|
|
Jadis大師,
先感謝您聖誕佳節都抽空回覆, 辛苦了~ 小弟昨天急不及待迎來遲到的禮物LM-211, 大約用電視煲了兩刻鐘, 褲都未除狗又未餵就坐定埋位 , 同時多謝您寶貴的意見, 我覺得有必要分享一下事後感給你.
先用三極黎一隻女聲 Skye 深藍 [棋子], 背景比之前寧靜了, 沒有了乾啞和高音很標的感覺, 但又唔覺得慢左好多, 唔知係唔係skye小姐唱法的緣故, 尾音伸延感覺同之前差唔多, 嘗試Toe in 10度左右, 感覺人聲密度高左, 雖未結象到有個咀形出左黎, 但聽感豐厚實在, 另由於佢係現場錄音, 唔同樂器既位置交待清楚, 人聲樂器既分隔度唔錯, 但場面唔算好大, 仲好似比劍橋細左.
再黎男聲歐瑞強的好歌再重唱, 以民歌既音樂味明顯比劍橋強, 人聲好出, 強哥感情豐富左好多, 好正! 再試埋梁小姐既舊歡如夢, 梁小姐口水聲多左好多 , 因為佢唔算高音很突出既歌手, 只能說歌聲感染力好左, 唔知點解覺得佢唱到想喊咁.
唔差在試埋Aaron Neville既XR版warm your heart, 聽合唱個隻Close your eyes, 呢隻分別是最明顯的, 黑人假音好正, 以前用劍橋聽感覺是好"妖"的, 而家聽番多左一份韻味. 跟手整多隻winterplay日版Song of coloured love, 個首Quando x3 Jazz味很濃, Band 樂好有Live感覺, 特別是低音感覺比劍橋強多了, 我只能說膽機聽Jazz真的高了一班.
啪去超線性, 當然是用來試樂器大鵬野, 先黎La bamba鼓樂 Jazz variants, 呢首真係嚇我一跳, 我估唔到謄機好爆過劍橋咁多, 雖未去到拳拳打心口咁誇, 但低音控制有線條好多,雖然都係有少少散既感覺, 但跟劍橋相比, 就好似用筷子和棍打鼓既分別 , 起碼鼓聲應有既彈跳感和餘波可以聽出黎了, 最後試埋中樂 琵琶陣既十面埋伏, 呢隻可能要求太高, 頭幾下彈起來都好有力的, 但慢慢愈來愈快, 膽機播起上黎真係有點吃力, 感覺場面控制比劍橋要差.
總結: 以小弟既喜好來說, 膽機已經可以滿足我大部份既要求, 換機後優點比缺點多, 以呢個價位選擇其實唔多, 價格和表現絕對是有驚喜. 我想原廠膽應該都夠我玩一段時間, 不過亦希望請教Jadis大師, 如果想再改善人聲濃郁一點, 是否先換前級部份個兩隻細膽(12Ax7?) 另外, 您推介Cliff Audio PS 係唔係廠線黎?唔知邊到有得賣同埋幾$到? 謝謝! |
|
[複製鏈接]
發表於 2011-12-27 03:03
樓主
：
