Belkin 推出 Switch 2 專用配件，開箱試用後感

阿定

上個月 Nintendo Switch 2 推出當日，自己已經同日買了軟身的保護套同貼了玻璃貼，不過用落個幾星期就對塊玻璃貼唔係好滿意，反光得太勁，而Switch 1年代用開軟套的我，去到Switch 2因為個Mon大了唔少，加上三千幾的售價，都有點怕放軟袋會有意外，所以就決定上網搵過個硬身的保護袋同埋防反光的保護貼。



本身有用開Belkin的產品，加上最近網上有好多鋰電池的唔同風波，睇得多就會堆比你的情況下，就比我見到Belkin推出了一個好勁的保護套，入面有埋粒電的，不過可惜無貨。



最後入手了無跟電池的便攜包(HK$199)，同埋防反光的鋼化玻璃螢幕保護貼(HK$139)，兩件組合價減HK$30，無揀濾藍光版本保護貼係因為對經常搭地鐵同巴士的我來講，防眩光比護眼更重要。



首先，睇下玻璃貼，有跟來最近好常見的貼膜神器，不過當然就無去Apple Store買 Belkin iPhone 貼成部機器咁誇張，另外跟來的除塵貼紙都比淘寶貨大好多，實際用上亦明白咩叫一分錢一分貨。



先將螢幕清潔好，之後放上貼膜神器固定位置，再放上保護貼就可以，實際運作期間，我都失手有塵走了入去，即時輕輕起番張貼再用除塵貼紙貼番出來即可。只要跟著步驟做，基本上都唔會有問題。



之前的淘寶貼，會有少少反光，同埋畫面無咁清



換上Belkin的防反光保護貼，反光無咁嚴重，畫面會清多少少



咁當然你成支燈打埋去，一樣係會反光的，保護貼唔係萬能的



以上的相都係用手機影比大家作參考，每張相都有少少角度差異，大家唔好太認真就是，防指紋係做到的，放落Dock都無整花張貼，幾滿意。



機袋方面，綠色雖然無黑色咁襟污糟，不過睇落無咁普通。



外觀上其賣無咩特別，最緊要夠硬身，實際使用真係跌落地都唔駛怕



拉鍊只有單邊，機頂有手抽位



手抽位可以拆出其中一邊，呢個設計係遊戲機袋上唔太常見，多數係出現係隨身袋才有的設計



打開機袋後同一般機袋分別不大



不過細心睇會見到 Joy Con 位特別做了凹位，固定好手掣唔會移位



放上 Joy Con 就更加明顯，機身可以完全貼實機袋，唔會有虛位，對防止跌爆機有一定幫助



同一般機袋設計差不多，可以放12隻Game，有內袋放手繩，USB線等雜物，唔知係咪同Apple夾開，有個放AirTag的細袋仔收係暗袋入面，萬一唔知部機放去邊時都可以用 "Find My" 搵番出來。



最後介紹埋呢隻耳機，SoundForm Isolate 頭戴式無線降噪耳機



佢除了支援藍牙5.4連接外，仲支援3.5mm同USB-C連接，可摺疊設計亦方便放落袋出街用，跟機有3.5mm同Type-C線



有主動降噪 (ANC)、通透模式 ，CloudCushion 耳罩帶上頭唔會太緊又唔會太焗，聲音唔算好靚但絕對唔差，始終只係賣緊三百幾蚊，降噪亦唔好期望同兩三千的做比較，個人覺得性價比勁高，最特別的地方係有冥想模式，可以就咁襟個掣就比海浪聲你聽



配搭Switch 2使用時，可以用最傳統的藍牙連接，首次配對後就可以長按Home鍵揀耳機



連線後會見到藍牙連接中



同樣地，亦可以用USB-C直接駁遊戲機，會顯示USB連接中，無需配對，駁Type-C頭的電話都得



當然用3.5mm連接都可以，會標示用緊耳機插孔，仲用緊舊電話、iPad或PS Portal的，就可以用番最傳統的方法連接啦！

Belkin 官網