本帖最後由 tinsly 於 2013-1-28 03:17 編輯
小弟並不是如夢FANS,如果她不是翻唱我偶像EASON作品,推出《奕夢如歌》,我都不知誰是「如夢」,仲以為係「如花」………
今次買這隻《SHOW K》,全因曲目中有幾首係小弟心水,於買隻試試.
小弟就逐首講講我的少少聽後感.
《我只在乎你 / 至少還有你 》
前段為《我只在乎你》,不敢會與胡琳翻唱版本比較.在技巧上,如夢確老練點,但只可說穩陣;胡琳就以情行先,個人風格強好多.
《至少還有你 》可以話係近十幾年香港創作人的驕傲!!!這次如夢的演繹上則一般,有點激昂位無去到,勒住勒住,之後尾段仲有D催,不過就開始放了,效果稍為改善.
《忘了忘不了》
好聰明!!!選曲一流!!!至少肯定贏到原唱者
這曲人聲放前了,置中了點,聽到了多點口水聲、齒音和換氣聲,但最厲害係唔會令你礙耳,因為根本無咩瑕疵!!!犀利!!!
另外,雖則這曲為慢版,但其中一段純結他和鋼琴合奏,旋律柔和,但你會聽到他們好像BATTLE緊,一場太極比試,幾有趣.
聽完這曲,會令你「忘了」原唱;「忘不了」如夢~
《冷雨夜 》
節奏感強了,Lounge Jazz.
可是如夢好似用錯KEY,全首歌好似被人勒住條頸唱,唱得好辛苦咁.唔知是否監製後尾都發現有此問題,將人聲放後了………
其中一句“怕你會知~”,真係有種奇怪FEELING,「小姐?開緊大呀?要唔要廁紙?」
事件証實,每人都有優點,同時也會有缺點,唔善長就要懂得掩飾
但其實個編曲好正,但根本同個MELODY唔襯.
《不如不見》
由於小弟極愛EASON原版《不如不見》,編曲依舊簡簡單單,不過如夢把聲太靚太多技巧,無EASON嗰隻半唱半講的演繹方式,咁流露這淡然又無奈之情.
不過個琴聲就完勝原版!!!好靚!!!!如果由EASON演繹回如夢這班底製作,就PREFECT!!!
終歸此曲整體不錯,至少我會REPEAT嚟聽.
《 微涼 》
噢~又聽得好辛苦,如夢其實唱得幾作狀.唱得有點不穩,特別在假音部分.
到副歌發揮稍為好了點,不過真係有D難頂這唱法…………
《 花店 》
如夢看家本領,慢版情歌!!!!完全無甩轆!!!可是亮點不大………
值得一提,個大提琴!!!無咗佢會變得更平平無奇.
《夕陽之歌》
好多時現今香港樂壇女歌手會刻意避開唱低音.今次如夢在《夕陽之歌 》中,低音方面發揮不錯.
在唱法上也值得一讚,巧妙CUT走D尾音,用來配合JAZZ的編曲.此方法又得儀,又見其功架.
唔係HEA下懶下住唱歌,就叫做唱JAZZ嫁,知無???
《 燕尾蝶》
《燕尾蝶》真係一首好靚、好靚的歌詞!!!
編曲與原版分野頗大,人聲教前了,如夢好少唱較激昂曲目,《冷雨夜 》失敗了,但《 燕尾蝶 》完全成功!!!
其中一句“為免犧牲情願被同化”,聽到我起雞皮,好感動!!!
但個編曲就配合唔到如夢的演繹方式………編曲上有種想爆,但又「便秘」嘅感覺,搞到有種失衡,可惜可惜………
《垃圾》
如夢又再騷哥利!!!何謂又靚聲又唱得???正是如此!!!!香港人不是《垃圾》!!!
“比不上被你手中火化 太快樂,如何招架 殘忍不好嗎?”,這段嗰下氣聲,與及其哭腔,真係令人極奇心悒!!!
在這曲如夢假音控制上就完全無問題!!!嗰種欲哭無淚感覺,完全被她攝住!!!!
《冷戰》
小弟極愛Tori Amos《Silent All These Years》,其中一首史上最靚的旋律!!!而如夢的《冷戰》最驚喜係是次編曲與原版差無幾,但主樂器由鋼琴改為結他,效果極佳,極有趣!!!尾段結他vs大提琴十分精彩!!!!
《容易受傷的女人》
90年代式編曲,加上中樂元素,效果不俗.但水準難及明哥版本《容易受傷的女人》,突然令我想拎返隻《人山人海》嚟聽……………
《當世界無玫瑰 》
結尾用一個SMOOTH、SOFT的JAZZ編曲,真係好舒服!!!但如果係胡琳演繹就更貼切,更甜美………
終結:
整張唱片水準唔差,只欠一份驚喜.(上次《奕夢如歌》也是)
還有,我都預計到這唱片公司,九成會推出其他發燒碟制式版本.
你要預早買隻平版嚟「優先試聽」;還是等多陣,「一步登天」,就「任君選擇」喇!!! |
[複製鏈接]
發表於 2013-1-28 03:12
how much ar
樓主
