請教威廉sir- Audyssey 設置

KeithChan1@FB

想請教一下， 每次用手機app做完audyssey calibration 之後， 根據你嘅建議， 係amp 的中置音壓大概加多1-2db 就可以，而超低音方面就 根據個人喜好加5-7db。 但如果本身屋企玩緊兩隻超低音喇叭， 如果兩隻超低音出嘅power 有分別， 在amp設置方面， 兩隻超低音的音壓是否同時加咁多db ? 例如第一隻超低音加7db， 咁第二隻超低音係咪都係要加7db ? 會唔會可以 power冇咁勁嗰隻就加多啲db， 另外一直勁啲就唔需要加咁多？

仲有另外一個問題， 一般做完 calibration之後， 你都建議用返杜比嘅碟 去調整返每一個 聲道出嚟嘅音壓都係一樣。 但我用咗音壓計去量度之後， 唯獨是兩隻超低音出嚟嘅音壓比起其他聲道會低啲。
例如: 喺擴音機-15db 的情況下， 除咗超低音之外， 其他聲道大概平均音壓都係61db-65db ， 但超低音大概嘅音壓係介乎50-55db。 我已經在amp將兩隻超低音的level 分別加咗8db， 請問有冇需要喺呢方面再作調整？ 定係基本上超低音出嚟嘅音壓唔需要追番其他聲道？

P.S. 在做autocal之前， 我已經將兩隻超低音後面嘅volume ，根據手機app 上面嘅超低音 音壓顏色圖 顯示， 盡量達成一致。 做完第一次autocal之後， 第一隻超低音係-7.5db， 而第二隻嘅超低音-8.5db。