全港獨家搶先齊試 dts:X測試版Firmware 會後討論(活動報導)

alleelarry

【活動報導】全港獨家搶先齊試 DTS:X 測試版 Firmware

呢個dts:x首試活動報導終於完成, 如果當日有出席的版友一定好似小瑟咁, 對呢個dts:x仲有一點點的期待, 因為的確係升頻上 DTS-HD + Neural:X 的確係可以分到二個不同layer的明顯效果, 希望大家都可以盡快可以係屋企玩到啦. 不如依家就睇返我地當晚試左d咩比大家玩先啦!!!!

報導詳文 : http://www.post76.com/wordpress/?p=93807

全港獨家搶先齊試 dts:X 測試版 Firmware 活動已經完滿結束，作為【76台慶呈獻】首個活動，當然要有「突破」先至收貨，不管你當日有無出席活動，都歡迎各版友加入討論！



【突破一】
當日請得 D&M 既威廉 SIR，為大家親主講解，三個最新聲效系統，如何混成一體既方法!! 重點係大家可以 率先體驗 得到還在調整中的 dts:X 測試版 Firmware，選用既主體器材係 全港唯一一部 可以輸出 dts:X 既 Denon 最強旗艦 AVR-X7200W 合併機。出席既版友更有幸可以欣賞得到，經由合法途徑下載回來的三段最新 dts:X 測試片段 (未能公開的就沒有相片了吧)!! 仲順帶比大家試到全港首度公開嘅全新 Dolby Atmos 第二版試機碟!!

D&M 既威廉 SIR

大家最期待既 dts:X 點燈
(當然要配合埋 KEF 咁正既場地同器材配合至得啦!!)

【突破二】
由於小瑟大王當日因病，只作列席嘉賓，主持重任就落在靚仔又有型既，比唔比面既都稱呼佢為陸爺身上!! 稱唔稱職呢!? 快 D 入黎比下意見啦!

【突破三】
大家最關心既喇叭擺位設定，已經得到 D&M 既應允，係呢度「一拳公開」！

dts: X、Dolby Atmos 及 Auro-3D 喇叭擺位要求
http://www.post76.com/wordpress/?p=92868

【突破四】
會後延伸活動：由威廉 SIR 親自主診，為大家更進一步解構，閣下家中設備如何提升，以達至最貼近劇院的效果!! 【76 台慶呈獻第三回】威廉 Sir 與你 "望聞問切" 尋找最佳影音玩樂解決方案，日期為 11 月 17 日 (星期二) 19:00-20:30，於 76-FriendClub 俱樂部 見。

-----------------------------------------------------------------------------------------------------------------------------
Post76 玩樂網 齊齊與您 ...
「玩樂連場、越戰越強」

ykluk

喂, 我唔係重點啦~~~ {:9_434:}

SonSon

上星期六對我呢類新手黎講真係獲益良多, 首先梗係要讚吓Post76同威廉Sir, 居然可以搵到隻全港獨家新鮮熱辣既DTS;X Demo Disc比大家試實在印象深刻, 加上又有Star War Atmos版PC game, Upmixing 既猿人片段, 一次過聽到幾個唔同制式既分別. 不過要選重頭戲梗係由威廉Sir講解如可用一個setting及喇叭擺位, 就可以支援唔同制式, 期間重糾正吓網上有D錯誤訊息, 呢資料絕對係我哋草根階層既喜訊. 當然會後係唔會放過機會請教吓威廉Sir一D喇叭擺位問題, 原來只要Front Height 及 Rear Height 擺位同角度適合, 唔需要真正有天花喇叭都可以享受Atmos同DTS:X效果..................掂晒, 只差入手邊隻model

~嘉輝~

SonSon 發表於 2015-11-9 12:30
上星期六對我呢類新手黎講真係獲益良多, 首先梗係要讚吓Post76同威廉Sir, 居然可以搵到隻全港獨家新鮮熱辣 ...

