如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 @肥狗仔@ 於 2014-7-9 23:19 編輯
回顧返過去幾年的"香港動漫電玩節”，@肥狗仔@每一屆都有到場趁吓熱鬧，但每次都帶住少少失落離開。係咪因為排唔到限定版figure? 定還是場內的show girl唔夠索? 非也非也，當我經過一檔又一檔嘅電玩攤位，但始終搵唔到屬於核心機迷的聚腳地，@肥狗仔@就會唸所謂"電玩"真係純粹解作"網遊"或者"手遊"咁狹隘嗎? 畢竟以往鎮守江山的"亞洲遊戲展"都經已成為過去，而眼下似乎只有次世代主機先能夠安撫一班俾幾十蚊入場遊蕩嘅機迷，此因不論係微軟或者係Sony都已經準備喺黎緊嘅"香港動漫電玩節2014"中大展拳腳。前者終於吐氣揚眉，不再沉醉於前代主機的營銷上，而後者更首次進擊動漫展，為本地機迷帶來多款叫人翹足而待的PS4超級大作和一大堆"平到咸"嘅會場購物優惠。早前@肥狗仔@就出席咗由Sony Computer Entertainment Hong Kong(SCEH)主辨的「PlayStation動漫節 - 傳媒預覽會」，一探軍情。
一到預覽會現場已經感受到強烈的"節日"氣氛。
現場展出的多款遊戲同樣會於動漫節上開放試玩。
《The Evil Within》絕對係當日萬綠叢中的一點紅，只可惜無論係傳媒或者機迷都要等到動漫展先有得試玩。
雖然SCEH以往都有舉辦過亞洲遊戲展，今次黎到人地嘅"主場"，有關部門都不敢鬆懈，更一口氣於展區開設PlayStation專屬的「PS4專區」﹑「18+區」﹑「賽車區」及「PlayStation大舞台」等區域，將亞洲遊戲展最優良刺激的電玩元素為動漫展帶來全新衝擊。作為PS4玩家，焦點當然落入主辦單位首推的PS4來年獨佔大作《The Order 1886》身上。哩款由God of War前傳開發公司Ready at Down操刀的第三身射擊遊戲更是首次在亞洲地區展出，屆時玩家可率先體驗真正次世代級別的畫面，並手持高科技武器與變種人類交火。除咗主打嘅《The Order 1886》，同場亦會提供PS4下半年推出的第一方作品《DriveClub》及《Little Big Planet 3》等遊戲試玩。至於享譽業界的《The Last of Us Remastered》屆時亦會出展。
據說三上當日會同場發表重要消息，真係叫人拭目以待。
如果你覺得今次SCEH的動漫展遊戲列陣純屬一場盛夏時裝騷咁就大錯特錯喇，是次展會的重頭戲實情另有乾坤 ，因為主辦單位特別邀請到「Biohazard之父」三上真司到場，為佢將於10月推出的恐怖遊戲《The Evil Within》進行即場演示及宣佈重大發表，可謂本地機迷與神級製作人接觸的一次千載難逢的機會。
今年SECH送出的禮品非常豐富。
SCEH將會在動漫節推出《DriveClub》及《The Last of Us Remaster》PS4同梱版預訂，前者隨預訂送獨家匙扣，後者則會送靚仔PS4機身貼紙。而已推出的《FIFA14》及《Watch Dog》PS4同梱版屆時亦會同場發售。
想買齋機嘅朋友都有禮送，就係可免費獲得圖中兩款遊戲。其實只要喺會場購買/訂購PS4主機都可以得到$50優惠劵及"夏日禮品包"。
頭100名購買/預定主機的玩家可獲福袋一個。福袋收錄的禮品非常豐富，最貴的福袋價值$1000大元。
首20名購買/預定主機的玩家更可獲得O2無線耳機一個。通銷排隊+1
比二手價更抵的遊戲優惠(分為$20, $50, $100)只會喺動漫節中出現。當中包括上年推出的《Beyond: Two Souls》
與電玩相關的周邊產品將會一併發售。
玩家只要係PS+會員或者即場試玩遊戲都可以獲得紀念品。
