小瑟開箱 : 屋企 Wi-Fi 終於有救！升級 Wi-Fi 7：ASUS RT-BE...

小瑟

話說之前隻舊 Router 開始「壞壞地」，成日斷線真係搞唔掂。身為影音玩迷，屋企咁多隻 4K 串流、影音設備，仲有部 PS5 同 NAS，網絡唔穩真係想死！🤦‍♂️

​考慮咗一陣，最後試下換呢套 ASUS ZenWiFi BQ16。其實揀佢主要係本身用開ASUS都好穩定，另外都想試下 Wi-Fi 7 喺實戰環境入面，對屋企咁多設備有無幫助。
​
試用咗幾日，有幾個比較深嘅感受：
​連接更穩定： 以前幾個 Device 同時行大流量時，舊機偶爾會「窒一窒」，換咗呢套四頻 Mesh 之後，感覺頻寬分配得比較鬆動，暫時未見有大問題。

​房位收訊改善： 雖然都係擺同樣位置，但 Wi-Fi 7 嘅訊號穿透好似係紮實咗，係廁所上網最明顯😁。房內最邊位嘅測速都同客廳接近咗唔少。

​10G Port 嘅彈性： 佢預留咗 10G 插口，對於我有時要經 NAS 傳大 File 或者遲下升級寬頻，都算係一種長遠嘅準備。

​其實換 Router 唔一定要追求數據上嘅極速，最重要係全屋人用得順心、收得穩定。如果你都覺得屋企 Wi-Fi 開始跟唔上，呢個 Wi-Fi 7 嘅 Mesh 系統係一個幾踏實嘅升級選擇。