飯戲攻心2 : 雖然沒有了大哥, 不過依然好好笑，仲好好喊！

小瑟

小瑟受邀去左睇傳媒首影場, 老實講一開頭都會諗冇左子華神的"飯戲"會變成點呢??🥳 但好好彩, 一眾二佬, 三弟, 加埋"Stephy", "菀之", "明禎"都令電影充滿一種令人感動嘅快樂😋；話哂都係賀歲片, 電影中始終都會有一點點胡鬧位置, 不過當你開始覺得"就快over"之際, 佢又會比返個好中嘅感動位, 溫馨位大家，當中仲有香港人一定有共鳴嘅位，對白亦寫得好精警 真心勁！雖然套戲都有成2小時, 但一d都唔覺慢, 亦都唔覺得長. 足見導演Sunny講故仔的能力及編劇之精細!!!


另外值得一提係今次多左好多新角色, 角色之間好多唔同嘅火花；但導演刻畫得最中、最細膩嘅一定係「飯團一家」！感覺咁多位主角今集都成長左唔少，作為上集觀眾，睇到佢地之間關係更緊親密真係覺得好暖！至於角色之間關係嘅轉變就等大家入場睇喇～🔥💪

homantin

昨晚我睡得不好。今日入場，後半場，我睡了半小時。感謝賜眠。

tinlunlau

我上個禮拜抽獎贏呢套戲嘅戲飛，尋晚終於兌換睇飯戲攻心2啦。上集我已經死頂忍住咋，呢集真係搞唔掂！

Ricky1703

睇左感覺上集好笑D

小瑟

homantin 發表於 2024-2-13 15:00
昨晚我睡得不好。今日入場，後半場，我睡了半小時。感謝賜眠。

咁差咩? 真係各花入各眼呢~

小瑟

Ricky1703 發表於 2024-2-16 09:45
睇左感覺上集好笑D

上集故仔集中D, 今集就冇返過屋企, 其實都係有呼應既~

tinlunlau

致敬溏心風暴嗰度我都有笑吓

Ken704

我認同頭嗰半個鐘真係胡鬧, 我心諗如果繼續落去好大鑊, 好彩之後開始有嘢想講, 親情,愛情,以及人與人之間嘅感情,當中係有感動位,令人有種酸溜溜嘅感覺, 亦表現出導演想喺輕鬆嘅氣氛之下有種動人嘅感覺, 不過後段啲感動位我感覺有點累聚, 有D拖拖地,而中後段剪接方面我覺得有少少怪怪地,有D唔連慣,感動完過後我都開始睇錶點解仲未完

見到各演其實好努力去演,亦好稱職,尤其張繼聰, 佢做型嘅又得,搞笑亦冇問題, 但係主線就冇一個人同佢有擦出個種火花,  只有副線嘅六叔或者mark gor 叫有新鮮感,如果謝君豪入主線去演反而覺得可能有更大驚喜~六叔出場係醒神嘅, 但又係嗰個問題去到中後段因為嗰種拖而令到六叔都起唔到醒神作用, 可能真係138分鐘實在太長~

唔知點解就算有啲角色加咗入去都好似突出唔到嗰個人嘅character,好似阿Dee演尼個角色有D浪費.  

最後我想講嘅係第一集其實係好好睇而且對白亦見到係有心思嘅, 作為續集其實用第一集去延續故事都係無可厚非, 不過再用同一個演繹方法同埋框架再做一個續集, 其實我覺得係好考功夫,  唔係次次得, 我覺得第一集其實係好劇情片, 反而今集我覺得今次好似有少少貪心, 想言之有墨但係又想做到賀歲片嘅格局, 但有少少2頭唔到岸,真心覺得呢個第二集應該都寫得幾急下就開拍,Anyway, 新年只要有港產片睇,其實我都已經好開心, 多謝陳導演以及一班好嘅演員帶給我們少少歡樂,大家加油🙏

順帶一提嘅係其實睇電影就好主觀亦好睇你咩嘅心態入去睇, 好唔好睇其實係咪你杯茶你要入過去睇先知呢~