如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
開始前先講講... 其實人點為之好, 點為之壞, 真係分到既咩?!?
同埋我無睇過原著comics相關內容, 所以有無添加或者修改都真係唔知.
今朝睇完, 話晒兩個半鐘點都要坐好D既, 又玩下貴賓位, 真係好好坐.... HAHA
先講分數, 我會俾8.5分.
故事一開始又係batman電影最常見既開場, 就係講佢屋企人先, 然後又到佢既一輪幻象/幻覺.
跟住就講返點解要同超人vs原因, 雖然好似好合理, 但我又覺得無咩野啫, 可能現實社會中實在太多類似原因, 又或者人係咪真係太過著眼於對錯呢?!?
電影中又或者大家一聽個戲名都一定會話超人咁屈機應該無得好鬥, 但正正就係咁至可以將好多原因夾埋做出黎, 亦將所謂好人同壞人作一個最大既論點.
人類社會中法律對社會係好重要, 所以佢地將超人所謂無討論下就出手救(?)地球係唔啱既, 加上以man of steel作延續, 所以因為呢個故事出現既傷者作出起訴, 外觀上只係對超人既所作所為黎一個公平審訊, 但背後其實有一個重大陰謀, 從而令到batman大戰superman...
雖然batman搵到superman弱點, 亦都可以將superman打到半死咁濟, 但基於一句說話, 除左令到佢地和好外, 亦將一切改變, 直到最後亦將一位異能戰士(wonder woman)引出成為所謂同伴, 更將故事可以無限延伸落去........................
承接返我所謂既好人同壞人, 其實近年英雄電影都有同類意思存在, 就好似黎緊佢地友公司既marvel系列ca咁, 其實睇完trailer後大致上同呢套片都係差不多故事大剛, 如果要解釋得清楚既話, 最好就係睇watchman, 咁就會明白晒其實無好壞之分, 往往只係人類所要求既事只要對自己有切身影響既話就會將佢區分, 究竟咩叫做好定壞, 呢樣同有雞先定有蛋先一樣, 永遠都係一個謎.
再講返套戲, 英雄電影最特別既地方就係實有悶場, 好似avenger咁都好多口水場面, 的確係可以去到瞓著嗰隻, 但好彩唔叫做離晒題, 跟住戲肉對戰時就將佢實現晒出黎, 所以都唔一定叫悶既.
我個人最近欣賞整套戲入面既對戰, batman vs superman嗰種點樣可以將無敵兩個字既寫法改變之餘, 亦帶出佢兩個互相認識並成為朋友既過程黎得簡單又容易(雖然好多人都話有d求期左), 再加埋最後wonder woman出場3揪1嗰幕, 真係睇得好熱血, 但遺憾係無得將wonder woman既超級能力講解得清楚d, 希望日後可以將更多呢類異能人仕講解得清楚D, 因為骨幹上超人已經講解到無人不知佢既能力咁濟, 但好似AVENGER一班成員咁續一單獨解說我覺得除左係商機外, 至少對我呢種未睇過COMIC版既影迷可以認識更多, 咁投入感就自然增加.
多謝大家欣賞.
|
發表於 2016-3-25 18:25
樓主
發表於 2016-3-29 12:48