好多聽過嘅師兄話同 ATMOS 效果差唔多~~可以安心主攻ATMOS Speaker Layout
當然~~個場係 ATMOS 標準Speaker Layout安裝~~當然效果同 ATMOS 分別唔大無驚喜
但睇完 DTS:X 張建議Speaker Layout安裝圖~~佢都係建議用3個 LAYER 同 AURO 3D 近似
所以聯想到 2013 年 DTS 同 AURO 公司嘅簽定合作協議係咩一回事
應為標準 RH+ＦＨ　食埋　ATMOS　ＭＨ　嘅用家
睇得出 DTS:X 野心之大

相信同技術 ( 尤其模擬舊DTS CODE 技術方面) 互通有關
ATMOS 模擬舊DOLBY CODE 好多人話模擬出來嘅天花音場亂~~同係增加包圍感嘅假音道
但DTS:X  Upmixing 既猿人片段真係可以聽到由上撲落嚟嘅猿人～～由上而下都有方向性
之前聽過 AURO 3D Upmixing dts code 都有由上而下都有方向性~~ 所以懷疑有近似技術~~不過好似 DTS:X  更明顯

ATMOS 解 ATMOS code~~DTS:X  解 DTS:X  code 已經唔洗懷疑
可惜無得同場同一套戲 pk
1)  DTS:X  Upmixing dts 舊 code vs ATMOS Upmixing dolby 舊 code
2)  DTS:X  Upmixing dts 舊 code vs AURO 3D Upmixing dts 舊 code
希望下場係 D&M 聽晒~~

最近有兩套舊戲 第五元素 同 這個殺手不太濫~~都翻出咗 ATMOS 版~~相信當年無3 D 收音吧~~係咩技術呢?Upmixing ?

最後緊係到主角6爺~~瘋趣休襪~~抵死老實~~76 之寶
小瑟大王兩次活動都病~~財多身弱~~要散咁啲

PS 以上內容純屬個人幻想,妄想,痴想, 與本台立場無關

sunnyyuen

期待又期待，原因想加天花喇叭做Atoms...

hangson

小弟經驗尚淺. 冇咩特別野分享.    簡單幾句個人感受.

1. 地址好鬼難搵.  另一個POST已經貼左地圖.  

2. 鴨毛新DEMO 正過以前個兩隻. 有方向性.  其中一段好深感受, 就係直升機頭頂打圈.   唔知以為全部人一齊坐緊黑鷹去殺敵,
其次係彩色點點個段. 每一點既方向都好實在好準確既位置!

3. DTS X 只試左4段. 感覺好似冇咩大驚喜. 可能坐既位置唔好.  個人喜歡音樂個段, 好過癮, 而深刻D既都係猩猩又上跳落黎. 好實在.

4. 比較可惜既係暫時未有同一段片同時擁有DTS X 同ATMOS. 咁就真係可以實在D比較一下.

突然諗起一個小問題.

重案個邊有個function 可以將所有聲軌轉為dolby surround mode 模擬ATMOS,  其實D & M 係味都有個FUNCTION可以將所有聲軌轉為ATMOS 同DTS X.  如果有味可以簡單比較下囉.

最後多謝 POST 76 各位主持既大佬, 小瑟同陸爺簡直功德無量. 仲有威廉SIR 同KEF主人家.  實在非常正既一個活動.
P.S.   活動仲有抽獎. 真係不得了.  可惜抽唔中. ....

alleelarry

sunnyyuen 發表於 2015-11-9 13:56
期待又期待，原因想加天花喇叭做Atoms...

咁一定要留意之後既延伸活動勒！

hangson

補充一句...  陸爺有D似TBB 一個花旦.  

alleelarry

hangson 發表於 2015-11-9 14:34
補充一句...  陸爺有D似TBB 一個花旦.

可唔可比多D貼士估下呢？

hangson

alleelarry 發表於 2015-11-9 14:41
可唔可比多D貼士估下呢？

呢個呢個.....     諗諗下其實個聲底都有 D 似.  


陸爺唔好嬲呀. 你型得多啦.