升級投影 or 轉投電視，求意見

ihmcjacky

大家好，
我而家用緊 Optoma UHD65 投 92" Grandview 幕，主要睇原生4K Blu-ray、4K串流平台，同普通Blu-ray。部機都玩左接近5年，而且漸漸發覺一嚟到HDR同DV片源，尤其暗位多嘅場景，就開始力不從心：

黑色好crush，一達黑就完全無層次、無detail、甚至好多時呈灰，暗、黑位畫質非常一般
整體畫面好暗，暗到好難睇清楚暗位入面嘅物件同細節

想升級，但有啲猶豫，究竟係換一部更好嘅projector，定係轉返用電視（例如LG 65 C6 / G系列）？
Budget方面，大概係 LG 65G5 嘅價錢（17-20k左右）。

如果係呢個budget，投影機有好多國產選擇（極米、堅果、海信等等），但OLED黑位真係無敵，如果同價位，大家會點揀呢？

歡迎分享經驗同推薦！謝謝！

AskaLung@FB

如果你接受到個畫面細咗咁多，又好注重過黑位嘅話，咁我都推薦返你用返電視機，雖然我都係用投影

ihmcjacky

AskaLung@FB 發表於 2026-7-15 14:36
如果你接受到個畫面細咗咁多，又好注重過黑位嘅話，咁我都推薦返你用返電視機，雖然我都係用投影 ...

thanks ching, 我都1516緊，upgrade左投影光度同黑位應該都會有所提升，知道黑位唔會有得同oled比...所以都諗緊上啲showroom睇下投影黑位效果先

LG OLED 我本身房用42c2, 都知道係非常出色，心中都有個數，就係未睇過近排新投影型號嘅表現係咪都有好大提升

AskaLung@FB

ihmcjacky 發表於 2026-7-15 15:00
thanks ching, 我都1516緊，upgrade左投影光度同黑位應該都會有所提升，知道黑位唔會有得同oled比...所以 ...

兩萬蚊以內筆值真係只可以買到極米、堅果、海信呢啲大陸牌嘅牌子，絕大部份都係水貨，唔係好大嘅保證，因為我周圍識得玩個大陸，投影機都好多時都有啲古靈精怪問題，要退返上去，我自己都係其中一個，咁但係黑位同埋畫質嚟講同你之前嗰部投影機比應該超大明顯嘅分別的提升，不過而家所有三色雷射機對於投影幕都有好大嘅限制，唔係用返以前嘅幕就可以，因為佢有明顯嘅散班，暫時我自己或者同其他師兄討論過都係要換咗編織幕，先可以接近九成可以消滅咗啲散班

AskaLung@FB

ihmcjacky 發表於 2026-7-15 15:00
thanks ching, 我都1516緊，upgrade左投影光度同黑位應該都會有所提升，知道黑位唔會有得同oled比...所以 ...

你想去show Room嗰度睇極米、堅果、海信，堅果、海信，據我所知香港就冇叫做真正嘅代理可以睇到一個好靚嘅畫面去show出嚟，極咪就有嘅，不過就唔係現時而家最新嘅型號，
咁另外一個牌子我係用緊valerion 既visionmaster max，呢部都係三色雷射黑位都有光圈同埋E BL技術嘅加持,後係可以做到都幾黑,當然唔可以同JVC同埋OLED相提並論,但我黑位就真係以我用咁耐DLP最黑嘅,代理嗰度提供兩年一換一服務,不過個筆值你應該Over咗都幾多下，不過你又可以約去睇吓嘅，不過當然啦你個環境都係要做到盡量好黑咁先至可以令到個對比度再提升，呢樣嘢電視機就唔使咁麻煩，開燈睇到好容易做到好黑嘅感覺，所以真係好睇，你自己究竟要大畫面定係要黑？

ihmcjacky

AskaLung@FB 發表於 2026-7-15 15:39
你想去show Room嗰度睇極米、堅果、海信，堅果、海信，據我所知香港就冇叫做真正嘅代理可以睇到一個好靚 ...

thanks ching, 你hit中曬point同埋啲分歧點

2萬內價位玩投影的確選擇就只能係大陸品牌，而且有咩冬瓜豆腐就要託部機上去做保養... 香港就算有得賣大部份大陸品牌、brand都無正式香港代理，咁貴1部機如果壞左要做保養我深知係好煩，uhd65之前我就係用淘寶買嘅benq projector不幸壞左要託上去大陸寄返廠保養...

黑位對我黎講都幾重要，我好多時睇啲驚栗、恐怖題材電影，幾乎8，9成都有好多黑位... 而且你都講得好啱，玩投影機要好多嘢配合，幕、遮光等缺一不可...

睇ching屏攝好正，如果係咁嘅畫質的話其實非常收貨，但到底魚與熊掌。。。睇黎有機會要犧牲enjoy左咁耐嘅92" 大屏幕投影...

AskaLung@FB

ihmcjacky 發表於 2026-7-15 16:14
thanks ching, 你hit中曬point同埋啲分歧點

2萬內價位玩投影的確選擇就只能係大陸品牌，而且有咩冬瓜豆 ...

係呀，所以就算我自己覺得個投影我自己好鍾意睇,但係要好似你咁樣人生交叉點嘅時間我代入你，我可能都會諗吓個電視多啲先,咁但係如果有咁講睇電影真係想投入嗰個大畫面,咁現時香港嘅家居真係擺佈92吋嘅電視，確實係好有難度,咁投影機的而且確係一個好嘅選擇,咁同埋而家新一代嘅投影機個技術,個畫質,同埋個黑位都可以講係叫做我哋當年買投影機嘅幾何級提升,加上仲加埋可以supportDV,HDR10+等，仲要攞住埋Android TV，睇YouTube同Netflix更加方便

AskaLung@FB

ihmcjacky 發表於 2026-7-15 16:14
thanks ching, 你hit中曬point同埋啲分歧點

2萬內價位玩投影的確選擇就只能係大陸品牌，而且有咩冬瓜豆 ...

其實你講返黑位，其實我都係好注重，不過我自己就睇慣咗100吋畫面就返唔到轉頭，所以就一路以來都搵緊一部可以睇到黑位係OK嘅，咁當時我未買呢部Sony同JVC嗰個價錢，我根本就冇可能捨得買，真係好彩DLP機而家啲技術黑位，真係好多好多好多，好黑嘅地方又唔會黐埋一舊，我自己好多恐怖片同埋驚慄片，用以前部投影機一去到嗰啲畫面真係灰到阿媽都唔認，而家就真係睇得好開心㗎