Pioneer N-70A-S 一部Easy Listen及多功能的network player

jimmy · 發表於 2015-10-3 20:44

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

話說小弟早前家中大裝修，當然乘大好機會攞批文upgrade一下家中影音器材。小弟已經十幾年無買過大玩具啦！

一向都有玩吓head-fi嘅小弟，一早已轉向聽Audio File為主(當然都有買CD，不過大多rip左做file然後攞去”珍藏”)，大部份嘅歌都放响hardisk處，聽講My Cloud儲存歌仔幾方便吓！就買左一隻玩吓！

現在有批文，梗係想進軍兩聲道玩吓啦！咁當然要買部player啦！但而架聽File多，又無理由買部CD player架！於是就萌生左揾部Network player嘅念頭。Budget又唔多，左睇又睇，終於揾啱啦！就呢部喇！

點解會買Pioneer N-70A-S呢部Network player呢？一句”大件夾抵食”~~部機真係好重下！成12 kg咁重，足料啦！(講笑唧！其實佢Function多，質素又唔差先真)

Network player必備的功能，好多英文，但用落先知方便~~

開個箱，配件不多，正常啦！

大部份制都响個Remote處，部機唔夠10粒制

攞部機出嚟先，幾靚仔，又有份量~

跟住睇吓後面有咩輸入端子先，OPTICAL, COAXIAL, IOS都有，好齊全。最重要有USB DAC輸入，代表N-70A除左係Network player外，仲可以外接電腦玩埋CAS。

到戲肉喇！Network player梗有Lan綫輸入啦！另外上面仲有OPTICAL同COAXIAL輸出各一組，如果日後買多部靚靚DAC，N-70A可作為純輸出數碼信號比更好嘅DAC作解碼之用。

ANALOG OUT亦一啲都唔馬虎，有RCA同BALANCE 各一組，小弟呢啲平民百姓都係用RCA輸出先，等儲夠錢先買平衡綫玩啦！

N-70A前面版亦有一個專為IOS而設的輸入，方便一眾IOS用家，另外想提一提呢部機設有升頻功能，上面３粒燈就係表示有關升頻的顯示。

前面版另外一邊都有幾粒必備嘅制，小弟最想講嘅係呢部機有一個其他Network player未必會有嘅耳擴功能，啱晒小弟嘅胃口，因為小弟有隻......

大耳牛AKG K712，N70A又可以多個用途。

開機試試先，為左部N-70A預備左條好啲嘅LAN綫服侍佢~

條LAN綫另一面插好Router後開機就會見到個WD MYCLOULD，完全無嘢要SET，非常方便。不過大家响第二張相見到###，其實係中文字嚟，不過响部機顯示唔到。

買得Network player，都唔係諗住响部機處揀歌播啦！等我响IPAD裝返個Apps先

裝左Apps就可以响IPAD控制部PLAYER，由輸入選擇到揀歌都可以做到。大家都見到中英日文都可以响IPAD睇到，唔見有亂碼。

以上幾幅相比大家睇吓基本上常用嘅高清音樂格式都支持，包括DSD格式。

大家如果有興趣聽吓Internet Radio同Spotify，N70A都有提供。

小弟買呢部N-70A前响網上睇左好耐。基本上咁嘅價位N-70A真係”大件夾抵食”，輸入輸出的端子都算多，多心嘅我可以駁CD player, Notebook, DAC等，真係好多選擇。最好係有個耳擴可以推我隻大耳牛。响音質方面，小弟真係不敢班門弄斧，寫什麼聽感喇！不過總相信Pioneer响呢方面有一定水準。如果大家想輕輕鬆鬆又方便咁聽吓歌，又唔想電腦駁DAC啲setting有少少煩咁！我覺得呢部N-70A係其中一個好選擇。