2聲道後級開機喇叭有POP 一聲

chunlomo

請要想教各位師兄，有甚麼解決方案？

因為這情況是時有時無，是否改變開機次序，
還是機本身有問題？請指教

n00brx

如果已經開啟前級、解碼的順序下，最後先開後級理應唔會太大pop聲，如果開後級會pop 部後級唔係壞就係設計有問題

chunlomo

n00brx 發表於 2026-6-2 10:17
如果已經開啟前級、解碼的順序下，最後先開後級理應唔會太大pop聲，如果開後級會pop 部後級唔係壞就係設計 ...

可能膽前級問題,現在開左膽前, 等1分鐘先開後級
一切正常

kkhuang

好多歐洲機 英國機沒有延時，沒有用繼電器這類，都有尼種情況，我部德國機一樣，連開關都無，一插電源線就碰一下的。

keytai214

後級 從來都是 最後著，最先熄。切記次序 否則真係會燒 喇叭

其次，

1. 先了解 後級有無 "延遲接上音箱" 的設計，即是 著 後級 後，等一陣，機內會發出 "達" 一聲。如果無這 "達" 一聲，可能是本身無這設計，或 相關線路壞了。但就算有 "達" 一聲，如果 線路老化，或 設計延時不足，都有機會 導致 喇叭 POP 一聲。

2. POP 一聲，理論上、實際上都不一定有傷害。要知道會否傷 喇叭。可以跟網上好多教學量一量 喇叭 輸出端的 直流電壓。基本上只要開機後一段時間可以落返接近 0 就 OK。這叫 D.C. Offset。如果 這個 DC 電壓 一直高企，例如有 1V 或以上，最好送去檢查。網上好多玩家建議 超過 -0.1V (-100mV) ~ + 0.1V(+100mV) 已經吾接受。

https://youtube.com/shorts/TN1CsKr2jSc?feature=share

如果想降低 "POP" 一聲既影響，可以先播放音樂，再開 後級，因為 音樂的快速變動 正負訊號 可以 "蓋過" 不變的 DC Offset，減低對 音箱線圈的傷害。喇叭 設計本身就要承受 大幅度、快速的正負訊號變化，瞬間上到 +100V，再去到 -50V 都可以，但設計不是來承受 不變的直流訊號。
但用此方式，前題是量一量 DC Offest 有無問題先，以免把 問題蓋過，延遲送修，到時 後級壞，喇叭 又燒埋

後級 不用 "延遲接上音箱" 的設計 都好正常，因為 多個接點多個 衰聲位，就如好多師兄 連條 13A Fuse 都要靚野，點會想 後級多了一個 延遲開關接點

如果 前級 轉訊源時 喇叭 POP 一聲，就係 前級 輸出有問題 / 老化，甚至設計不理想，可以 每次 轉訊源前收細 Volume / Mute 了部機，睇吓可否解決。