如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
話說早個幾星期去了溫哥華, 遇啱VIFF= 溫哥華國際電影節, 咁作為戲迷點都要捧下場, 加上自己又真冇點睇過加拿大產的電影(短片唔計).
話說有日去DOWNTOWN散步, 行經唐人街時, 係個戲院樓下見到VIFF推廣, 攞本PROGRAMME睇下啦, 就搵到呢套《Hyena Road》,導演係加拿大的PAUL GROSS, 講一班去阿富汗執行任務的加拿大兵, 嗯, 幾吸引, 時間又OK, 就呢套啦.
返屋企再睇下間戲院地址, 原來係正公共圖書館對面, 話說剛剛先去完影相, 交通方便~~~
咁到了當日, 6點半戲, 6點前已有條龍係出面了, 拿拿林去排定隊, 見到有三位著軍禮服的軍人~~~
入左場後, 戲院好大, 後排上面重有兩層特等, 跟著係VIFF大會主辦人打招呼, 而頭先見到的其中一位軍人, 一直係台上吹了約十至十五分鐘風笛後(似係鎮魂曲之類), 加上導演PAUL GROSS(兼主演之一,同編劇), 另一位男主角又打下招呼, 套戲終於開始了
係時候講下套戲:
作為一套軍事片, 佢動作算多, 雖然規模唔係大, 但應有的都有, 尤其係槍戰方面好畀心機, 主角門的裝備, 亦時不時有CLOSE UP, 主角們係加軍特殊部隊(類似FORCE RECON之類), 攞的自然都係特別野, 正是COLT CANADA(以前的DAIMECO)的SFW(即係英軍SAS用的L1191A1的原型), 好開心見到呢支槍, 一般電影真係冇乜機會一賭佢的風采(雖然對於一般人黎講, 佢只係一支M4, 哈哈).
當然同場亦有大量的加拿大軍備, 都算一飽眼福了.
劇情方面都係一般維和部隊的例牌野, 西方部隊想幫手, 但其實當地人又唔LIKE佢地, 被捲入當地的紛爭.
劇終後, 導演同另一位男主角又出現係Q&A, 一邊講下自己的睇法, 又回答下台下的問題啦, 導演自己都講, 佢呢套既不是PRO-WAR, 又唔係ANTI-WAR(而家ANTI-WAR係主流啦), 我都幾認同, 佢好客觀去拍呢樣野, 但又未流於記錄片, 因為佢都幾幽默的, 片中都有一定的娛樂, 商業元素.
整套片係OK的, 作為戰爭/軍事電影FANS, 十分滿分的話,我都畀佢7.8分啦.
電影會在10月9日於加拿大上影, 希望會出現係香港啦. |
發表於 2015-10-2 09:49
發表於 2015-10-2 18:47
