最後決擇, 轉唔轉會好??

girbaud · 發表於 2011-8-20 01:24

續：

Galaxy S2獨家特性篇
1) notification是由畫面最上方拖下來有快速設定wifi,silence,GPS等等的功能是samsung自家設計,其他牌子android 機未必有,我覺得超醒目,因為在任何時侯都可以拖下來SET呢堆野真係好方便, 但如果你把手指放在notification bar上便但又唔向下拖,反而向左或右推,就會變成調節光暗,很好用

2)當你power off部手機,畫面關了,但不要以為可以拆開機蓋同斷電池, 錯!記住正確關機訊號是手機會發出一下震動, 震過一下才可以拆機蓋斷電, 如果未震就斷電,好有可能會有系統資料損毁(本人試過)

3)WIFI direct是300Mb點對點既連線, 即係兩部手機如果support wifi direct就可以好似藍牙咁做pairing後再點對點傳送file,速度十分快, 幾佰mb既game幾十秒就抄完

4)Super AMOLED plus是samsung獨家既OLED技術,不過, 如果畫面全白是比一般畫面花費近三倍的電力,相反,表達純黑色是零電力消費,所以大家會明白android OS default係以黑色為主theme的道理. 因為主流是向著OLED而走, 所以最好都唔好選擇太多白色內容既lockscreen wallpaper同homescreen wallpaper

5)自動調光暗, 反而食電,因為好多時侯個light sensor被隻手蓋過,從而畫面光暗成日調高調低而花費電力,所以tick走個自動調光功能會比較好做控電工夫

6) 新出機時第一次開機, 準備好你既gmail戶口, 不要亂入, 因為整部機都是用呢個google email黎對應. 而且一經設定後不能變更, 只有做factory reset才可以再輸入. 開機第二件事就係入menu>設定>,顯示設定>去較正水平/陀螺儀校準. 而且背景效果其實係講緊塊amoled既飽和度(saturation)既偏向, set返自己啱胃口既色水囉

7) Samsung Dive, 呢個服務完全代表到三叔而家係手機壇既自信同埋野心，四個字。。大廠本色，不用我多說，detail既click條link去睇個Dive support乜野囉
http://v2.samsungdive.com/help/guideRemoteControls.do

8) Samsung Kies Air, 將手機Wifi turn on 後, 可以由PC上的IE, FF等browser管理手機入便既任何資料,十分方便, even係browser入便playback MP3, VIDEO, 睇相, 都可以

Android日常應用篇
1) 如果用得耐發現部機有好多不尋常既情況出現, 可以先關機, 再按home+power+volumn up三個掣開機,進入recovery mode後,選wipe cache partition後按home執行,之後可以選reboot機, 呢個係一個解決方法, 情況同IOS長按home+power不放十幾秒進入cold boot 一樣, 其實smartphone都係一樣會用到system/app cache呢種設計,所以clean cache有助回復系統執行時既效能

2)MP3呀,JPG相呀放係邊?冇指定既, android OS會自動search media files再做indexing, 所以你亂放都ok, 一般都放在SDCard\Media

3)speed dail, 今時今日要拿起手機打出一個每天都會call既人,要click幾多個動作? 係android入便,你只要做2個動作,第一就係unlock你個screen,第二個就係click你想打既對像既icon,就完事, android os 有shortcut設計, shortcut強大到大部份系統功能都可以set做shortcut, even係一個contact入便其中一個電話號碼, 所以menu>add>shortcut>direct number,就可以做出一個電話號碼shortcut, 絕對係快過開個phone app再長一個1字呢種舊式speed dail方法

4)Samsung 自家既app都有幾個好好用,其中一個係task manager, 我極度建議大家將佢set係dock入便, 因為經常用到呢個app, 用途當然係click入去睇下有乜野app要exit,同埋掌握下邊d app食幾多ram同cpu等等, 了解多左就當然會變成smart人用smartphone喇, 而且app switching, uninstall都係用佢最快手, 唔洗去menu入便慢慢摸. 第二個係 myfiles, 即係個人檔案, 建議drag出去 homescreen, 因為經常會用到佢, 用法就好似window上便個file explorer一樣, copy/paste/delete/execute都係靠佢

