《超犀女王》反傳統含蓄驚慄、文藝復仇

龍無忌@FB

香港譯作《超犀女王》（Promising Young Woman, 2020)，意重深長，但諧音下怕被誤導侮辱女性；中國直譯《前程似錦的女孩》毫無趣味，反之台譯《花漾女子》更有詩意👍🏼
看到女主角的裝扮，色彩繽紛甚為時尚，還以為你是什麼愛情片。點知原來係一部劇情驚悚的美國電影，由英國女導演艾莫芮德·芬諾（Emerald Fennell）首次執導和編劇。
女主角凱莉·漢娜·墨里根（Carey Hannah Mulligan, 1985），也是英國好演員。
雖然提名了最佳電影、最佳導演、最佳原作劇本、最佳女主角及最佳剪接，但美國荷里活保護色彩下，英國同業難被接受，加上對手強勁，希望能得最佳原作劇本獎。
因為故事不俗，披露人性的黑暗面，很文藝的復仇故事。
自命優越於其他人而睇小其他人嘅醫學院學生，甚至乎有沙民主義嘅男性，完全唔尊重或唔使理其他人嘅感受！
做錯事只會抵賴當年年紀小，點解社會上如此多的青年人，會因縱慾或受人打擊而影響自己的大好前途？
電影控訴大男人主義、埋沒良心的律師、維護校譽的校長，不肯發聲的同學，徹底反映社會不公義現象！

只是拍得相當含蓄，刻意反傳統將好多應該可以爆嘅嘢收埋，關鍵人物從來冇出現，主角其實對事件甚有鬱結，亦曾經想過放下，但最終都係決定為亡友復仇。
睇完你就知我講乜。
英國人就係喺藝術上面喜歡反傳統，唔係好計較賣座，如果變咗美國人拍，肯定十分暴力血腥與色情。
其實這電影色彩諧和，服裝設計也很值得欣賞，當中一幅畫面，頗有聖母像意味。

091/2021