本人(窮人)追求低音的分享

KennethChau@G · 發表於 2021-6-13 16:38

本身我是聽metal歌比較多的，由symphonic metal既超多string再加超高音女聲，power metal既快速節奏感，black metal既寂寞空洞感，death metal既殘酷力量感。到現在流行的melodic black/death metal，我追求的很簡單，鼓手踩double bass drum時既打心口感覺，但又不要遮蓋結他聲，還有人聲要前，因為睇band show主音都是最前的。其他甚麼音場，音準，幾多單元我全部唔識，還有，我是窮人。

人生第一個買的是店長推介的天龍C710
Bass drum下下有力但不會震，速度感不錯，但一年線已斷，10多年前買，其他感覺已忘記，800舊水，抵玩。

第二個是朋友推介的ie80
老實講，其他評測講佢低音勁，我有自己睇法，佢低音唔係一下一下咁打落去，而係全部低音都好濃厚，營做到一層質素不錯的低音感覺在下面，係氣氛不是力量，缺點很多，人聲後，高音去唔盡。但用得最耐係ie80，開晒聲，用國磗推，個低音氣氛可以去到好靚，其他缺點已經不是缺點。

之後懶，開始用藍牙聽歌，甚麼samsung buds pro，bose QC earbuds，評測說的低音靚，都不是自己想要的東西。
之後買了華為的freebuds pro，反而有驚喜，bass drum好出，中高音不過不失，起碼成首歌聽落有速度感，要惡可以惡，要溫柔可以溫柔。加上連線好，通話清晰，到現在也在用。

看了別人評測，又買了fiio FD5，因為評測個人話低音又靚又勁..........中伏
佢低音係靚，但唔勁。但呢隻耳機令我知咩叫高清耳機，同一首歌聽到以前聽不到的聲音，仲要越聽越舒服，呢隻FD5好野黎，我自己俾佢好高分，易推，聽女聲會扯旗，聲靚，外型又靚，值得擁有。

但追求低音勁的渴求停不了，搵店長又推介了hongkong made m20，初初聽，低音係勁，但會變左一堆野，中高音唔清。原來要開聲，不用很長時間已經變身，中高音清脆，可以去到好盡，低音實返好多，有力。各方面都很好，但有一個奇怪地方，啲聲好似有少少開左eq咁，唔識講，AB比較會聽得出。喜歡低音的人可以試試呢個。

到左前日，又睇到評測，講devialet gemini
心諗呢個牌子既喇叭，低音可以震到咁，應該有料到，但網上評測唔多，唯有又去做白老鼠。
結果唔駛講，double bass drum有現場感覺，心口會震會痕，是真正會震的低音，但沒有遮蓋其他樂器，人聲前，幾小時無感的舒適，通話清晰。
不喜歡低音朋友真的不要買。
缺點很多，電話後褲袋會窒，右耳係主機，不可獨立左耳用，apps百痴，聽緊歌都可以話我未連接。