PHI Coffee & Pancake 聯乘 姆明 Moomin 期間限定主題餐廳

阿定

話說我家作為一個姆明Fans，早個星期問去了 PHI Coffee & Pancake 中環店幫襯了 佢地的 姆明期間限定餐廳



雖然未到聖誕，但門口已經準備好白色聖誕的姆明佈置



店內亦有唔少姆明佢地的布置，大部份都係比較少見的設計



無處不在的樹精



準備禮物的姆明



連隔板都係姆明圖案



餐廳本身設計都好北歐風，大家有見到樹下的特製餐牌嗎？



店內唔同位置都有姆明的畫展示出來，大家有見到小小的阿美嗎？



好多樹精呢



史力奇同姆明佢地野餐到夜晚



姆明同科妮兩個自己野餐，基本上張張畫都係食緊野



餐牌勁靚，我自己忍唔住問店員，整到咁靚咪好貴? 然後店員答我係呀，店員仲話老細有交代落有人客有興趣可以賣比佢地留念，所以我最後買了一本回家。



女生最愛的梳乎厘，雖然因為姆明主題而比起其它梳乎厘貴了少少，不過質素對得住個價錢同環境，好味！



飯就....正常水準，餐牌有其它更特別的食物，所以除非好想飽肚，否則個人就不太推薦啦！



姆明椰子咖啡，幾好飲，再加塊聖誕樹餅乾，推薦。



小美的粉紅冬日，士多啤梨混合白朱古力同鮮奶，喜歡甜食的話，一定要叫



留意番，飲品係有跟唔同杯墊，不過要移開個杯先見到，想留為記念就記得移走隻杯抽起先開始飲啦！



餐廳本身都係甜食為主，有其它唔同的Cake同梳乎厘可以叫來食



最後介紹限量手信，賣價HKD208 的 咖啡禮盒



包裝好靚，跟一隻匙同六包咖啡




限定紙袋叫外賣都無的，係跟咖啡禮盒送，記得問店員拿啊！

有興趣想知邊度有分店的話，上番去佢地IG睇啦，唔特登幫人賣廣告啦！ phi.coffee_pancake

小瑟

咁多年我對呢個公仔都興趣不大, 不過我老婆同個女就幾BUY的!!