Acoustic Revive RGC-24K 地盒同RLT-1K Lan 用接地降噪端子

tonylhf · 發表於 2025-12-29 16:16

我一直以來都有用地盒。都有試過唔同嘅產品。今次試咗一隻一直以嚟啲人話好勁嘅專門為數碼而設嘅Acoustic Revive RGC-24K 地盒。今次呢個系列嘅最新版本第三代，加咗貴陽石，可以進一步提升寧靜度同密度，見年尾有長假期同埋出咗雙糧，所以即刻去Labkable買一個返嚟玩下，因為玩開串流，所以另外搵佢哋你去邊做多一條 Lan 地線諗住將個地盒直接插入去router/switch。

接駁方法 1: router > wifi > players
首先，我把RGC-24K 地盒接在Router的RJ45端口上，然後通過Wi-Fi把音樂傳送到我的streamer，用Tidal Connect。想睇吓如果通過Wi-Fi其實會唔會會有改善。算係科學實驗😂點知原來真係有好大嘅改善。人聲圓潤咗，背景靜咗樂器分離度同音樂感覺好咗，冇咗之前嘅乾澀。基本上都唔使AB test, 一插就中。真係唔識解釋點解咁都有效，只係諗緊點解唔早啲買。

之後試吓開部電腦睇吓YouTube 同Netflix，我部電腦都係用Wi-Fi連接router。真係估都估唔到竟然咁大嘅改善，開 Stranger Things 最新嗰一季第一集，一開始隻怪獸衝出嚟同埋行雷閃電嗰種低音背景分為包圍晒成個空間，好似去咗電影院一樣。真係好犀利。睇啲MV個現場感覺好咗好多，尤其是人聲嘅嘅濕潤同埋樂器嘅伸延，連YouTube都Hifi咗我真係O晒嘴。

接駁方法 2 : router > lan cable > switch > lan cable > players

隨後，我決定用返lan cable, 又試吓。今次我把地盒直接接到Switch，這下可真是如我所料，效果真係更明顯。喺插switch 比起上游嘅Router，地盒越近player 效果越明顯，起碼多咗三成。動態大咗同時間人聲更加至趨向真實。另外聲音嘅伸延度高咗，但係並沒有改變音式同味道，呢一個係玩地盒最重要嘅位。

即刻試多幾首歌，大概感覺係咁樣嘅。
整體的音質一瞬間提升了不少，特別是人聲的細膩感同現場感，真的能讓你感受到歌手的每一個情感變化，仿佛就在你面前唱歌。

播放樂器音樂時，那種立體感頓時變得明顯多了。每種樂器的聲音在空間中分開得很清楚，讓我像是在聽一場現場音樂會。整體的動態遞增一大截。每一個bass的感覺都非常紮實同埋量感大咗。

總結
總結來說，這次使用Acoustic Revive RGC-24K 地盒的經歷讓我大開眼界，音質的提升真的很驚人，特別是直接連接Switch的時候，所有器樂之間的分離度、清晰度和情感表達都更上一層樓。每一首歌都變得更好聽。

另外我本身都有用Telos QNR、農夫地盒同Kojo 金手指/金地盒。我可以講RGC-24K並沒有同我原本用開嘅地盒有衝突，並唔會用之後會少咗啲嘢或者cut咗頻，感覺係非常之正面。我亦都冇因為用咗而需要掹走其他地盒。呢個地盒玩味性一流，我諗我好快都會買多個試吓放上去電箱，聽講好似效果仲勁遲啲如果做到我分享吓。

別注：RLT-1K Lan 用接地降噪端子
因為地盒實在太厲害，所以想買多一個去補一補嗰router。但係因為我自己budget所限，所以只可買RLT-1K Lan 用接地降噪端子，另外貪佢細細支方便插喺router位置。佢嘅效果都好明顯立竿見影，同地盒取向都差唔多，我覺得放佢喺router 同NAS就非常之好，當然有錢嘅最好攻頂直接買晒地盒啦😂

希望呢一篇用家心得能幫到大家玩好音樂啦！