仲唔夠皮?SCEH早已準備一系列極之誘人的購物優惠及"排隊"活動，當中以首20名(每日計)購買或預訂PS4主機的玩家可獲得價值HKD $768的PlayStation O2無線耳機最為矚目。至於頭100名(每日計)購買主機的玩家亦可獲最高價值HKD $1000的福袋。想唔俾錢又食又拎?點話點好啦! SCEH誓要實行全民獲獎，玩家甚至只要在會場試玩遊戲都可以免費獲得動漫節限定禮物。
預覽會當日的主角 — 《The Order 1886》
單單係得知PlayStation動漫展的活動及優惠預告已經令@肥狗仔@精神為之一振，並驚訝著SCEH作為一個參展商居然會如此煞費周章，讓本地玩家比東京遊戲展更搶先一步嘗試到最新鮮滾熱辣的次世代新作。而作為出席預覽會的@肥狗仔@又比本地玩家再快兩個星期試玩有關作品。預覽會當日提供了好幾款遊戲供傳媒前睹為快，包括上面提到的《The Order 1886》﹑《DriveClub》﹑《Little Big Planet 3》還有最新的PSV遊戲，一眼望落去真心花多眼亂，好在大會將一張大型海報貼係牆上，仿佛向眾人招手示威證明自己先係當日嘅主角。本人朝海報上方望去，隨即與四名著住英國傳統服飾嘅勇士進行眼神接觸，向下一望，三台處於遊戲目錄的PS4已經整裝待發。@肥狗仔@雖則表情從容，但身體卻很誠實，唔洗兩秒就放低書包加入《The Order 1886》的戰團。本作設定在1886年的圓桌騎士與變種人類進行的戰鬥，玩家控制其中一名騎士，並使用與該年代格格不入的超高科技武器。試玩版只有十分鐘左右，沒有BOSS戰只有一堆能射能跳的雜兵敵人。玩上手嘅第一感覺就係氣氛渲染做得非常到位，在21:9的畫面比例下，遊戲充斥住濃霧使到建築物或敵人身影若隱若現，滲透著陣陣陰森。而鎗戰所產生的火光效果亦同樣迫真，玩家可以見到火花對周遭物件境構成不同程度的光線反射。唯一美中不足係整個場景相比激烈鎗戰顯得過於"沉默"，物理互動及破壞並冇想像中多，不過考慮到正式版最快半年後先推出，相信屆時遊戲會以更高品質示人。
自《戰爭機器》誕生以來，第三身射擊遊戲(TPS)久歷近八年的百家爭鳴，今時今日實在已經冇乜可塑性可言。而《The Order 1886》的開發團隊Ready at Down早前更開宗名義講到明遊戲唔會為TPS帶來任何革新，以致@肥狗仔@直到拎起手掣果刻都冇寄予任何期望。反而最值得一提係武器設計，遊戲內的槍械不單止外型花巧，功能亦不止幾道板斧，以玩家操作的男主角為例，其手上類似渣古的機鎗附帶兩種射擊模式，一種為普通攻擊，另一種則可射出火球繼而產生"地圖炮"式的大範圍破壞。爽快感爆錶。
10月7日推出的PS4獨佔賽車遊戲《DriveClub》亦不遑多讓。
畫面水平比起同級實車遊戲更為華麗。
激戰過後，@肥狗仔@全身沸騰到一個頂點，好須要四出奔馳冷卻一下自己。此時身旁正好有一台"靚車"停泊，於事本人又二話不說上前捷足先登。儘管《DriveClub》標榜線上組織車隊，不過當日大會只有正規賽車模式供現場試玩。其實該作嘅首次登台已經係一年前PS4發佈會，幸好遊戲經得起歲月流逝，玩起手依舊帶感。畫面方面更係可圈可點，賽道與陽光的每一寸接觸面都呈現起極俱真實的視覺表現。特別係陰影較多的地段讓人有置身其中的迫真感受。
查實@肥狗仔@當日本身就唸住試玩《The Evil Within》，到抵達會場時先知道美夢落空，但隨住SCEH公佈一連串的精彩活動及主機優惠預告，本人突然感到失而復得。此因原以為所謂的預覽會只係一場讓傳媒快人一步體驗新game的活動，如今睇黎即使當日的場地再大﹑遊戲再多都只係冰山一角，想要享受真正屬於本地機迷的慶典 — 一場真正屬於機迷的電玩盛事就一定要到本月25號及29號舉行的香港動漫電玩展2014，為SCEH展區的大批新game試玩; 抵到爛嘅購物優惠及星光熠熠的製作人活動狂歡。
美圖專區:
| 
[複製鏈接]
Gina Carano Profile / DOB--4/16/1982 / HEIGHT--5'8 / WEIGHT--140
發表於 2014-7-9 22:30
發表於 2014-7-9 23:17
發表於 2014-7-10 08:21
樓主
