Wireworld Silver Electra 10

HHaaaa

以前影音分家，但退燒後只繼續AV影音玩意，事原前陣子又從投2ch懷抱，添置咗部合併擴音機，唯獨是今次不能影音分家，自自然又要為線材煩惱下，首先要搵比AV amp用嘅電源線，就較易入手，留意到Wireworld 線材出咗新一代，不經不覺出到第10代，見到新款插頭幾靚仔及新物料做屏蔽會對背景更寧靜，就入手一條Wireworld Electra10電源線比AV amp用，衰在手多多攞佢插去2ch amp聽聽順便煲吓佢，又聽咗大約半個月，發現又幾得吓，心思思就走去深水埗搵佢老二Silver Electra10，試吓正式用喺2ch amp，效果如何。（原本係想入條簫簫，但顧慮到如果要睇戲嘅話驚會怪怪地？）況且唔啱聽可以比藍光機用。
原先合併機用緊蛇皇舊老頂，而CD盤就用Inakustik AC-2404Air，開始新線唱完兩小時後，就正式攞咗四首聽開嘅歌，學人寫吓聽感，簡單講句，佢係一種有速度及力度，保持到細節上嘅微動態，及可以為2404Air加返少少歌者感情，即係理性配合少少感性出嚟嘅效果，又幾好喎！但可能新線關係，聽大棚嘢時仲係有少少緊少一份從容，而同細老比，佢會從細節及弱音上會聽多咗少少，就係嗰少少都幾過癮㗎，我唔再多講，我好少出post，只不過係留意到市場上多家品牌價格都有所調升，但WW就價錢克制，7N OCC新款後線蕊仲加碼比你，性價比就自然高，有見及此想同大家分享番。