Onkyo sr707 畫面設定問題

ronan

我的器材如下:

av amp : onkyo sr707
bdp: philips 9500
tv: sony w300a 40' full hd tv

而線材方面是AQ HDMI-X 接駁BDP 和AV AMP, AV AMP 和TV 就用PHILIPS 9500 送的HDMI CABLE

部BDP 新買時，每隔兩三分鐘，都會出現窒格問題，窒的問題唔明顯，同埋未必會睇到，只會覺得畫面唔自然，但因為有另一個更加嚴重的問題，已經返左去舖換左另一部新的BDP ，雖然換左新機，但畫面仍然有窒的問題，之後再UPGRADE 左FIRMWARE ，同埋把SR707 的AV SYN. 關閉，畫面窒的情況改善左好多，開頭以為無事，點知頭先睇葉問2 時，畫面的格式係1080/24P ，成套電影出現過兩次畫面窒的問題，而呢D 畫面窒的情況，都係起畫面轉換時出現，即係出現畫面A ，好快咁出黑畫面，之後再出現畫面B 時，起出現畫面A就黎到黑畫面時就會窒

之後把BDP 直接接駁電視，同埋用另一條HDMI CABLE(呢條CABLE 係起BROADWAY 買電視時送的)，發覺畫面非常之自然，同埋好順，好流暢

請問你地覺得會係HDMI CABLE 問題? 定係SR 707 的設定問題? 我已經起SR707 中把畫面設定為THROUGH
請問SR707 仲有咩可以SET?

同埋ONKYO 有冇上門維修?

唔該哂咁多位!!!!

KING

"之後把BDP 直接接駁電視，同埋用另一條HDMI CABLE(呢條CABLE 係起BROADWAY 買電視時送的)，發覺畫面非常之自然，同埋好順，好流暢"

咁你有冇用番呢條正常既HDMI線再插番部707黎試呢?

lamborghini436

用同一條線先試到喎

ronan

因為頭先屋企人要睇電視的關係，我把MTV 3000 @1080P ,50HZ 經AMP 再出電視，想睇下係咪部AMP 出1080P 時會出事，暫時未發覺窒的問題，因為只係睇左個幾鐘電視，但唔知係咪心理關係，感覺上MTV 3000 經AV AMP 再出電視，同BDP 一樣，畫面無直出電視咁流暢

之後把懷疑有問題的HDMI CABLE (即係PHILIPS 送的HDMI CABLE, 接駁AV AMP 同電視果段) 換過百老匯買電視送的HDMI CABLE ，發覺畫面流暢左好多，好接近直出電視

明天再出去租過另一套BD ，再睇下係咪真係呢條HDMI CABLE 出事

ronan

其實我想問可唔可以用色差出1080p, 直接駁電視
同時間用hdmi 接駁av amp 出dts hd?

ronan

今日用買電視送的hdmi cable 接駁av amp 和電視(原本係用PHILIPS 9500 送的HDMI CABLE)，睇未來警察時，畫面幾順，不過好似都有少少窒的問題，但畫面一定流暢過昨天睇葉問2 時的效果，不過都唔排除係心理問題，又或者自己眼花

其實會唔會因為送果d hdmi cable 話就話係V1.3 ，但唔足料，所以影響畫面流暢度?

依家駁BDP 和AV AMP 的HDMI CABLE 係AQ HDMI-X 2M

其實會唔會因為條HDMI CABLE 太長，SIGNAL 去到AMP 時弱左，而AV AMP 又SET 左做THROUGH

所以SIGNAL 去到電視時更加弱，所以影響流暢度? 同埋產生窒的問題?

KING

跟機hdmi線一定係最差呀啦!
5m樓下既hdmi 都唔算長,超過5m先至會失真!

ronan

頭先又把部bpd 用aq 的hdmi-x 直接接駁電視，發覺畫面是非常流暢，好順好自然

點解覺得自然? 係因為當由畫面A 轉畫面B 時，呢個過程係轉得好快，係會FEEL 唔到畫面A 出現後，再轉黑畫面，再轉畫面B

但如果BDP經AMP 再出電視，係會FEEL 到畫面A 出現後，再到黑畫面，之後出現畫面B ，如果起AV AMP 中SET 左THROUGH ，而AV AMP 又真係直出的話，咁極大可能係果D HDMI CABLE 應付唔到BD 的1080/24P 和1080P 的極高速度，所以畫面唔自然，同埋有時出現窒的問題

所以依家想買多條hdmi 的cable，請問HDMI-A 足唔足料? 同HDMI-X 分別大唔大?
我見永盛hdmi-A cable套裝(一條4尺, 另一條好似6尺) 折左後約$5xx

HDMI-X 2M 折左後要成$8XX, 好貴

ronan

原來菲你佬同安橋真係有機會唔夾

http://www.avbuzz.com/bbs/av/av-thread-107059.html

我諗下次要好似果個位師兄咁，把av amp 的monitor out set 做auto, set through 可能出現問題