影音還原基本步Part 5 (房間隔音處理)

tangcoma

終於可以再寫嘢了！今年初又再一次還原基本步！今次係徹底從頭再做一次！由隔音、電源、燈光、空調及淨化、器材全部都再做一次！

今次講返房間隔音先！之前Part 1 (隔音窗) 同Part 2 (隔音門) 都可以同E part歸類在一起！有興趣可以參考下！

想回顧part 1 (隔音窗) 、part 2 (隔音門)、Part 3 (音響獨立電工程)、Part 4 (房間聲學處理Pt 1)的連結如下 :
在此再一次衷心多謝有加我分和留言的師兄 , 你們的支持是我開post的動力 , 希望大家玩得高興快樂 ! 由這Part開始，本人不會回答關於價錢，怎樣買，那裏買等問題，請見諒！現在大家只要Google一下，就什麼也可以找到！

Part 1 (隔音窗) 在此 ! http://post76.hk/forum.php?mod=viewthread&tid=168522
Part 2 (隔音門) 在此 ! http://post76.hk/forum.php?mod=viewthread&tid=170078
Part 3 (音響獨立電工程) 在此 ! http://post76.hk/forum.php?mod=viewthread&tid=171460
Part 4 (房間聲學處理Pt 1) 在此！http://post76.hk/forum.php?mod=viewthread&tid=186755

今次由於想再令房內的聲音進步減低，所以左右牆，前後牆都會做處理！由於要玩Dolby Atmos , 為保持良好的高度，地下和天花就暫且唔做處理了！由其係前牆，因為主要發聲點就在哪裡！所以要特別處理！

今次選用的物料供應商，有兩間！一間是美國的ASC , 另一間是香港的OFF !

首先前後左右牆都鋪一層OFF 2.1mm厚的阻尼隔聲氈，每件寬610mm X 高610mm , 每件重達1.51kg ! 前面係金屬鋁，後面係化震膠！有效提升原本牆壁隔音量2.7陪！

由於前牆要特別處理，所以用上OFF G20J金屬阻尼隔音板，每件寬2440mm X 高1220mm，厚度達18mm !  每件重達78kg ! 將隔音板覆蓋在隔音氈上！就初部成前牆了！D接駁位用專用隔音膠填充 !

左右後牆就OFF G18復合阻尼隔音板，每件寬2440mm X 高1220mm，厚度達16mm !  每件重達56kg ! 將隔音板覆蓋在隔音氈上！就完成左右後牆了！D接駁位用專用隔音膠填充 !

經美國ASC建議後跟住前牆再做一個隔音與聲學處理兼備的新牆！首先要留5吋空間層！裝上龍骨，空間層內用噴膠痴上Dacron！再係龍骨之間裝上ASC WallWool！
跟住就係兩層石膏板！第一層用16mm厚、第二層用12mm厚，係兩層石膏板之間用上ASC WallDamp Squares！第一層石膏板與龍骨用上ASC WallDamp Strips ! D接駁位用專用隔音膠填充 !

簡單講，這幅新牆係會活動的！當聲音(主要低瀕)，經過牆就會前後前後咁化解左低頻的能量！所以佢係一個超巨型的BassTrap ! 據ASC講，Bass Absorption to 20hz or below , 而隔聲量可以高達20dB以上！效能相當不錯！Noise Floor去到30dB以下了 , 本人相當滿意了 !

大家可以參考以下圖片！今次寫到E度先！望各位加分了 ! 感激 !

stanley2468

coma兄令人佩服的一股熱誠

關大爺

勁

fm31331

好利害，

taianna

師兄..好正..貴吾貴呢?日後有機會都想整..

bigair

tangcoma兄又一傑作佩服佩服

timmy

利害，大開眼界

Explorer

師兄團

Explorer

師兄團火，越燒越旺。佩服佩服。

wadee

強!!