Luxury&Precision L5Pro簡單分享

斯路

繼奇醜播放器LP5後，Luxury&Precision這個品牌推出了好看不少的L5，卻又鬧出半成品風波，令我直接把這個品牌的產品納入黑名單裡去。但L&P上年後期作出了公開道歉啟示補救，又推出改良版L5Pro，令我立場軟化。但國內討論區緊接而來對L5Pro的追捧又到達了很不自然的地步，所以我也沒有動力去找這台機器試聽。直至某天去聽一下友人相當推崇的Venture Craft VALOQ以後覺得不甚吸引，隨後看見L5Pro樣機，也就順便試試。當天只帶了音茶樂的Donguri-KEYAKI（櫸）聽了一下內置的音樂，卻又覺得很是不錯。在那次試聽過了一段時間後，心中還是有所惦掛，最後獲得批準，也就入手了。

Luxury&Precison L5Pro硬件上的問題比L5改善了不少，而且音質確實不錯，但可惜軟件設計仍然落後，很是可惜。L5Pro雖然用上大屏幕，但採作與舊式按鍵播放器無異，不能刷屏，亦不能跳至音樂其中一段；電量顯示欠缺邏輯，播放3小時電池只剩1/3，但之後還可用5-6小時；播放高清音樂會有爆音…概而言之就是低級問題不少。另外電量亦未見有參數標著的12小時，經過查詢後才知道一般正常操作的話，續航約有8-10小時，12小時只是最長的續航力。我的那台L5Pro音量鈕上的組件亦甩了下來，最終要寄回修理。據了解，L&P短期內只會處理爆音問題，其他問題相信要用家好好自我調節了。

Luxury&Precision L5Pro問題多多，但我仍然留它在身邊，最主要的原因是L5Pro與音茶樂耳塞之間的化學作用。音茶樂的耳塞，不論是Flat4系列還是Donguri-KEYAKI都難以發揮，加上山岸先生的調音喜好，令音茶樂的走向變得小眾。但出乎意料，L5Pro驅動音茶樂耳塞卻有種四平八穩、方正成熟的感覺，聽起來很「正常」。L5Pro的控制力與Flat4系列的耳塞相配得宜，令Flat4那種脫離耳塞的感覺更明顯，質素得以發揮，卻又不會有強調質素的感覺，久聽不累，是非常少有的高質素耐聽配搭。

我認為Luxury&Precision L5Pro聲音斯文成熟穩重，質素表達得柔和，恰到好處的細節、較為完整的音場、沒有「HiFi味」的染色，令它很對我的口味。我很喜歡L5Pro播放的古典音樂，不論是獨奏、室樂還是大編制類型的曲目亦相當討喜，而且我很喜歡L5Pro的鋼琴聲。相較國內的分享，我認為與其說L5Pro音色溫潤或是暖聲，它是一台較為收儉的播放器，其高低頻以及泛音有著優秀的控制力，點到即止，但對於部分朋友來說可能高低頻伸延略欠、泛音餘韻不足。

單講驅動力的話，Luxury&Precison L5Pro適應面較廣，五段可調增益可以好好應付低阻高敏或是較為高阻的耳塞；但就聲音配搭的話，我覺得L5Pro較為適合動圈耳機。L5Pro配Etymotic ER4S則是動鐵味過重，聽得不很舒服，質素是出來了卻總是格格不入；而EarSonics SM3V2則比較難說，但我更喜歡用Sony NW-ZX100配SM3V2。

基本上，Luxury&Precision的L5Pro給我感覺仍是一件半成品，音質很是不錯，但設計有欠考慮，忽略了使用體驗，而且播放高清檔案時有爆音，令我頗感失望。國內播放器來說，L5Pro的音質很是出眾，但就一件產品而言，還有些進步空間。本來我對於L&P L3頗感期待，但在未解決設計上的缺失的情況下，相信我不會主動去試聽了。

圖片其實是原圖沒有用上filter，但看起來有點古怪

cyrusp

樓主無提到，部機特點之一。增益+濾波配搭很多

斯路

cyrusp 發表於 2016-3-12 10:48
樓主無提到，部機特點之一。增益+濾波配搭很多

cyrusp兄講得岩，因為唔知其實濾波係乜所以我無刻意去玩呢個功能。唔知師兄有無咩心得分享下?