5) 2.3既screenshot capture係按住home後不放再按power掣, jpg會放在sdcard\screencapture

6)長按home可以做兩件事, 一個就係揀recent app去switch, 另一個就係call task manager

7) 一再提醒, shortcut是好用之物, 分享幾個常用既, (執行中的服務/wifi設定/管理應用程式/音效設定/使用電量/顯示/儲存空間使用). 再另加2個bookmark shortcut, 一個是蘋果新聞, 另一個係facebook, 留意, 兩個都係url shortcut, 唔係app來, 去到玩andorid, 當然用強大既browser功能, 仲點會咁笨裝返蘋果新聞既死人app同白痴android版facebook app. 當然用browser睇mobile版既蘋果新聞係方便好多, 一試就知方便係邊不用多提, 至於android版既facebook app有幾差..你可以自己裝黎體驗下. 都係果句, 玩得android就係要習慣玩browser. 所以記住要玩bookmark shortcut呢個好用功能, 設定方法,menu>add>shortcut>bookmark

8)samsung kies, 當發完itunes惡夢發醒了既我, 對於呢個kies, 就只係當dirver用..你只要install一次就可以無視它了, 因為裝完你部desktop pc就會認到部手機, 咁就完事, 抄相抄mp3自己抄入sd卡度就可以, 如果itunes癮君子就可以用呢個kies黎解下sync野毒囉, 當飲美沙筒, 不過官方update firmware都係會用到kies既

9)起初習慣下開battery info去留意下電力既消耗分佈, 就可以找出省電既契機

10)Android market除左可以係手機入便開, 仲可以係desktop開, 用返gmail login後, 你可以係desktop度install app的, 因為android os同android market之間有OTA(Over the Air) support. 想方便d其實可以係desktop度揀app裝, click完install之後過一陣你就發現notification bar出現這個app己經intalled了, 係咪好神奇? 強大到even你只得2G network只開wifi既話, market都可以找到你部機仲穿埋你home或公司firewall塞app入去添! 再者, 當你換手機時, 只要在開機過程入返上一部手機既gmail戶口,開埋wifi, 之後就會部自動將所有舊手機既app自動sync返入去新手機..仲要係OTA, 線都唔洗駁條, 真係十分爽的!

11)16g實際其實得14.3g, 有2g用左做system partition, 即係得返12g, 而app是安裝在system partition的, 所以不要以為有12g去裝app. 不過有部份app好似game咁樣, 做法係將大量data裝在12g那個internal sd卡的. 相片同video都是default放在internal sd卡的, 所以12g 對一般人黎講都夠用. 而小弟就買左class10既32g 插入external sd卡, 放左17g mp3後, 淨返13g用黎拍下1080p video, 所以要拍片就要買class10囉. 而不用拍片只係睇片其實可以買class4既16g sd卡, $170左右, 就可以16+16=32. 唔洗就住玩了.

12) 慣用wifi, 當toggle左wifi做on, 佢會彈出scan到不同wifi spot呢個list, 其實如果你呢一刻按back掣, 就會退出呢個wifi spot list自動連去你慣用wifi spot, 係唔洗等佢自己慢慢scan到你個慣用wifi的, 如果你個router係hidden ssid既更加要識按呢個back掣

13)default值, 當你安裝第二個browser後, 你會發現有時用在gmail app入便click條url, 佢會彈出問你用邊個browser, 仲有一個checkbox可以set佢做default browser, 到底係邊度clear呢個default呢, 管理應用程式>揀相對app>清除預定值, 管理應用程式係邊度? 所以我一早都講, 要set shortcut就唔洗摸幾層菜單了

