Assassin's Creed（刺客教條）補完篇。

marcolau

平時都係爆左隻game先寫評價，但依隻以為自己爆左，點知唔係，所以要俾翻個補完個佢。

之前以為睇埋d電腦就可以有真ending，點知又係唔得，又玩多次。
最後上網搵左個地圖(之前睇game weekly地圖，頂....錯位嘅)，搵晒所有旗仔同聖騎士，終於出左真ending，
不過主要係對白唔同左，對我d英文屎黎講，就真係冇咩意義。
不過都攞左980成就(成就係x360獨有嘅分數)，但最易拎果20分(只係同條女講野咁簡單)就攞唔到......吹漲。

其他game D隱藏旗仔圖案之類都只係開成就用，所以一般我都唔會搵。
但依隻game就梗要搵晒d旗仔同聖騎士先可以完整成條DNA，衰格到丫.......~.-

之前講過，千篇一律嘅任務係佢嘅至命傷，玩得多係會沉悶嘅(好多人都係咁講)....
不過爆左3次之後，感覺又另一回事喇....^^

其實遊戲本身係希望大家易上手先做一D簡單任務，唔似同廠作品《SPLINTER CELL》咁特務(事實上SPLINTER CELL都唔係咁多人玩得惦，吓次有幾會再講吓。)，而且全英文冇字幕，對香港人黎講，的確會沉悶。
但留心故事結構卻係有趣，如偷聽士兵對話，你會知道原來自己行藏失露，要小心行事.....
而當你身手有咁上下時，又可以用唔同刺殺手法，確係自由度相當高。
在Memory Block 4以後，明顯難度高左好多，因為之前你只須要應付4~5個小兵，但之後連D兵頭都出埋(身手勁D)，有時刺殺時要格外留意身邊有冇士兵，俾佢發現.....總之十幾廿人圍你都閒閒地。

畫面細緻就冇得頂，成個城做晒已經好勁，窒內又有枱又剩，而且成個城D市民行黎行去，個個唔用動作，有D"r"pet，有D沬面，好鬼多花樣，真係成個市集咁，仲有D窮人埋身攞錢(左鬼住晒)。

總括，沉悶只係依隻game嘅表面，殺完人之後逃跑，有邊個唔識丫，
但如果在刺殺之前先想好逃走路線，再諗吓用咩方法行刺，點樣出奇不以從後隧佢，依d先係此game嘅精髓...^^
如果冇思考過的話，根本開唔到Disciple of the Creed成就(全滿能源刺殺所有目標人物)

其實遊戲係要細味同投入先知當中樂趣，一心只為睇ending而爆機，其實過中劇情或技巧先至係遊戲重點.......
成日有人話要金手指又話要攻略，其實我好唔讚成，因為一條龍咁幫你爆機，你就只係玩控制器，冇意思個喎。
當然，有時睇唔明D日文/外文，用吓攻略都係有辦法嘅辦法，我自己都會睇，但只在於唔明佢內容先睇，所以我唔會玩RPG就咁解。
有朋友同我講，玩忍龍用金手指先爆到，講真，無敵到殺你唔死，咁忍龍中嘅戰略同招式又有何用呢，識出刀同行咪得囉......
佢又講，咁過唔到真係冇計...。
遊戲出得到，一定有過關之法，有時睇落好似好難過，但花一點時間就可以輕易過版。

但點都好，打機啫，無謂辛苦自己，用咩方法都係自己決定，只係唔好忽略過中樂趣就可以喇....^^

傳說中，在FC時代有隻變形金剛，基本上，一開始連按掣時間都冇就死，YouTube有片，但搵唔翻。
我一生中只玩過一隻必死嘅flash game，香港人叫"死亡之河"，因為一定死，只係睇你捱到幾多"秒"(我2秒就死)

最後送上全旗幟(480支)同聖騎士(60個)隱藏位地圖(12張)，睇吓有冇用....^^(地圖在games文件夾內)。
http://hk.myblog.yahoo.com/rx-167f/gallery

[ 本帖最後由 marcolau 於 2007-12-1 04:21 編輯 ]