粗人敵卡

對大陸dap唔會抗拒
呢部有時間試吓

斯路

用音茶樂Flat4-KURO同Etymotic ER4S玩咗一陣Fast同Ultra Slow兩種濾波，我就比較鐘意用返Fast啦。Ultra Slow Attenuation雖然聽起上嚟好似更有厚度，但低頻較多嘅時候則會有少少糊住嘅感覺。Fast Attenuation聲音俐落，更合我心意

USA2010

離少少題
文中有一亮點,我睇到有少少開心
就係斯路兄所用既耳機,感覺上已經好耐冇見過既名了,尤其係ER4S,係街到都冇乜點見過

呢部DAP既外型真係掂,但咁大個mon冇得篤又有點兒奇怪,
google一下先知係一部價位算高既dap,
但爆音呢啲情況真係接受唔到,但入得手我估都係因為聲音理想,先可以接受埋呢個缺點

比較好奇,假如配撘ex1000效果會係點呢?
因為文中提到配動圈較好
而ex1000係動圈之餘同er4s調音相近

多謝斯路兄既詳細評測

(手機打,請見諒)

cyrusp

斯路 發表於 2016-3-12 12:27
cyrusp兄講得岩，因為唔知其實濾波係乜所以我無刻意去玩呢個功能。唔知師兄有無咩心得分享下? ...

類似聲音滾降速度。快聽樂器 慢聽人聲，再配搭唔同耳機，唔止增益，佢減益都有，本身推力幾好，如覺聲太衝仲可以減，好似暫時得佢有。所以覺得幾特別。

斯路

USA2010 發表於 2016-3-12 17:18
離少少題
文中有一亮點,我睇到有少少開心
就係斯路兄所用既耳機,感覺上已經好耐冇見過既名了,尤其係ER4S,係 ...

當時入手並唔知道原來Luxury&Precision L5Pro對Hi Res既支持唔完善，而當時手上並無乜前端可以應付到音茶樂既耳塞，所以當我發現L5Pro同音茶樂聲音咁有加乘時就忍唔到啦。L5Pro係香港賣得比較貴，不過國內只要唔經淘寶，講下價其實個錢都唔算太差，之前MassDrop個價亦都OK。不過係未解決Hi Res既問題之前，呢部機賣呢個價就有講唔過去喇。

我同Etymotic ER4S兩離三合，入過幾次，都因為最後整理器材時賣左相應既前端而放售；最後一次入手，係打算將ER4S當係封閉式台機黎用。不過自我入左張HiFiMAN既Minobox-G耳放卡，ER4S就變成左我出街最常用既耳機。4S係經典，不過近來高價耳機唔少，也許搶去唔少風頭啦。

至於Sony EX-1000我已經好耐無試，當初因為我戴唔到所以亦都無咩好深印象。不過我覺得L5Pro同ER4S唔算好夾聲最大原因係高頻鐵片味好重，似係惡化左ER4S本身既問題；而Sony同音茶樂又深有淵源，所以亂估下既話，或者L5Pro都夾到EX1000架。

karce

五千幾買到部會爆音既產品，我唔會接受囉

斯路

karce 發表於 2016-3-13 11:49
五千幾買到部會爆音既產品，我唔會接受囉

雖然我本身唔特別覺得Hi Res比一般無損有明顯分別，但有得選既話，Lossless同Hi Res之間我多數都會買Hi Res，當買個安心。但而家因為L5Pro咁樣，令我改變左習慣，有得選都只係買Lossless。每隻碟都慳返唔少架。

其實如果當初知道L5Pro有爆音情況既話，我應該未必會出手就真既。