14) 當部手機screenlock左一段時間, 佢會自動stepdown個cpu做200hmz, 用意是節能, 所以當你按home掣去wake部手機你會發現佢會有1-2秒delay先wake到, 這是正常的, 不用擔心, 而且玩3D game仲會機身發熱, 仲係好熱, 亦係正常

girbaud · 發表於 2011-8-20 01:25

續：

必裝既app list篇
1)第一個必install既app就係Dolphin HD browser,因為佢比原生機內browser即係google出既chrome好用好多倍,首先佢可以用 gesture做出好多快捷既功能設換,好似browser成日用到既switch tab, forward同backward, refresh, 返去home url等等, 用手機咁細個screen當然要用gesture去做呢d事情先會做得快, 所以gesture要多用. 第二個勁好用既設計係佢有virtual desktop既concept,叫做swipe ,只要你手指按住一點大幅度向左或右, 就會出現virtual space, 左邊係bookmark, 右邊係toolbar, 對於開bookmark真係十分方便, toolbar果邊原生就有fullscreen, new tab等等icon, 如果裝埋其他plugin好似pdf viewer等等, 呢度toolbar都會show相對應icon. 第三個功能就係user agent, 呢個browser可以比你設定當前browser是用desktop, android, iphone等等user agent, 所以如果你發現你要去hk.yahoo時佢變左做mobile 版hk.yahoo, 你可以轉ua做desktop再refresh, 咁你就可以睇到desktop版既hk.yahoo full version了. 第四個方便就係佢有fullscreen mode, 真係4.3寸都用足哂, 十分好用. 而最近版本己經新加入native homepage, 即係一開browser第一page就己經係一堆自己可以任意設定既bookmark, recent visit等等既homepage, 又係十分方便.
https://market.android.com/detai ... ature=search_result

2)Adobe Flash. 不用多說, 用android機唔裝flash就真係不如丟機落海算. 配合dophlin brwoser一齊用, 基本上開返desktop版facebook再click入便既短版都冇難度, 如同desktop一樣
https://market.android.com/detai ... ature=search_result

3)Handcent sms 原生sms app比較一般, 呢個handcent sms強在佢會係你有sms入時, 將個sms pop去任何app最front既layer, even你己經screenlock左了, 亦會在screen locked既情況下show出你個sms內容, 仲可以係未unlock 機底下去打字reply返個sms, 講完呢個咁強大既功能, 其他功能都不用再說, 自己把玩一下, 實在好多野set, 必定可以set到你滿意
https://market.android.com/detai ... ature=search_result

4)Juicy Defender Ultimate, android os最大缺點係電池控制方面是無王管的, 所以只要你加返個"王"係度, 有"王"管就搞點喇. 基本上, 佢既運作原理其實只係當你screenlock左後一段時間, 就將你個3G data cut走左, 淨返2G, 到指定schedule時間, say 5mins, 咁就會開返3G data一陣, 咁android os入便一堆push notification就會開始行動再去connect push server再開始data交流. 所以裝左juicy defender就唔會成日花電力去做果堆push notification既data交流. 自然就慳電, 當然代價就係notification會有delay, 但係, push notification既設計亦唔係咁笨的, 唔想踏太深講入便原理, 總之notification唔係成日會delay既. 放心用好了. 真係大大節省了好多電力
http://www.coolapk.com/apk-2795-com.latedroid.juicedefender/

5)PowerAMP, samsung個mp3 app都ok, 但對於有要求既用家就一定要try呢個poweramp, 最大賣點係有custom eq任你set, 而且個app亦寫得十分之好, 耳機re-plug後自動playback返首歌等等. 又自動download music cover, 界面又型. 佢support share sound device功能, 即係當你用緊poweramp聽歌時, 你再去browser度開facebookplay一條短片, 你可以聽到2個sound source, 不會因為brwoser入便個video player而cut走mp3 player既聲音. 相反原生music同video player app就沒有support share hardware device, 所以就做唔到呢件事. 對於一路聽歌一路睇facebook短片既我, 實在係太有用了. 所以仲係#1 paid app. 因為佢online check license, 所以破解版本用一陣會失效. 對mp3 player有要求既就必買的.
https://market.android.com/detai ... ature=search_result

