居然用 HKD 286 解決咗一個多年問題...

Raphael

小弟套機一直有一個問題，就係播某啲歌時，歌手每當唱到某段歌詞，把口就會突然偏左 / 偏右
由於唔係每一首歌都係咁，所以一直都以為係錄音既問題，無特別搵方法解決

早排去 SHOWROOM 吸毒，同職員傾開偈，傾到呢個問題......
職員話，佢播某啲歌時都留意到同樣情況，初時亦都以為係錄音既問題；
直到有一次，佢將 SHOWROOM 一隻 CD 拎返屋企聽，意外發現某一首歌，喺 SHOWROOM 播既時候，人聲喺正中間，但喺佢屋企時卻居然偏右
從此推論，好大機會根本唔關錄音既事

如是者又過咗一排，到最近，小弟必血來潮玩地盒 (本來就已經一直有用地盒，今次就再加多幾個去唔同位置)
上網爬文時，留意有師兄將地盒駁去廚房電箱，話即使用大陸造既平價地盒，都可以減少低噪云云

本住一試無妨既想法，小弟於是搵人幫手買咗個 HKD 286 包送貨既地盒，駁咗去個電箱喥.....
一開聲，的確又真係留意到背景靜咗少少，各種聲音分隔度又好咗少少，細節又清晰咗少少
雖則話唔係天與地咁大分別，不過咁平既地盒，已物超所值了

聽咗一陣歌，忽然發現，人聲 STABLE 咗
攞返向來有人聲偏側問題既歌嚟播...... 咦？真係喎！歌手終於企定定唔郁

呢兩舊幾水，我覺得係我玩音響以來，最抵俾既開支

通山跑

小弟都玩過地盒接電箱殼，係有效果的。 我仲特登做左double blind test，叫阿女隨意插/唔插 地盒，我就坐皇帝位用同一段歌聽，大家都紀錄，試左5次，之後對答案，有冇分別和有冇插地盒結果一致。
分享下我少少發現：
1） 有插地盒係靜啲，好似少d噪音，亦可以話冇咁生猛。
2） 由冇插到插的分別並非每次一樣，有時明顯d 有時冇咁明顯。
3） 阿女雖然遠離皇帝位，都聽到有分別。佢主要覺得插左後暗左，冇咁好聽
4） 我求其用條跟盒平價地線試。 可能其他地線效果好啲都吾奇
5） 最後我電箱冇用地盒。可能我的雜訊干擾吾多，亦可能口味問題，現在閒置左隻地盒。利申 我有用緊其他地盒

ac388

那隻牌子 🙏🏻