古董音響器材有幾堅？真糸新不如舊？

Ccs56084342

經常聽到有人話，音響器材新不如舊，真系又老又殘都堅過Ｄ新嘅？各位師兄點睇？本人現時用嘅都系舊野。暫時未想換新住，太貴啦！

keytai214

1. 所有野都會損耗 ... 舊野 點好 都有 "死" 的一天，點會舊好過新?
2. 線路設計，今天有電腦幫助 ... 今天的線路無可能差過以前 ... 更重要是 可以做比較 ... 如舊的真係好 ... 廠商 用舊線路 便可以 ...

但 聽 HI-FI 除了 客觀 ... 更多主觀 ... 加上 情意結 ... 對某台機有感情 ... 覺得 好聲 D 都吾奇。

當然 ... 用二手價買件舊野 ... 的確有機會 買到 比 新貨好的產品 ... 但如果以不同年代的同級產品比較 ... 客觀上 和 科技上，我相信 新野 一定 比舊野好。否則 音響的科技 咪 好勁 ... 越出越衰 ...

YYSKY

電視及AV Amp係舊不如新的，其他的，尤其2槍器材新不如舊一D唔出奇，因為有些技術用的物料會破壞地球已經被禁止使用，新的造唔番。
我個人對喇叭已經使用4x年，仲好好聲，從未打算換。

Ccs56084342

YYSKY 發表於 2016-7-25 23:09
電視及AV Amp係舊不如新的，其他的，尤其2槍器材新不如舊一D唔出奇，因為有些技術用的物料會破壞地球已經被 ...

師兄，玩緊對經典喇叭系？

YYSKY

耐用度一定新不如舊，見到咁多古董機還在用就知，經得時間考驗。

Ccs56084342

YYSKY 發表於 2016-7-25 23:14
耐用度一定新不如舊，見到咁多古董機還在用就知，經得時間考驗。

不過好多都換左另—Ｄ新零件，原裝Ｄ停產左無得換。亦系事實。

terryc

YYSKY 發表於 2016-7-25 23:09
電視及AV Amp係舊不如新的，其他的，尤其2槍器材新不如舊一D唔出奇，因為有些技術用的物料會破壞地球已經被 ...

認同師兄！！

小弟對書架仔今年都有三十四歲了，依舊有聲出～

而到現在，我只找到一對買唔起的代替品

koalaau

現在技術係進步了的，但製作就挖籠好多，冇以前般物有/超所值，昔日好多器材的製作，係預你用成世都得，諗下以前的牛芒電視幾㩒用？九十年代千零蚊菲機今日仲係讀碟飛快，今日的cd機隨時聽一兩年已有頭暈身慶了。
唔係話新不如舊，新舊野都有好有壞，只係話好的製作，會經得起時間考驗，這就是古董野有人捧場的原因。

成成

喇叭單元,真空管......好多物料因環保,戰略原因已停用於音響上了
一吋長一吋強,有幾多對喇叭會做12吋15吋18吋單元......高效率喇叭100db以上已不復見,單端機都要靠呢啲喇叭,但呢啲真係會衰聲?為何不再設計,多人玩舊嘢係其中原因之一
識個朋友話,以前得班舊客情意結玩cardas,但呢幾年多咗人玩cardas線材,可能數碼器材高清原因,啲人要玩返純銅線較味道,無錯,無幾多間廠仲堅持出純銅線,懷念銅線味道

Ccs56084342

成成 發表於 2016-7-26 02:29
喇叭單元,真空管......好多物料因環保,戰略原因已停用於音響上了
一吋長一吋強,有幾多對喇叭會做12吋15吋18 ...

系，聽開１０吋以上口徑喇叭好難反轉頭聽細口徑，Ｄ聲鬆容Ｄ又密度高，但現時大口徑喇叭超貴。