[新碟速遞] 葉巧琳 ~ The Making Of (EP)

小瑟

我尋日係淘大店都見佢新碟呀~~~

小瑟

尋日岩岩收到MAIL~~~

葉巧琳Mischa懷胎3年 「BB」終面世

新專輯《THE MAKINGS OF》成功登上 iTunes 廣東專輯榜第一位

為新專輯宣傳搞快閃獻Sing

見粉絲支持感動忍喊 期待本月29日以歌會友

Sony Music唱作女歌手葉巧琳（Mischa）籌備3年的新專輯《THE MAKINGS OF》終於在昨日（11日）面世，專輯一推出，即登上iTunes廣東專輯榜的第一位，可喜可賀！而為紀念Mischa首度推出個人專輯這個重要日子，她先後於昨晚及今午，分別快閃尖沙咀hmv iSquare及沙田CD Warehouse，即興獻唱，令在場的歌迷大感驚喜！

對於首張個人專輯終於面世，Mischa坦言心情激動：「好幸福！我都係去到唱片店先第一次見到隻碟真身，第一時間係摸吓佢先，哈哈！件事好實在，終於摸到自己嘅心血，好感動！好多回憶、呢幾年所經歷嘅嘢都浮現喺腦海入面，覺得一切嘅難關都係值得嘅！真係好似人哋懷胎十月生仔嗰時好辛苦咁樣，生完之後所有嘅痛苦都可以拋諸腦後。」Mischa更指自己會購入專輯用來送給親朋戚友，她又笑言家人朋友及男友等都會買碟支持。

由組合Trekkerz到出個人專輯，Mischa稱壓力一直都有，自己作為走在最前線的人，慶幸獲得很多人在背後支持，她說：「壓力係自己俾自己嘅，希望每日都做得好過前一日。」

在昨日於尖沙咀的快閃活動中，Mischa邀請Trekkerz的好拍檔Mike擔當樂手，現場伴奏，他們先唱出〈神把眼淚都留給了人〉，Mischa更借曲獻給一位已故好朋友，她深信對方看到自己出碟，一定會替她開心。之後，Mischa首度演唱因家中愛貓獲得靈感的新歌〈毛球〉，她特地佩戴了一個毛球胸針，不少現場觀眾首次聽到此曲，亦顯得相當投入，到歌曲尾段的「Woo.. Woo..」時，更與Mischa一起和唱，氣氛愉快。

Mischa透露為了紀念今次出碟，昨今兩日都舉辦快閃演唱，她說：「希望可以俾嗰啲期待咗好耐嘅粉絲，一齊share呢個喜悅。」Mischa坦言活動一開始已有淚意，但她在台上死忍，她坦言：「我唔可以用言語去形容我嘅心情，好複雜，因為我覺得自己好幸福，好擔心呢個幸福會唔會last得耐，但我啲朋友叫我唔好諗咁多，我應該要enjoy出碟呢個開心時刻。」Mischa又指見到粉絲在等自己，去買碟支持，當她看到大家期待的表情，自覺身邊很多人愛錫自己，她感激粉絲之餘，還有很多陪着自己成長的人。


由於時近母親節，Mischa在快閃的現場派出一份小禮物，內有康乃馨乾花及其貓貓畫像的明信片，希望可以祝福大家母親節快樂。而Mischa帶來的不單是這份禮物，她還會在本月29日，假大角咀Lost Stars Livehouse Bar & Eatery舉行的「《THE MAKINGS OF》新碟發佈音樂會」，屆時她除了會唱新碟所有作品之外，還會翻唱一些對她別具意義的歌曲，她除了會邀請Mike @ Trekkerz為她伴奏外，還有曾奪香港電影金像獎「最佳原創電影音樂」獎的波多野裕介助陣，擔任樂隊領班，Mischa表示：「仲有其他好朋友音樂人嚟幫手，我覺得係一班好朋友聚會，大家去玩音樂嘅party嚟嘅。雖然我有壓力，但係呢個係好多人去見證、大家嚟戥我開心嘅一個party，所以我嗰晚要以最開心嘅心情去同大家分享我嘅『BB』。」

問到Mischa今次錄碟有何難忘事，她笑言所有東西都難忘：「最難忘嘅係錄番一首我以前打擊得我好深嘅一首歌，就係〈我快學懂了〉，首歌當年錄嘅時後一直錄得唔好，好唔開心，將佢擺埋咗一邊，跟住就錄〈能見度〉、〈殘渣〉同〈毛球〉嗰啲，〈我快學懂了〉係喺製作其他歌曲途中錄嘅一首歌。首歌再返入錄音室錄製時，心情好緊張，錄之前更失眠，好擔心自己到底可唔可以跨過之前我做唔到嘅嘢呢？好開心順利去完成，睇番轉頭，自己成長咗好多，好開心當年做唔到嘅嘢，我今日做到，就證明咗我比嗰陣時已經長大咗。」

小瑟

我自己就好LIKE呢首歌呢~~~