琴晚喺now tv租咗套anson kong嘅「七月返歸」

小瑟

先講講讚呀Anson Kong先，老實講喺佢個角色嚟講，佢算做得非常之好㗎喇。而佢嘅演技亦都唔會令到你覺得不投入，反而想講如果唔係因為佢我諗套戲我都捱唔到個結尾。😅

不過睇完曬成套戲，我想講其實到呢一刻我都唔知究竟呢套戲係講鬼？邪教？精神病？定係什麼主題？？好似樣樣都有啲，但係樣樣都唔解釋究竟係乜。會唔會係我太蠢呢？定話呢個導演根本就想東拼西湊各樣恐怖電影嘅橋段。就會覺得電影嘅氣氛會非常恐怖？因為電影中睇到兩段非常經典嘅外國鬼片畫面。第一個就係“兒兇”的紅色大門，之後就係嗰套get out主角靈魂跌落水中的畫面。睇到嗰度我真係“x”咗出嚟。抄到咁明顯想點？？？😝😝😝

最後我真係好想有機會見到AK問下佢，其實你做呢套戲嘅時候，導演有冇講畀你聽究竟其實個故仔係講緊乜鬼嘢！！！

有冇人話畀我知究竟套戲其實係講乜？最終即係全部人都畀邪教入侵？？定話啲鬼控制曬所有村民？？

好彩嗰啲now doller係免費！不過都浪費咗我寶貴嘅個半小時！😭😭😭

EzraMiller

港產(鬼片)通病,就係唔清唔楚

Kin導

大王你無理由唔明戲中好多嘅比喻
其實套戲過到審查我都好驚訝
究竟係邪教定係心中有鬼？
就留返俾觀眾自己搵答案
有口難言真係好慘㗎

小瑟

Kin導 發表於 2024-3-17 22:21
大王你無理由唔明戲中好多嘅比喻
其實套戲過到審查我都好驚訝
究竟係邪教定係心中有鬼？

你咁講我就明白好多了......不過因為我冇前設以下睇套戲, 所以真係唔知原來係咁多暗喻係入面, 等我再了解下先~
多謝你呀 KIN~

Kin導

小瑟 發表於 2024-3-18 18:06
你咁講我就明白好多了......不過因為我冇前設以下睇套戲, 所以真係唔知原來係咁多暗喻係入面, 等我再了解 ...

唔好客氣啦大王
你理解到就會喊出嚟㗎啦