知道哩度有咁好多高手，想問下大家意見

JanLau@FB

講下自己啲經歷先，
小弟第一部dap大慨三年前買咗zx300+m7，叫做第一次接觸dap同埋可換線既耳機，先知道完來音樂可以咁好聽……
聽到年幾之後，心思思又想換個部
之後又開始爬文，最後收咗部二手黑磚同綠仙女2020,
wow,甚麽音場、甚麼細節，本身唔係好識，但係有好似聽多咗d野……
好喇，有過多年幾，個pat pat又開始痕，又想換過部，又爬文，
睇到ak se180，
cayin n6ii又出r2r,
墨菊又減價，
真係唔知揀邊款……
耳機就完完全全冇心水……
最大問題小弟住新界，返工又係新界，平時放假又要陪屋企人，好少出去省城去試聽，所以想參考大家意見
小弟大概預算兩萬蚊左右
買dap同耳機，希望大家多多留言，多啲意見
唔該哂

chief424

如果我自已, 2萬蚊會太走火入魔, 同埋如果一壞起上黎會喊都無謂
通常我自已最盡3-4000蚊player, 3000蚊耳機就盡, 留番D錢買其他野 (例如我會買VR, 硬碟機, switch game etc)
師兄你可以考慮5000蚊player, 5000蚊耳機, 留番1萬做其他野 (同屋企人食自助餐都開心吧, 係咪?)

(我玩左咁多年的經驗係唔需要追, 技術日新月異, 同相機電腦一樣去到某價位就ok)

DAP要做功課, 上網睇晒咁多間公司的晶片 (ESS,  AKM, CS, 德洲etc...) 去試聽個分別 (我就部部買, 暫時AKM同ESS岩自已, CL果隻CS未聽過就未知)
之後搵部岩自已的晶片機就得

耳機我俾唔到意見, 因為我隻隻牌子都聽, 暫時咁多隻牌子係Philips同Sony俾到野我, 同埋而家的Final同Fiio都OK
(咩AKG, Sennheiser太高科技唔好了, 咩Fender, 鐵三角太高級唔識欣賞)
我係聽開清而暖, 暖而有層次感得黎又有少少bass的耳機, 太多bass會頭痛,  冇bass三頻平衡又好怪雞
自己經驗吧

音響係一個坑黎, 冇得追

ip_csl

2萬 budget買 dap同耳機,如入墨菊.已經用了$17K,留下3K買耳機無乜選擇.Dap一般有新買新,N6 鈦版又未出.以你預算se180 可以考慮

JanLau@FB

chief424 發表於 2021-6-6 09:46
如果我自已, 2萬蚊會太走火入魔, 同埋如果一壞起上黎會喊都無謂
通常我自已最盡3-4000蚊player, 3000蚊耳機 ...

多謝回復

JanLau@FB

ip_csl 發表於 2021-6-6 10:37
2萬 budget買 dap同耳機,如入墨菊.已經用了$17K,留下3K買耳機無乜選擇.Dap一般有新買新,N6 鈦版又未出.以你 ...

其實我都唔係咁心急買，都想等n6鈦版出先，
如果預算再多啲，有乜耳機都可以選擇？唔該。

ghhf

其實最好先確定自己鍾意邊類音樂及音色，再決定未遲。個人覺得Sony黑磚非常好，考慮繼續用，反而可以花多些少錢入隻好耳機。

如果真係想玩全新 DAP + 耳機，小弟最近聽過AK KANN ALPHA + Sennheiser IE 900 試聽分享唔錯，加埋就大概係2W，可以去熊仔店試聽下。

ip_csl

得罪都要講句,黑磚高音分析力不足,你再試其他機就知聽小了好多細節.
以上純個人意見和喜好.

ghhf

ip_csl 發表於 2021-6-6 11:06
得罪都要講句,黑磚高音分析力不足,你再試其他機就知聽小了好多細節.
以上純個人意見和喜好. ...

都係夾唔夾問題，鍾唔鍾意Sony味。不過金黑磚同今日新DAP比，感覺唔係好夠氣力推唔盡就真。

ip_csl

ghhf 發表於 2021-6-6 11:10
都係夾唔夾問題，鍾唔鍾意Sony味。不過金黑磚同今日新DAP比，感覺唔係好夠氣力就真。 ...

個人覺得不是夾不夾問題(黑/金磚都玩過).我是用同一耳機AB比較其他 dap 得出的結果.
都是一句,每人口味不同,我個人較喜歡聽 detail野.

ghhf

ip_csl 發表於 2021-6-6 11:17
個人覺得不是夾不夾問題(黑/金磚都玩過).我是用同一耳機AB比較其他 dap 得出的結果.
都是一句,每人口味不 ...

Detail都係平衡，同意自己舒服最緊要。

要夾機，最重要係夾人。樓主就咁出 post問而少試聽，風險高！有錢買玩具，都要做精靈消費者，耳聽為實，聽完再講！每星期揾半日出省城行一圈聽番幾個組合，可能更了解自己需要未遲。