集合台版dvd 《24》第一季至第九季及電視電影版

JackSiHong@FB

早前喺蝦皮購物搵代購購買第一季至第九季台版DVD，但唔包括電視電影版本，而第四季同第五季係台版DVD出租版嚟，同其他幾季市售版有些出入，於是繼續喺露天同蝦皮搵第四季同第五季市售版台版dvd。
於是有一日喺蝦皮購物見到有賣家，放咗第四季同第五季二手嘅市售版台版dvd（雖然上次買都係二手），以求喺露天，拍賣有人放市售版台版dvd二手嘢，於是搵代購購買了，先至琴日到步，終於可以集合了全9季加埋電視機版本嘅市售版台版dvd。
睇返台版嘅包裝，其實都幾精緻同好豐滿，以前DVD最豐盛時代每一個劇集嘅包裝都好好，好懷念以前嘅時代。最重要就係呢套劇特別收錄全部係有中文字幕，可以更加了解劇集背後嘅故事同幕後特輯。
其實我都唔明白，被收購迪士尼前嘅Fox唔會為呢套劇集出港版或者台版嘅藍光，只係局限出DVD，但當時呢套劇有話題性，其實當時應該出有中文字幕版本嘅藍光，反而日本版有晒全九季同電視點版本Blu ray（仍然見到日本Amazon仲有得賣），美版當時只係出過第七季同第八季blu ray，真係奇怪。
不過依家迪士尼收購咗Fox，再加上迪士尼串流平台引入，以及唔在為中文字幕市場發行影碟，自然Fox部份電影同劇集影碟慢慢陸續絕版同停售，能夠依家喺呢個終於搵到《24》劇集DVD可以收藏又可以睇，已經難能可貴。

VictorSHEK@G

開心些牙。。。我係港版😆
以前真係追住黎買

JackSiHong@FB

VictorSHEK@G 發表於 2023-6-26 20:25
開心些牙。。。我係港版😆
以前真係追住黎買

咁師兄，你用咗幾耐時間去睇？
我依家先睇咗第四季嘅第六集😅

VictorSHEK@G

JackSiHong@FB 發表於 2023-6-26 21:01
咁師兄，你用咗幾耐時間去睇？
我依家先睇咗第四季嘅第六集😅

我之前煲晒🤭 而家都係留念
如果要再睇一次真係要好多時間先會