我睇左D咩?? 睇完成篇報導都唔知即係點!? 打擊白牌車.....

小瑟

有片︱網上瘋傳「放蛇」打擊白牌車　警：不是警方行動　現正調查

https://www.hk01.com/%E7%AA%81%E ... utm_medium=referral

網上今日（16日）瘋傳多段懷疑「放蛇」打擊白牌車片段，可見有人租用私家車，抵達啟德郵輪碼頭時，即表示轉交警方採取行動。其中一片段乘客稱：「喺架Benz尾落，你等等，阿sir過嚟招呼你㗎喇！」另一片段則指，「你中咗㗎喇，揸Uber瀨嘢㗎喇！」司機一臉錯愕，茫然稱：「下！哦…‥」從網上圖片及影片可見，多輛私家車被警員截停，涉案司機落車助查。
警方回覆查詢時表示，相關事件並不是警方行動。據了解，事件涉及7架車輛，警方登記涉事司機資料後，並沒有作出拘捕或發出告票。警方現正調查事件。

根據《道路交通條例》有關「車輛使用的限制」的條文，除非獲發有關牌照，否則任何人不得駕駛或容許他人駕駛或使用汽車，以作出租或取酬載客用途，首次定罪可判罰款5,000元及監禁3個月，再干犯則可處罰1萬元及監禁6個月。

另外，根據《汽車保險（第三者風險）條例》規定，任何人若沒有為汽車購買第三者責任保險，即屬違法，最高可被判罰款1萬元及監禁12個月，並吊銷駕駛執照12個月至3年不等，而相關涉案車輛會被吊銷牌照及被扣押。

小瑟

睇完都唔明, 有差人係現場, 但警方話唔係警方行動, 咁即係咩???

f31

應該係有啲反對白牌車 / 網約出租車嘅人（咩人自己諗啦）自行放蛇，然後有同黨大約時間報定警，係特定地點落車+抄資料；要檢控非合法出租車係要有人放蛇扮乘客先有證據，有關方面唔做嘢，果班人咪自己搞囉…

SimonCham@G

小瑟 發表於 2024-5-17 08:13
睇完都唔明, 有差人係現場, 但警方話唔係警方行動, 咁即係咩???

的士佬自發放蛇, 但該行動沒獲警方授權, 所以警方只是紀錄咗個司機資料就放人走, 即係的士佬哂錢哂時間, 又無佢想要嘅結果

qoakzm

的士車牌炒家自發性行動?