請教前後級要全套西裝至正確？

ah-b

本身玩開AV前後級分開，想提升聽歌聽音樂質素又吾太想買多部又大又重牛龜合拼機，所以諗住買部似樣d前級擴音用（例如金仔/麥景圖）．．．．
想請教呢類較高檔純音響牌子前級係米要配番同廠後級至好聲？配其他牌子後級出聲會怪怪地？
多謝各高手指路。

CalvinKan@G

通常前後級同一牌子較少出現匹配問題,但不同牌子混合使用也是樂趣之一。

dplqb

大多數會用AV機去二聲道amp，如果用前級去AV main power, 應該找不到店舖去試聽。

HolyAS

唔同配搭同套裝，個人喜好吧？

LiuKaLok@G

我見好多發燒前輩玩貴價的器材，前後級都是同一品牌，他們回答除了器材容易匹配，更加是喜歡該品牌的聲底
至於前後級唔同配搭，就要睇機主功力

Benip

如果您鍾意果個品牌既聲音取向，咁一套西裝點都唔會死錯人，當然夾其他牌子前或後級都可以，但兩個唔同牌子既調音擺埋一齊之後會出左個點既效果就真係要實試先知道，我本身用緊老麥一套前後級，岩呢排問朋友借左部Audio research 前級返來試，在各種因素下得出結論，係現有空間器材下，用返一套老麥表現比較理想

1234qwer

有段時間好迷膽前石後既聲音, 特別係jadis既前級, 由於佢既後級都係膽機, 所以用唔同牌子既後級係必然

其實玩唔同牌子既前後級係好有趣, 但係好花時間去選擇, 亦都要夾唔同既線材去調聲

koalaau

我多年來都用不同廠牌前後級，主要是因為我多數玩二手，想在同樣價錢內找到最啱心水，分開搵選擇多好多。而且好多時一套前後未必係最抵買，不少廠牌都是前/後其一較好。

至於匹配問題，在冇原配a/b比較下，聲音唔覺有問題，其實好少話唔同廠會唔夾聲。

路西華

請問樓主，你係咪打算買部 2 聲道前級接部多聲道後級？可以介紹你用乜牌子型號  多聲道後級，和想買乜牌子型號  2聲道前級？ 想知道其他師兄對這玩法俾意見。