|
|
我們不是甚麼....其實一開始都唔知有呢套電影, 我仲以為係隻歌(我們什麼都不是)
所以去睇時其實完全唔知係講咩, 只知有巴士爆炸的場面. 同埋我睇戲一向無留意邊個導演的習慣, 都係睇完上網先知原來同人肉叉燒包同一個導演.
呢套無記錯係26年我第3套戲. 希望都有多d時間入戲院啦, 我連夜王同gundam都未去睇....
故事由一架巴士係街上爆炸而開始, 之後由再出山的龍sir(譚耀文) 和朱栢謙去逐步查出真相. 電影基本上有2條線, 一條就係由AK同ansonbean (AB) 為主, 另一條就係由龍sir為主.
電影入面都見到好多"死人", 我自己覺得都做得幾真....所以如果怕血, 死屍可能要有心理準備先好入場.
我睇完其實都幾多思考, 因為電影入面都放o左好多弱勢社會時常有的問題, 生活的困難. 有工開但無糧出又無人幫, 唔同性取向受到的歧視, 家人的反應等. 我自己有幸未經歷過無屋住的情況, 不過有時都會想如果失去工作, 可能真係唔知點算....
AK同AB2人都是同性戀人. 佢地都係因為好多不幸事件加加埋埋最後走上絕路, 除了先殺外, 連巴士都一齊炸埋, 令10幾人都一齊炸死. 我都係睇完電影先知原來是參考真實的個案. 我自己就一定唔認同令無辜的人一齊死的做法, 但同時都明白當一個人去到某個trigger位, 真係會做出一d"失控"的事....
成個故事入面AK都好慘, 家庭不和, 被父親性侵, 母親又吸毒, 先小離家出走....人生可能真係無晒希望...所以我都明點解佢想死.
不過同時其實如電影入面, 好多野都係一念之差. 我離場時其實都有諗, 最尾一幕巴士上, 如果大肚的家姐一開始就坐下層, 咁AB同AK一上車就會見到佢地, 到時好大機會唔會"自爆". 又如當家姐朋見到AB原來在下層, 佢即刻落去搵佢, 又可能會避免了意外. 不過最重要我認為係家人/ 朋友的支持, 就如龍sir佢當年出事, 要提早退休, 佢都好嬲, 仲打算炸死d同事一齊死, 如果無佢老婆關心, 可能佢穴係做o左了. 我當年都有朋友自盡, 我好記得佢死前幾日成班人一齊唱K, 但幾日之後就收到電話佢死o左, 當時真係好shock, 都怪自己點解留意唔到佢有事.....所以我自己都會反省下, 第一自己有事會搵人傾. 第二就係多d關心身邊的家人同朋友啦.
如果要"彈"套戲, 我自己會覺得, 因一開始其實都知邊個炸架巴士, 成套戲都係去講返點解佢地2人要做呢件事, 而AK又咁多慘事, 我自己會覺得有d夾硬...好似為了營造佢好慘, 所以天下間慘事都發生在佢身上. 第2就係個"世界"太細, 原來大家都有關連, 大家都見過大家...好似batman的敵人原來就係自己老版咁. 反而有d唔真實咁. 但我都明電影始終要"戲劇性", 如果三唔識七咁就好難代入.
我本身唔係AK fans啦, 但睇完我都覺得值得入場去睇.
|
|
發表於 2026-4-8 00:42
