Denon AVC 同樂會 - 第四回 發燒級 (已確認 19 人)

SunnyBoy

活動詳情參考: https://post76.hk/forum.php?mod=viewthread&tid=347591

日期: 發燒級 - 2023 年 10 月 04 日(星期三)
時間: 18:30 - 20:00
地點: 尖沙咀海洋中心 1110 室
            

今次 Denon AVC 同樂會分為兩晚，希望更針對性，按會員唔同情況或年資需要與要求，解答大家疑惑；咁黎到發燒場，當然要 升 lev ...!! 有乜奇難雜症或各師各法嘅玩法，都可以交流分享，呢兩個鐘一於盡情討論!

所以申請已被通過的會員請記得確認名額唔好錯過，如未能於 2023 年 10 月 03 日 (星期二) 14:00 或以前確認出席的話，該名額將視作放棄處理。即使已確認出席之會員，如得知自己未能或未肯定出席到這個活動，請盡快通知我們，以便最終輪候冊上眾多會員可續一補上，謝謝。


煩請以下會員請盡快 click 落黎 --->  pm 回覆 SunnyBoy 你們的會確實當日必會出席。

第二場 發燒級 - 會員出席名單
2023 年 10 月 04 日(星期三)
【🌟已確認】01) alo8l
【🌟已確認】02) andylau929
【🌟已確認】03) AndyCCC
【🌟已確認】04) alxe
【🌟已確認】05) briankcwong
【🌟已確認】06) chy
【🌟已確認】07) dickmark1168
【🌟已確認】08) ericjoe
【🌟已確認】09) goharry
【🌟已確認】10) hk88888hk
【🌟已確認】11) isonchung
【🌟已確認】12) issachar
【🌟已確認】13) jwcc920
【🌟已確認】14) kingundam
【🌟已確認】15) Let-Go
【🌟已確認】16) m600
【🌟已確認】17) optionboy
【🌟已確認】18) poppersan
【🌟已確認】19) Silverman


[🌟已填 AVC 同樂會問卷會員]

出席版主及工作人員
01. 小瑟
02. hugo
03. oops
04. Steven
05. Sunny
06. wil-wil
-----------------------------------------------------------------------------------------------------------------------------
注意事項:
1) 網友被抽中出席後，必須於活動開始前 24 小時確保名額以被確認，否則視作放棄該出席權利；
     如該名額因此被分配到另一版友，且已得到確認出席，網站絕不作出任何安排或承諾。
2) 當日出席版友必需於活動開始前 15 分鐘到達及簽到以確實。
3) 未經確認身份謝絕 walk-in 參予。
4) 如被安排出席既會員於當日活動缺席，且並沒有合理解釋通知版主，網站有權取消該會員再次參加活動既權利。
5) 是次活動只供 Post76 玩樂網之會員參加，任何與該會員一同出席而非 Post76 會員的親朋戚友，一律不可參加
    活動前後相關的一切跟進安排與獎賞。
6) 如因天氣原故需臨時取消是次活動，我們會於網站內發帖公布，並可能以 SMS 短訊通知受影響既版友。
7) 網站有權按情況須要，自行更改相關內容及取消被抽中出席會員資格，並不作任何通知。
8) 如有任何爭議，Post76 及相關合作伙伴將保留最終決定權。
-----------------------------------------------------------------------------------------------------------------------------------------------
Post76 玩樂網 「爆發影音‧新體驗」
*************************************************************************************************************************************
合資格被安排出席會員，必須回覆本確認帖或於收到出席訊息中回覆確認出席，如沒有回覆，此名額將於上述指定日期截止後視作放棄出席
權利、該席位將即時由後補名額中補上，不得異議。
*************************************************************************************************************************************

Ricky1703

今次抽唔中，唯有之後睇片

wil-wil

Ricky1703 發表於 2023-9-29 10:26
今次抽唔中，唯有之後睇片

多謝支持

m600

wil-wil 發表於 2023-9-29 14:15
多謝支持

尋日收到whatsapp通知，我做完手頭嘅事就已經回覆，按link就話權限255(即是開唔到), 我一路等你哋whatsapp回覆, 到依家都無回應！直至啱啱先無權限255入到黎睇，唔見自己… 其實唔得，最好都通知聲！

wil-wil

m600 發表於 2023-9-29 23:37
尋日收到whatsapp通知，我做完手頭嘅事就已經回覆，按link就話權限255(即是開唔到), 我一路等你哋whatsap ...