6)相機app有2個, 一個叫做Carmera 360, 強在個防手震對焦實在太強, 因為佢係用程式防手震, 所以對比光學防手震會更加準, 但缺點係如果你一路震,佢會對好耐焦, 但優點當然係如果你花一點時間對到焦, 咁佢一定100%包你張相既focus一定準!, 因為係用程式運算出來既. 唔講咁深了, 試用下就知. 而且呢個app既filter亦十分多. 另一個相機app叫做Vignette, 優點在於佢係post-shutter式既filter設計, 先影相, 後apply filter, 所以係某d 情況亦係好好用. 原生跟機個camera app我只會用來拍video
http://www.coolapk.com/apk-1469-vStudio.Android.GPhotoPaid/
http://www.coolapk.com/apk-2589-uk.co.neilandtheresa.NewVignette/

7)Moboplayer, 什麼rmvb, mkv通吃, even食埋srt字幕添. 我是將這個player set做default player, 原因係, 佢support share sound device功能, 又要聽歌又要睇片兩種音源非它莫屬, 而且佢亦support hardware decode的,使用界面比rockplayer好好多!
https://market.android.com/detai ... ture=search_result/

8)Barcode Scanner, 呢個app好簡單, 係將QR code scan入機, 特別既原因係你要學識玩QRCode先會發現佢幾咁有用. 舉個應用例子, 我個msn friend send左條link比我睇, 但我唔係咁方便係公司開條link喎, 又唔想用手機打條url出來..結果..我係desktop度去http://qrcode.kaywa.com/ 將url變為QRCode, 再用barcode scanner scan入手機, 佢就自動開埋brwoser同埋條url了. 十分方便, 只要識得揀返相對應既content-type, android就會自動找返相對應既app黎開. 想係desktop度 c&p一堆大量text入去手機度再sms都是一樣的做法
https://market.android.com/detai ... ature=search_result

9)邪道site兩個, 安裝破解版既apk係唔洗root機的, 只要tick左 menu>設定>應用程式>不明的來源, 就可以裝任何apk
http://www.coolapk.com/
http://www.approid.hk/

10)QuickPic, samsung個Galary app唔係唔好用,只係我個mp3 folder入便有好多album cover, 所以個Galary就變得唔好用,好難搵想要既相, 因為佢show哂所有相出來, 而QuickPic真係好用,開相快,基本功能齊,有move&copy等等,對我黎講最重要係個exclude功能,我只要set一次mp3 folder做exclude咁以後佢唔會再show所有果個mp3 folder入便包括sub-folder既相出來. 而且呢個app仲係有三萬幾個下載count,佢應該係best app莫屬了.
https://market.android.com/detai ... ature=search_result

11)ADW Lanucher, samsung個原生lanucher都幾好用,不過咁多個page如果由homescreen撥去page 7都幾花時間,雖然可以推下便個fast switch但操控都唔係咁準, 所以ADW可以令你homescreen set係page4咁就可以左撥3page右撥3page, 方便好多了, 而且 4.3寸想玩得豪放d,所以AWD幫到我,將1page放到5x5咁多icon出來,條dock仲可以改到有5個icon,加埋佢有好多好多好煩既設定,只要肯去認真試下每個功能,就好快set到你最順手最合意既組合出來.而出便亦有好多ADW theme可以玩, 所以對lanucher有要求既就要試下, lanucherpro都冇佢咁好用
https://market.android.com/detai ... more_from_developer

後話
不忘一提什麼root機擦custom rom等等呢d事情, 是進階篇既內容, 想電池icon show返percentage, 唔想用其他lanucher但又想homescreen唔係page 1而改做係page 4, 以total 7 page黎講, 咁就可以左右各推3個page了,想改成咁就要root機囉.

最後, 新手對住部android機可能頭都痛, 尤其係前iphone用戶, 不過請記住, 只要你肯付出去學習, 去找出合乎你使用習慣既設定後, 你就會發現android os實在係幾方便, 人性化得黎係好自由, 係你做主, 唔似得ios賣弄人性化之時其實係要你先要接受佢果套先感覺到佢既人性化!

轉貼 " 完 "