如何提升睇Youtube片音質

路西華

我只識用手機睇Youtube片。請問師兄們用乜其他方法睇。
我唔明嗰D，Hi Fi 音響片，又唔係用「專業音響收音器材」，更唔會有「專業收音師」。YT平台會提供1440p畫質(但如果你部手機得720p就只有720p)，但無聽過有24bit 192之類的高質訊源。
點解？咁多人睇完YT片，就聽得出D音響器材「好唔好聲」，點做到？虛心求教？

kenfu@G

好多YT片畫面影住個壇,後製加首MP3歌曲,一D環境空間音效都冇,器材D燈,指針又冇動過.

通山跑

身痕想洗錢的人，自然會聽到「好吾好聲」。 以前靠文字都氹到咁多人買嘢，何況有聲有畫 ?

老實，去代理都唔係成日set 得好，浪費曬啲機的實力，有啲set 得ok 但係太著重某一方面，吾平衡。

samsontatsuya

睇YouTube片不如直接去代理試聽，另外多啲問Google Ai，佢嘅分析唔一定完全正確，參考價值可能比 youtube 片好。

不過最後都係要買返屋企玩，先知係咪真正自己想要嘅。

kingyan

想買一定係去代理試

路西華

好多謝幾位師兄嘅留言。我同你地想法一致。
我開呢個post，想表達嘅係：我想知道係咪科技一日千里，依家YT片嘅音質已經非常優秀？只係我井地之蛙唔識野？
如果唔係，點解會有咁多人睇完YT音響介紹片，會留言……「呢個器材唔得啦，D聲又硬又高音刺耳」，「D聲完全唔值呢個價錢」，「D聲唔錯，但係低頻再結實D會更好。
我想學野，想知佢哋用乜方法，可以聽到咁細緻。

MDLP

事實上，觀看 YouTube 影片時，若拍攝端使用了專業收音麥克風或高質素手機，並成功捕捉到現場環境聲，配合 YouTube Premium 將音訊位元率從 128 kbps 提升至 256 kbps 的功能，音質確實會有感進步，總歸是聊勝於無。
​至於在 YouTube 上是否真能聽出「音質好壞」，關鍵在於：劣質器材的缺陷通常很容易被察覺，但真正「好聲」的層次感，卻未必能單憑影片分出高下。雖然在同場收音的對比下，確實能辨別出產品間的高低差異，但仍需留意收錄喇叭聲時存在的「作弊」空間：
​由於手機麥克風難以負荷過強的聲壓，大喇叭強勁的低音往往會造成錄音訊號飽和、失真，反而弄巧反拙；相反地，小喇叭因為低音量感較少，錄音效果在聽感上反而顯得相對討好。

Nate.River

又咁講, 就算用手機拍片再經手機用YouTube播,
我諗你都可以分得出300蚊藍牙喇叭同30萬音響組合嘅分別
但其實都係你部手機出聲
要解釋其實係有說法的, 但太複雜,
我覺得一般人作為消費者, 自己聽得出咪得, 聽唔出咪試下睇下有冇實物試聽囉
音響最緊要過到自己嗰關, 玩得開心就夠

Douglas@G

其實都係相對上對比下。簡單聽下三頻咁。不用太認真啦!