有冇好嘅狗酒店介紹呀？

jt24

一直都想出去旅行，但又冇人幫我湊屋企隻史納莎囡囡，如果帶佢去狗酒店又驚佢畀人虐待，請問有冇Ching曾經帶過自己個寶貝去狗酒店住幾日嘅呢？如果好嘅，請介紹畀我參考吓啦！唔該晒！

ricoy288

我試過一次去13日旅行, 2 隻狗只係放係狗鋪, 不過佢間鋪好大, 有2層高, 佢都會耐唔耐放佢地出嚟玩(果時係熟客先代睇住D狗, 仲要24小時都有人在), 不過佢地宜家冇做啦, 不過我最想講係, 我其中一隻約瑟頭幾天完全唔食野, 最後狗鋪幫我換香口D既糧, 佢先會食少少, 而另一隻就完全當冇事, 有野就食, 我同老細返到嚟見到隻約瑟瘦晒(隻眼仔都腫晒), 經過呢次之後, 我地遠行時只會叫家人嚟屋企暫住, 冇人得閒嚟, 我地會寧可延期去旅行.

如果你既囡囡平時都係好似冇左你地唔得既, 甘都係留屋企叫熟人嚟睇好D. 起碼D狗仔不用重新適應環境.

aiken

如果你唔怕太遠o既,可以考慮下去屯門果間寵物綠洲,我有兩次因為全家去晒旅行,放係果到,環境服務都唔錯,我最主要原因唔想我兩隻寶貝住籠,佢果到係住獨立房有冷氣,每日有人同佢地出去花園散步,我出去玩得開心時,都想佢地度假得開心嘛!
你有興趣可以先去佢到preview下,我第一次都係preview左先幫襯。
http://www.pet-oasis.com/

PP-HK

我多數搵屋企人黎幫手喂, 迫不得已就放相熟狗舖, 雖然狗酒店環境好, 不過有點擔心佢地放狗時睇唔睇得實, 曾經有狗酒店因為睇唔實其它大狗而導致意外。

aiken

我試過一次去13日旅行, 2 隻狗只係放係狗鋪, 不過佢間鋪好大, 有2層高, 佢都會耐唔耐放佢地出嚟玩(果時係熟 ...
ricoy288 發表於 2010-8-30 17:15

D約瑟真係麻煩D,我有一隻都係約瑟見唔到屋企人又係唔多想食野咁,不過我放低果間狗酒店係可以兩隻狗同住一房,所以比較好D啦都會食下野,番黎都冇嘜點瘦到。

jt24

如果你唔怕太遠o既,可以考慮下去屯門果間寵物綠洲,我有兩次因為全家去晒旅行,放係果到,環境服務都唔錯,我最 ...
aiken 發表於 2010-8-30 17:55

唔該晒Ching！