請問點樣才可以問影碟代理直接取貨呢？

tennishk

請問點樣才可以問影碟代理直接取貨呢？如果想入小量影碟，代理會否比貨我呢？
如果想問代理取貨，要什麼條件呢？

其實想取貨嘗試到網上賣，但問題是我一定唔可以好似影音掂入咁多貨，所以唔知代理會唔會比小量貨我，同埋唔知點搵代理？
請幫忙。THANK YOU

小瑟

我以前都試過下想開鋪, 問過小小, 你可以去每一間代理話你要開鋪, 叫佢地比貨比, 不過就唔記得係咪一定要你有商業證記先比貨你, 另外就係來貨價, 你囉得小唔係問題, 不過來貨價一定比你想像既差好多, 打個比喻, 一隻投名狀DVD街賣 $148蚊, 你問代理囉貨佢可能會比你 $145蚊一隻都唔出奇, 我以前就係因為知道原來真係汁咁小, 最尾先冇開到呢~~~

radhk

原帖由 小瑟 於 2008-2-18 08:48 發表
我以前都試過下想開鋪, 問過小小, 你可以去每一間代理話你要開鋪, 叫佢地比貨比, 不過就唔記得係咪一定要你有商業證記先比貨你, 另外就係來貨價, 你囉得小唔係問題, 不過來貨價一定比你想像既差好多, 打個比喻, 一隻 ...

估唔到賺咁少. :L

lkljason

執得5皮，真係燈油火蠟都未夠，唔好講賺錢！Smilies003

radhk

不過, 我見灣仔間cd鋪唔知0係咪靠中間人入貨?

我見佢上貨時d貨唔似係同一間代理. 有中間人會唔會仲平d?

小瑟

咁就唔知勒, 不過以我所知CD鋪最賺到錢既, 就係 VCD, 仲要係擺哂係度任簡果炸喎~~~

tuesday

原帖由 radhk 於 2008-2-18 11:02 發表
我見佢上貨時d貨唔似係同一間代理. 有中間人會唔會仲平d?

果d叫拆家.....:D

小瑟

tuesday兄, 咁你依家搵唔搵到代理攪呀???