錯貨！  之後我就再keep住煲練及茶軟化濟……

但係當時個效果係未能完勝之前對二千 在我度緊可以點攪先時，又比我見到有人放對3.5米長的PH-8N 喇叭線！見佢平，我又收左返來，預算比對睇電視的100仔用……

對100仔我用緊對線長度約2.5米，而對PH-8N 每邊多左成米長，我就覺得會浪費左，所以我就剪左佢 剪後才發現每一極性係由四條單支銅線組成，每支銅線又靚，四芯加起上來又夠粗！ 我就立即用這對1米去diy 左兩條美式電源線出來，比我對後級用

後級換線後一開聲……我都呆左一呆 個聲底比之前雄厚左，人聲細緻度，密度都高左，中高頻都去得夠放夠盡，最重要係低頻段段有力，終於達到自己個要求

大通同我之前對二千個分別係中頻密度同通透感，高音演譯上大家都係好放好盡，低頻量感相差不大，但大通就錯好肉地少少！

總結：
1.我可能我未試盡對二千就換Q左 ，因為一直無認真去研究線材，原來個影響係幾明顯！
2.我原本對後級電線質量太差，一直無比飽飯對後級食～
3.好彩有堅持同無停止地幫對低音單元茶軟化濟，現在條邊彈性已回服正常～
4.絕不建議用喇叭線去電源線，小弟有基本電業智識同評估過安全才去DIY ！
5.最後，我自己覺得喇叭線作用係傳導微弱電流，而換線後我覺得有音質有提升！所以我才用多出的喇叭線去“嘗試”試做電源線！因此我的個案結果較正面，也可能係“唯一”情況！

謝謝

terryc

timmy 發表於 2018-5-17 21:36
恭喜晒泰利兄最終得到滿意音色

Thanks

係有聲出Only

terryc

peter99 發表於 2018-5-18 09:22
嘩！yamaha 1000 拾仔。！！！！！

係呀～用來玩2.1