AV素人分享中毒經過 (多字勿怪) 更新#27

kwanshing · 發表於 2013-7-9 18:53

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 kwanshing 於 2013-7-10 17:23 編輯

大家好，小弟新手一名，膽粗粗學人玩影音，因小弟收入微薄

，所以全部都是入門野，不過自我感覺就非常良好

，我先講下我中毒經歷...

在2011年，擁有第一部投影機 - benq ms513p，大約3K還送60吋4:3手拉幕，因為係短投機，所以在小小的房間已經可以投放到60吋畫面，主要睇DVD (步步高DVD機)，有60吋大屏幕已經覺得好正。而聲音方面當時未識得有要求，我只用了一套數百元的2.0喇叭。

benq ms513p

2012年初，那數百元的2.0喇叭終於收左皮，而我也沒再用DVD機，轉用了電腦來播片(當時PPS太方便)，那時決定買一套好一點的5.1喇叭，上網搵過下資料(未認識76…)，最終買了logitech z5500，以電腦喇叭來說已經算非常不錯，千多元有重低音，而且是THX認証，當時才發現對一套電影聲音是何其重要的，一個小小爆炸場面已經令我深深感受到聲音對電影的重要性….

logitech z5500

2012年中，人總是有要求，自從買左電腦Bluray Rom之後，又萌生了購物慾，因為部投影機根本發揮唔到Bluray能力，没可能用隻24吋DELLMon睇吧(1080P)，當時考慮緊買返Benq定其他品牌，出灣仔同旺角睇過之後，係添置買左水尾的optoma hd20，唔洗8K已有有1080P，我覺得好抵玩。Bluray配合optoma hd20的1080P真是另一種境界，雖然只能投大約40吋畫面(冇短投)，但細緻到毛孔都可以看到，再加上5.1的聲效，當時認為家庭影院夢已完成了。

optoma_hd20

kwanshing · 發表於 2013-7-9 18:55

本帖最後由 kwanshing 於 2013-7-9 18:58 編輯

直至2013年初，在無意間認識到76(大毒坑)，我現在才發現什麼才是真正的毒物、什麼是真正的影音…Logitech z5500根本不入流….那時正是我家安排新居裝修的時候，就因為咁又令我萌起升級的慾念...而今次決定不再是在房自high了，電影應該與家人分享，我要添置一套新的影音系統放客廳。

當然入手之前要上76請教一下師兄啦，當時我預算大約10K，師兄推薦我買安記616配Mordaunt Short Alumni 5.1，有目標後我就出左友誠睇下價錢同試下音，出到友誠當然唔會咁快落到手啦，喇叭牌子五花八門，級別又有唔同，令我一時之間都作唔到主意，我見不太急買所以決定返去上76再請教師兄，76果然係一個新手的指路明燈，在爬文中看到一師兄的組合很不錯，前置：Mordaunt-Short Mezzo 2、中置：Mordaunt-Short Mezzo 5、後置：Mordaunt-Short Alumni 2，而重低音：Mordaunt-Short Aviano 7，那時我算一算，預算要加到15K才能了，之後我跟師兄提意去深水埗"九XX音"報價，但當時Aviano 7已經缺貨了，為了可以一次過買我只好等返貨。就因為我等返貨這段時間，我在二手見到一位師兄正放售整套的影音器材，那裡包括Aviano 7，我雖然未買過二手影音，但我見價錢合理而且有保用還可以試，我當然立即聯絡師兄，我們就相約了第二天到他府上交收。

第二天我帶著我的手拉車走上師兄府上，當時還有其他師兄試緊其他器材，他們正在試Klipsch RC52，那是我第一次接觸Klipsch這個牌子，RC52比我第一印象就是聲音很清晰，而且震撼，我請教師兄得知Klipsch十分適合用作播電影，因為夠爆，其實我玩影音主要都係為左睇戲，得知Klipsch適合睇戲當然有點心動，試完RC52後，當然是試我的主角Aviano 7，而試音位係功夫熊貓經典位....我之前係屋企都有睇過呢段，點解係師兄屋企試會勁咁多，爆咁多的......那刻我覺得買Aviano 7絶冇後悔。

Aviano 7