回覆PM ... LM211A vs SP6 ( Steven )

Jadis

Jadis大師， 小弟雖然玩hifi既年資尚淺，但係過往一年經常上post76同各位ching交流下，小弟而家真係愛上hifi這玩意！
小弟現在暫時只係用緊部onkyo 608黎聽歌，初頭都覺得滿意，但聽耐在就覺得無論音樂感定人聲感情上都好似好生硬！
小弟一直都想買部合併擴音機黎聽歌，雖然知點大師日常工作非常忙碌，但真係希望大師可以幫小弟指點迷津！小弟琴日上左5,6樓試左幾部合併膽機，包括麗磁LM211IA,同SOUND MASTER No.12 分體合併膽機同Melody SP6.
敢問大師認為邊一部膽機最值得我投資呢！萬分感謝！
Steven
*******************************************************************
    Steven 兄, 希望您是愛上音樂, 而不是愛上Hi-Fi, 但為了播好音樂, 所以要玩好Hi-Fi ...
    " ... 用緊部onkyo 608黎聽歌，初頭都覺得滿意，但聽耐在就覺得無論音樂感定人聲感情上都好似好生硬..." 意思是指初買機時聽, 還是每次初開機時聽有這感覺? 如果是初買回來聽時仍可以, 聽耐了"日子"就覺無理感情和生硬, 這是你的聽覺已經 upgarde, 或聽朋友更好的器材, 或到代理多了, 耳仔漸漸有了一定的鑑賞力所至,而事實上, 純聽歌, 608 跟本就是較為機械化和生硬一點, 用一部日牌 Surround Amp. 聽純音響上兩聲導, 你的情況實屬正常。添置一部合併式擴音機用作純音響兩聲導聆聽, 這是最有效的方法, 如果以 LM211A, S.M. No.12 和 SP6比較, 以感情味和音樂感為主要聲效, 大慨應從 LM211A 或 SP6考慮。這兩部機都是靚聲得很的合併機, 人聲感情絕對豐富, 音樂感味濃, 當中重料人手搭棚的 LM211A 更"和味", 但 SP6 的動感更為強烈, 這要看你用甚麼類型的喇叭、聽歌廳房大少才可定案, 如果能舉例一兩張聽得最多的CD更佳。 Steven 兄, 等你再 Reply。Jadis~

stevensh

回復 1# Jadis

感謝jadis大師俾小弟的意見~~~!
小弟既聆聽空間大約有80至90尺...兩隻前置(KEF Q500)相隔7尺, 皇帝位離喇叭約7尺,坐位離後牆約2尺，廳總長9尺。
CD PLAYER用緊CA 650C, 平時聽得最多既CD唔係咩發燒碟...例如有KENNY G既Love Ballads和童麗既碟...最近就買左羅敏莊既發燒精選碟~
本來想試SUPER 34同SOUND MASTER NO.76...但由於小弟BUDGET有限，只係試左LM211IA同SP6...
其實我見好多ching玩膽機都會自己換膽，因為可以改變成部機既聲~!
但個Sales哥哥話佢地d機唔會可換其他類型既膽，只可以換返EL34既膽...
我見有D機表示可以換唔同既膽,例如KT77, 6L6或EL34等等..係唔係要某些高級型號先可以做到呢?
其實有無需要一開始玩膽機就買D可以換唔會類型膽既機呢??
請恕小弟有咁多問題....

Jadis

從你的喇叭、喜好、呎吋, 我會建議用 SP6。
一開始我是不主張用家換膽, 換膽即改變該機原有音色, 在此之前, 我認為要先聽清楚該機一切優劣, 才重點改變其弱點, 和調校到自己喜愛的音色。
Jadis~