新同事剛學習中，後生仔無玩開討論區，處理有啲亂，我跟進下先，m600 大哥唔好意思!!

不過，因為同事當刻未開放要 check 下可出席會員有否填到 【Denon 同樂會問卷調查】，今轉活動要麻煩大家必須填寫，一黎大會需知到大家用緊乜野 AVC 型號，二黎都想了解下大家有乜想知，麻煩 m600 大哥都盡快填返先，否則就安排唔到!! 謝謝!!

Denon AVC 同樂會活動調查
https://post76.hk/forum.php?mod=viewthread&tid=347600

Remark: m600 大哥，你好支持 76 喎，用電量都 76 埋!!

m600

wil-wil 發表於 2023-9-30 15:50
新同事剛學習中，後生仔無玩開討論區，處理有啲亂，我跟進下先，m600 大哥唔好意思!!  

不過， ...

我之前填過份表，因為用緊AVR 所以填咗’其他’型號！

相信你哋今次嘅活動都係想把唔同機種或年資嘅玩家group埋一齊，集中唔同層次咁去處理，變相唔需要用太多時間去講解一些基本設定，對進階用家會好似重複咗咁！相對會多咗時間去討論其他嘅功能

明白攪活動嘅人手、資料、溝通、場地… 等等問題，我專重大會嘅安排，如果今次參與唔到，希望下次可以join到！

去活動都係想同啲志同道合嘅用家交流吓，所以最緊要玩得開心！

wil-wil

m600 發表於 2023-10-1 02:18
我之前填過份表，因為用緊AVR 所以填咗’其他’型號！

相信你哋今次嘅活動都係想把唔同機種或年資嘅玩家 ...

m600 大哥真係心水清 正正問卷最基本先有左分流作用，入門同進階或發燒我地知到左，內容上安排會到位啲!! 之前收到好多反映，新手聽唔明，老手感覺太大部份簡單野，討論時間唔夠!? 其實就算課題同樣從最起步 ~ set 機配置講起，但入門與發燒都可以好大分別，加上有左基本功，再上層次就可以各師各法，進階就真係可以有自己個套，大家攞出黎討論時互相都學到野或者概念錯又可以修正!! 所以問卷上除左設定好基本活動題目選項比大家揀外，其實最想大家填埋 "其他" 一項，聽下大家設定以外，想知想討論乜野!!

加上現在玩 AV 朋友少好多，我地都想了解下要點樣營聚及支援到大家嘅興趣，收集下意見都係有必要!! 我地睇到話少話少，但全新加入玩影音嘅朋友，呢三年增長比例都唔弱，應該受惠疫情在家時間長，睇 netflix、disney+ 等，所以變上疫情對玩影音其實好正面，我地能否下點功夫助推一下，幫到大家維持個到火，呢個亦係 76 keep 住要頂住嘅動力黎!! 另外現在一步到位嘅人就多左好多，有時都真係要了解大家嘅狀況，我地先搞到最 fit 大家需要嘅野!!

話回黎!! m600 大哥提到填左問卷，但我睇左好多次又 search 過都無名，但我有 5 份會員無填到名，會否正正當中有你!? 係嘅話，方便嘅填多次比我，今次有你名就知係你，咁就易搞好多!! 再次多謝你支持 76、支持影音及諒解今趟嘅需要!!

Remark: 回完帖再 check，剛見到你嘅問卷，謝謝!!